الذبح في أستراليا

فعلا تنضيم ونضافه بالسلخ وين العرب يتعلمو كيف

في كندا الوضع غير
المزرعه يكون فيها عدد من الخرفان وكل خروف عليه رقم جوال في ورقه تقريبا مقاسها A4 وبعد يجي الزبون ويختار الخروف المطلوب ويتصل على الرقم ويرد صاحب الخروف ويكون ماهو سوداني طبعا ويقول لك السعر
ولو جاز لك تدفع له ويقوم هو ( انت يا صاحب الخروف ) ويتصل على الخروف ويقول له روح للمسلخ وصف في الدور وخلهم يذبحونك و وص عليهم ان التقطيع حق ثلاجه او حق شوي او على حسب طلب الزبون *_^


مجرد فكره في راسي ولكن تنفيذها صعب , لان البلديه مابتسمح ^_^

ان شاء الله قريب عندنا مثل هذا المسلخ .... بس بعد 100 سنة

من جدك اجل وش فايدة الدولة من كذا

ياحبيبي الدولة مستعده تخسر مليارات بس تبي تستفيد مافي شي ببلاش

زي ساهر مثلاً قمات تحصد من وراه ملايين

حنا ويا وجيهنا وش تبي تستفيد من ورانا إلا إذا كان مقابل 500 ريال قيمة الذبح والسلخ

يعني طال عمرك بتكون تكلفة الذبيحة مع التقطيع 2500 ريال كويس والله

تكفون يالربع لا تفتحون علينا بااااب ماحنا بناقصيين هنا دولة تستغل التكنلوجيا لتطفيرنا

الله المستعان ..والله قمت اخاف يخترعون شي جديد يخلينا نمشي حافين من الطفره

والله يا جماعة دائما تتكرر في بالي صورة الشايب يوم إنه ينادي على الهندي يقول الذبان الذبان

والهندي زعل ويقول للشايب : إنت مافي كلام كثير

طبعا من حقه يزعل على الشايب الذبان أيش راح ياخذ من الذبيحة ===) شيء لا يذكر

أولاً شكرا لصاحب الموضوع
ثانياً الظاهر أنهم يخدرون الخروف قبل الذبح أو يضربوه على رأسه حتى يفقد الوعي وهذا حرام
ثالثاً يقطعوا رأس الخروف كامل مع الذبح وهذا يوقف القلب مباشرة لذلك تجد العروق مليئة بالدم ولايخرج الدم بعد الذبح إلا قليلاً مع أنه يوفر كمية الدم التي تبقى وتزيد من وزن الذبيحة إلا أنها تجعل اللحم يصبح أسود بعد إخراجه من الفريزر كما نشاهد في اللحم الجمد غالباً
أما المعمل والتقنية فهي جيدة على بساطتها

مشكورين على المرور

والشكر لطبيب العسل شرفنا مرورك وتوضيحك لنقطة مهمة جزاك الله خيرا

،
صدق من قال: لو امطرت السماء حرية لرفع الكثير المظلات

ياخي مشي حالك يمشي
الدنيا كذا : مشي حااالك ... طبعاً مع الزمن كلمة مشي حالك بقت زي ماهي ولكن امخاخنا انعفجت وصرنا نفهم كلمة مشي حالك على اساس ان الشغله خيطي بيطي ...

لو تنظم الحكومه الوضع اكثر من كذا ترا بيصير فيه ناس ماراح تقدر تاكل ياهوه اذكروا الله ترانا مو عايشين لوحدنا في ذالمعموره

يعني السلاخ الامريكي راح ياخذ على الذبيحه الوحده ثلاث الاف ريال بس سلخ ...

اذا تبغى روح استراليا واذبح هناك وبعدين تعال

تدري لحد الآن وابوي الله يقويه يذبح ويسلخ في البيت ؟

مع اننا ساكنين في المدينه وفي مكان مرموق يعني محنا في قريه ولا محافظه

طبعاً الغنم نشتريه من السوق وحتى الوالد الله يحفظه حاط ماصوره كذا في زاوية البيت من اول يوم كان يبني وكان يقول هذي للذبح والسلخ ملينا من شغل العماله ...

ويذبح ويسلخ ويطلع المصران والكبد والقلوب والكلاوي ثم عاد يبدا يقطع بالساطور اليدين والظهر ويادار ما دخلك شر

،

حياك اله أخي الكريم (أنور) ... وحيا الله الجميع

في الحقيقة أن هذا المطلب ليس بالأمر الصعب مطلقاً ، فالبلديات لها مخصصات كبيرة بل ضخمة ، ومع الأسف لا نرى خدمة راقية ترقى لتطلعات لمسئولين وبالتالي المجتمع ... فلا رقابة صارمة تجعلنا نطمئن لما نأكل ولا استخدام التقنية فيما يخدم الفرد ولا في تنظيم وتهذيب لسق العمل والناحي الخدمية فيه ..... الله المستعان

8. بقلم: العالم0بين0يديك
الله يحفظ لكم والدكم
عملة نادرة في هذا الزمن

كنت في مسلخ مكة المكرمة ذات سنة , فوجدت المسلخ مليء بالذباب ويتراكم على الذبيحة
أحد كبار السن كان يطالب السالخ بإبعاد الذباب , لكن لا حياة لمن تنادي

نكتة حقيقية : شيخ مصري سألوه عن اللحوم المستوردة وأن فيها شبهة ؟
فقال : إللي مش عاوزها يعطيني هيا , احنا بقينا نشك في المحلي أكثر من المستورد

9. بقلم: TheAdvisor
الله يحييك ويبقيك
أكبر مشاكلنا الكسل
والمسؤولين منا وفينا

لو يجينا ياباني أو فرنسي نشيط نهايته يرمي نفسه من برج وينتحر