الف حمدلله على سلامته ..
مريت بنفس الاعراض قبل سنتين .. وبصراحة خفت .. توقعت سكر .. ولا ضغط ..
واتذكر جيداً اني عندت ومارضيت اروح مستشفى ..
وفعلاً بعد فترة اشتدت الحالة كثيراً وصارت بزيادة ..
وراجعت طبيب .. وطلعت الحالة نوع بسيط من انواع الاكتئاب بسبب الضغوط النفسية في العمل و ضغوط الحياة بشكل عام ..
كتب لي الطبيب علاج شهري ..
اول اسبوع كان يسبب لي الصداع .. ولكن كان مريح ..
ولكن بعد استعمالة لمدة شهرين .. لاحظت التالي .. انه صرت اتشهى على اخذ الدواء
ولو خلص اراجع الطبيب عشان يصرفه لي " لا يصرف الا بروشته " سعره كان ميتين ريال تقريباَ
والله اتذكر ...
ولكن في يوم كنت جالس مع زوجتي وقالت لي مالاحظت انك صاير تبي الدواء وكأنك ولفت عليه .. و و و
انا قلت ببساطة : نعم .. هو هذا اللي كنت خايف منه والدكتور قالي ابد لا تشيل هم
راجعت الطبيب مرة ثانية وقلت له كذا وكذا .. قالي خف الجرعه من حبه في اليوم إلى نصف حبه فقط .. وبالتدرج ..
اتذكر خرجت من الدكتور و صلت عند باب البيت .. اخذت العلبة كلها ورميتها بالزبالة
وقلت يا الله اعني على التعب ..
وفعلاً ومن يومها ولله الحمد ما اخذت حبه وحده ..
طبعاً راجعت نفسي .. ضغوط الحياة ومشاكل العمل .. عمرها ما تنحل بأني اجلس اكل في نفسي واجلس منقهر .. وماحد بيموت جوع ولا فقر و لا من قل الوناسة ..
واوكلت امري لله عز وجل .. وصرت اخذ اموري بكل بساطة .. لا ازعل احد ولا احد يزعلني ولا اشيل على احد وكلو ماشي :)
والحمدلله عز وجل ...