تابع مستعمل على
جميع الحقوق محفوظة ©
السلام عليكم ورحمة الله وبركاته اخواني انا لي فتره طويله اعاني من كتمه تيقضني من انوم
في كل يوم وتتكرر علي في كل نومه ثلاث مرات الى اربع مرات
طبعا الحاله تجيني وقت الغفوه وعند انوم العميق قليل ماتيقضني ممكن مره مرتين بالاسبوع مع العلم
اني اتوضا قبل انوم واذكر المعوذات اتمنى من قد مر بحالتي ولقى حل لايبخل علي فيه
وجزاكم الله الف خير
يمكن تكون الكتمة من بخاخ او بواجي جرب اطلع خط يمكن تروح الكتمة غير فلتر الهواء يسويها في عند قطع الغيار بخاخ اسمة اي سي ديلكو هذا ممتاز تصفية بخاخ بس غالبا تكون كتمة من بنزين اذا تعبي 91 غيرة الي 95 وجرب وعطني خبر
بدليك على مكانيكي في صناعية اعرفة يظبط لك الكتمة بس تلقاها شي بسيط اذا مكينة تشتغل صح تلقاة فلتر بنزين او هواء
ماتشوف شر انشاء الله
جرب العسل الابيض الروسي انشاء الله نسمع اخبار طيبة عنك واذا حبيت انظر اعلاني ..
زر طبيب اذن وانف وحنجره وافحص الجيوب الانفيه واللحميه
الله يعافيك
هل انت سمين اذا نعم يجب أخذ وساده منخفضه اما اذا كنت غير سمين شيل اللحمية
بقلم: بنجعيثن ماودك وانا ماسك خط اضغط التيربو يمكن اصفي الطبلون بسرعه
اصحاب العقول براحه بقلم درة العسل ياصاحبي الله يرزقك ببضاعتك اذا تضمن لي ان العسل يبعد الكتمه قلي وان شاءالله مانختلف بقلم زاهر والله ياخوك من كثر ماني ضعيف اتمنى السمنه
وبنسبه للحميه مافيني لحميه
اذا الكتمه تفزع يعني لدرجة انك تظن وتتصور الموت . ان كان نعم . لها حل وهي منبهات لك .
ان كان غيره اقرأ المعوذات وستعمل العسل مع الاستمرار بالذكر ...
أخوي هل أنت تدخن بشراهة وخاصة قبل النوم ؟
كانت لي تجربة مع هذي الكتمه لسنوات واعتقد اختفت يوم تركت التدخين نهائياً .
وإذا ما تدخن فغالباً السبب هو الجيوب الأنفية كما تفضل الأخ - الصداوي .
ما تشوف شر إن شاء الله .
اخوي كانت تجيني قبل فتره وهذي من القيلون وفم المعده وماتشوف شر ان شاءالله
من أسباب الكتمه وضيق التنفس شرب الماء البارد أو أي شيئ بارد بزيادة عن الحد المعقول وهذا من واقع تجربة تنفس بقوة فإذا أحسست بحشرجة في النفس فهي من السوائل الباردة
عافاك الله
مادام انت سيمباتيك .. اهم شيء ماتعاني من القلق .. إذا عندك قلق حاول تسيطر عليه .. وامورك طيبه .
