استفسار احتاج مساعدة للضرورة لا هنتم - تقدير الحوادث - حادث بدون تأمين

قبل 8 سنوات

السلام عليكم ورحمة الله وبركاته

اخواني قدر الله وصار حادث بسييط في يوم 9 رمضان وصدمت سيارة لكزس LS مويل 2013 ووقتها التأمين حقي انتهاء - والله للامانة كنت مستعد لصاحب السياراة بأي مبلغ يطلبه , الصدمة كانت من الخلف بس جات الصدمة من اقصى اليسار يعني الرفرف والصدام الخلفي حتى باب الشطنة سليم .

قطع الغيار المطلوبة ( صدام خلفي , اصطب ع الرفرف ورفرف وحساس وبطانة رفرف فقط ) المهم سعر القطع اصلية وكالة لا يتجاوز ال5000 ريال وانا سألت بنفسي وبشكل رسمي من الوكالة .

الرجال في موقع الحادث طلب مني 10 الاف بعدين قال 12 الف بعدين قال للعسكري لا 15 الف من راسه قال ابي اصلحها بالوكالة ومرة يقول ضروف ومرة يقول الاهل , قلت له معليش السيارة موديل 2013 وفي تقديرات ورش وورش رسمية عن المرور , المهم اليوم الثاني دقيت عليه وقلت له ها قدرت قدر قال خلاص ما بقدرها بالوكالة بقدرها باورشة اعرفها قلت له طيب ( وانا بس ابي اشوف كم بيقول ) دق علي بالليل وقال 10 الالاف ريال تقدرت قلت مو مشكلة بعطيك 9000 قال لا والله ما اقدر , قلت ابي تقدرها الورش الي معترف فيها من المرور اجل افضل لي لك وكأجراء رسمي قال طيب .. ولا عاد احد دق علي لا هو ولا المرور .

رحت المرور اخر يوم دوامات في رمضان قال الرجال مقدر ب10.200 ريال لكن تعال بعد العيد نكمل الاجراءات ,
لاحظوا يا اخوان هو راح قدرها بالورش ورشيتن 10.200 وورشة ب10.000 ريال طبعاً مع القطع .

المهم دقوا علي المرور امس قالوا انت فلان قلت اي .. قالوا معك مرور الناصرية راجعنا .. قلت طيب

رحت لقيته طالب 18000 الف ريال , قالوا هذي تقدير شيخ المعارض .. قلت طيب وتقديرات الورش .. قالوا النظام يقول فوق ال5000 تروح لشيخ المعارض وهذي محولها الرائد يقول اذا كانت فوق ال5000 تتحول لشيخ المعارض

اخواني وش رايكم في الموضوع وركزوا على قطع الغيار ما تتجاوز ال5000 ووانا مسؤول عن كلامي هذا
وللعلم والاهمية الصدام حق السيارة تبعه الخلفي مرشوش 100/100 وانا قارش البوية بيدي
وسبق وان قالي عسكري قال اذا تحولت لشيخ المعارض تقديريه ما يفرق عن الورش كثير يمكن يزيد 1000 الى 2000 ويمكن ينقص من 1000 الى 2000

وش رايكم يا اخوان

استفسار احتاج مساعدة للضرورة لا هنتم - تقدير الحوادث - حادث بدون تأمين
عندك أي منتج؟
الكل: 1

حياك الله .... وحيا الله الجميع .... هذه معلومات ثابتة لك ونقاط قوة تنطلق منها كونها معلومات حقيقية مؤكدة ليست من جيبي ، فخذ العلم:

أولاً::: يفترض أن التقدير من ثلاث ورش معترف بها لدى المرور وهي متواجدة في كل صناعية لهم فرع به مندوبي ثلاث وؤش بإشراف المرور في كل موقع... أم الحمام .. النسيم ... الشفاء ...... الصناعية القديمة ............................ إلخ.


ثانياً::: نعم ، إذا زاد تقدير الورش عن خمسة آلاف ، فتذخب لشيخ المعارض ، شيخ المعارض يزيد في التقديرات دائماً بنسبة 20% أو نحو من ذلك .


ثالثاً::: صاحبك لم يكن نزيهاً في تعامله فيما بدأ من كلامك ولك الحق تعترض ، وتأتي بتسعيرات رسمية من الوكالة للقطع ، وبهذا تقطع عليه الخط بالحق والعدل والانصاف.


وبالله التوفيق

أضف رداً جديداً..