| جميع الحقوق محفوظة © |

افيدوني انا وصلت لطريق مسدود

السلام عليكم ورحمة الله وبركاته اخواني
قسم بالله اني اكتب الموضوع وانا احترق من داخلي كيف يصير لي كذا واناابن البلد الاجنبي صار يتمتع بخير هل بلد اكثر مني
وبعدين ياحكومتنا من لنا بعد الله اذا ماانصفتونا يااخوان لنا ورث متوقف من 8 سنوات بسبب اهمال والدي وعدم اضافة اخواني
ووقع علينا ظلم من دائرتين حكوميه وفوق هذا كله حكومتنا ماعندها استثناء لحالات مثل حالتنا ورث متوقف ولا فيه احد يرحم
نعيش بخوف من الموجر وتهديداته نعيش على امل بكره وبكره مثل امس كل جهه تبغى ادفع لها ولكن مافيه جهه تعطي كهرب مواد غذائيه ملابس صيانه امور واجد منين ندفع لها وصلنا لصفر قسم بالله يااخواني مااملك الان ريال ولا يوجد لدي سياره وعاطل عن العمل ولاعندي شهاده دراسيه وعلي ديون ومعي سياره مستاجره لم ادفع للان ريال ومطالب ب2200 وانا اراجع بمعامله مالها اساس عند الحكومه انا وصلت قسم بالله لتفكير السلبي وهذا التفكير من 8 سنوات وانا ابعد نفسي عنه خوفا من الله وكي لااشوه سمعت والدي بعد وفاته حبيت اشكر وطني الحبيب وحكومتنا الرشيده على لاشي
لاضمان اجتماعي ولا قرض عقاري ولا شي محرومين من خير هل بلد من جميع خيراته
ماقول غير حسبي الله على من تسبب لنا في هل حال من اي جميع دائره حكوميه وحسبي الله على كل من مغلق ابوابه
والله اتكلم وقول هل كلام من نار بداخلي انا ابن البلد لا استطيع اشري دجاجه والاجنبي يبحث عن سياره بسعر 70 الف
حبيت افضفض قبل لا اسوي شي بنفسي واعذروني قسم بالله مكبوت من فتره من يقدر يفيدني او محامي يقدر ياخذ حقنا
وياخذ اتعابه بعد ماتخلص امورنا يتواصل معي تكفون من بيده شي او يعرف احد لايبخل علي

الردود (23)
الكل: 23
21 23
21.
عضو قديم رقم 351225
07:23:35 2014.06.16 [مكة]
احمد ربك .. أجل وش تقول في مشكلتي ؟ كيف أحلها ؟ أنا لي أكثر من ( عَقْد ) من الزمان وأنا اسعى خلف رزقي ، ولا اجد سوى التعويق والتثبيط والمنع والحرمان والخذلان والخسائر والمحاربة في الرزق .. الخ ، ومثل ما صادفت أنت صادفت أنا وغيري ، لدرجة أني أصبت بأعلى درجات الكآبة التي قلما يعرفها بشر ! لا وفيه ناس مكثوا أكثر مني ومنك ، وصادفوا مثل اللي صادفت أنا وأنت ، وفي النهاية فرجها الله عليهم . ( فـ ) خل أملك بالله كبير ، هذا أهم شيء !
22.
18:16:48 2014.06.16 [مكة]
ونعم بالله مشكور على النصيحه بس اشوفك متحطم خل عندك امل انت بعد ههههههههههههههه
23.
عضو قديم رقم 367081
21:08:57 2014.06.16 [مكة]
ايه اعرف بس مو احوال القصيم اخوي ب وكالة الاحوال بالرياض والحين مسافر سبوع وراح اكلمه وشوف اذا يعرف بالقصيم
أضف رداً
نقاشات مشابهة