السلام عليكم اخوي الخلاص اسأل الله ان يشفيك عاجلا غير آجل
اولا: هذه مشكلة كبيرة اسمها "Sleep Apenea" او توقف التنفس اثناء النوم قد تؤدي الى الوفاة لاسمح الله او اقله تكون تعبان نهارك كله ولو نمت الليل كله لأنك لم تنم نوم عميق وهذا يؤثر على انتاجك العملي
http://en.wikipedia.org/wiki/Sleep_apnea
ثانيا: جتني هذه الحالة وعملت اختبار نوم بالمستشفى --- النتيجة انني كنت اصحي كل 15-20 دقيقة ولم اصل ابدا للمرحلة العميقة من النوم ودائما كسلان
ثالثا: الحل جهاز اسمه CPAP وهو غالي حول 4000 ريال تلبسه زي الكمام وماطور ضغط الهواء وتتنفس من خلاله واذا توقف تنفسك يضغط الهواء اتوماتيكيا --- ارتحت جدا عليه وصرت نشيط لأني انام نوم عميق --- تعرفت على ناس ماتسافر الا الجهاز معاها
رابعا: انا سمين شوي وخففت وزني وقريت عند مطاوعة وشوي شوي قل استخدامي للجهاز تدريجيا حتى افتكيت منه وتبرعت فيه لواحد بحاجته
اسأل الله لك الشفاء العاجل والسلام
انا اقول الحل عندي وحلك منهم بس
تعرف طلعت القديه طريق المزاحميه
عرفتها
ادعس الموتر وخله ياصل 200 وانت طالع الطلعه رده رابع خل المكينه تنفجر ويطلع كل الكربون الي فيها
بحكم تجربه ... التدخين
الف سلامة وماتشوف شر واسال الله ان يشافيك ويعافيك،،،
الرجل مريض والبعض يتمسخرون ويستضرفون اتقوا الله في انفسكم وادعوا له بالشفاء ،لعل الله لايبتليكم بمرض ليس له داء.
نسال الله العفو والعافية
اهلا
هدي مشكلة صحية
يجب عليك مراجعه قسم انف و ادن و حنجرة
لأن اسبابها كثيرة
يمكن من الحلق او حتى المعدة تفرز احماض زائدة
لا تتساهل بها وراجع الطبيب
انا كان يجيني اختناق لثواني اثناء النوم و تركتها حتى صارت الى نصف دقيقة
ولكن اخر مره من شدتها غبت عن الوعي وزين ان اخي موجود و اسعفني
وما تشوف شر
شوف اخوي اسال الله لي ولك الشفاء
هذي سلمك الله لها عدة اسباب
اولا القلق يسببها
ثانيا الشبع لاتتعشى وتملى بطنك وتنام وخصا اذا على جنبك الايمين
اسال اللي جنبك هل تشخر اثنا النوم قد يكون من الشخير
القلق يسبب توقف النفس اثنا النوم
انا ماكنت اشخر نهائيا بس من كم سنة صرت اشخر اول النوم وهو مايجيني الا اول النوم ولايمكن انام وانا مستلقى على ظهري نهائيا اما على جنبي لايمين او جنبي الايسر
الف شكر على ردودكم ولكن انا مدخن وثاني شي احيان انام شبعان حدي واحيان اكل خفايف وبنسبه لموضوع الشخير الحمدلله مااشخر وبنسبه لموضوع القلق انا عايش طول عمري باقلق ومستحيل مانام قلقان يااخوان انا تجيني احيان ماهو كل يوم يعني يومين ثلاثه مثل الحلاوه على قولت اخوانا المصريين واحيان يومين ورا بعض تجيني وتوصل احيان اني خلاص اقول في نفسي بموت
الخلاص الله يشفيك ولا تشره على بعض اصحاب الردود على قولت المثل النار ماتحرق الا رجل واطيها وهم قاعدين يستهبلون بالردود الي مالها سنع
اخوي والله اني اعاني من اللي تعانيه ونفس القلق وهذا والله اعلم قيلون اما بالنسبه لي وجع وظيقه وعلى القلب وماهي الا غازات من القيلون رح واكشف واقطع الشك باليقين واتعالج الله يشفيط ياخى امين
اللهم امين الله يجزاك خير اخوي المرسال يكفيني ردودك وردود الاخوان الطيبين على راسي والله
واصحاب الاستهبال خلهم يوسعون صدورهم
بس لو تلاحظ خيالهم واسع اتوقع السبب يعود لمتابعهم افلام الكرتون على كبر بسن
هههههههههههههههه
