استشاره واستفاده منكم ي الغالين، علي ديوني وابي افتك منهااا

انا ابي اقلك انتبه لا تقع في الربا و ينبت لحمك وورعان بالحرام
شف لك قرض حسن من جمعيه او سولك جمعيه وخلك الاول

موفق

اخوي .. احمد-محمد
اي هذا الكلام الي ابي استفيد منه ي الغالي .
وي ربي يكتب اجرك ويحفظك ويخليك .

ابعد عن الفوائد الله يحفظك

الحل صعب بصراحة خاصة ان راتبك حتى ما يغطي انك تاخذ قرض من بنك تسدد منه
لان الديون عالية جداً عليك ..

ولكن الحل اللي اقدر اقوله لك ..
اني ادعي لك ان الله يفرج همك وهمنا من هالديون ..
عليك بالاستغفار ..



---
الحل الثاني امكن ما ينفعك .. ولكن ممكن يسوى معاك شي
- تزويد الدخل الشهري ( بالعمل الاضافي مع التجارة مع ايجاد وظيفة اخرى )
- الاستغناء نهائياً عن الكماليات ,, ومستوى المعيشة اللي كنت عايشة فترة ال 15 الف راتب .
- محاولة بيع اي مقتنى لديك يجيب لك فلوس حتى لو مبلغ بسيط .. اهم شي يقضي على الدين .
- الانتقال من مكان السكن الحالي لمكان سكن اقل كلفة تصل للنصف و اصغر .
- الاستغناء عن السيارة اذا كانت عندك سيارة سعرها عالي شوي .. واستبدالها بسيارة بأقل من نصف الثمن لتقضي مشاويرك فيها .
- جدولة الديون بحيث ما تزيد ديونك خلاص ..
انك تسجل كل ريال مسجل عليك .. وتحط حد لاستطاعتك الدفع الشهري كم ..
لنقل مثلاً راتبك 4000 ريال + 2000 ريال دخل اضافي
المجموع 6 الالف ريال
ناقص منها 1200 ريال قسط البنك المتبقي عندك 4800 ريال
مجموع الديون عليك غير البنك ممكن توصل 100 الف ..
تعمل جدولة شهرية بأنك تسدد شهرياً بدون قسط البنك مثلاً 2800 ريال
بحيث تجدول الديون بإنك تنتظم بالسداد للناس جزء من حقهم كل شهر
وكل ما انقضى عنك دين توزع نصيبه على بقية الديون وهكذا

ان شاءالله خلال الفترة القادمة يزيد دخلك وتحول الزيادة ثلثين للديون وثلث لك والافضل كلها للديون ..

ان شاءالله خلال فترة تكون سددت مبالغ كبيرة من اللي عليك ..
لحين الله يقدرك وتقدر تاخذ اضافي من البنك وتكمل المبلغ كامل .. او الله يرزقك ويوسع رزقك وتكمل على نفس الطريق ... لحد ما تسدد اخر ريال عليك ....


اللهم إنا نسألك ان تقضي عنا ديوننا
اللهم اغننا بحلالك عن حرامك وبفضلك عمن سواك

كم تقدر توفر شهرياً؟

أنا أنصحك أنك تتفق مع أصحاب الديون أنك تحول لحسابه 1000 ريال مثلاً بحيث أنك أول ما تستلم الراتب تحول المبلغ وتدبر نفسك لآخر الشهر

أما أنه يكون عليك دين 150 ألف وتقترض ويصير المبلغ 200 ألف فهذا مصيبة فوق مصيبة

واستعن بالله على قضاء دينك

هلا والله اخواني .
مشكورين ع الردود
للمعلومه اخواني . انا طلبت المبلغ اولاً . لاني ابي اجمع ديوني كلها بدين واحد .
لان اذا تعدد الديون تصير حوسه .
انا راتبي ينزل 3800 . والقرض ياخذ 1200 والديون في الشهر اسدد منها حدود 7000 الالف ريال ( طبعاً ال 7000 هذا اطلعه من شغلي الخاص والحوسه الي اروح واجي واتعب نفسي فيها )
فالي ابيه حالياَ .
دين واحد اسدده لرجال واحد فقط . مثلاً يكون قسط واحد علي او برهن بعد فتره ارجع له المبلغ كامل. من شغلي الخاص .


دعواتكم اخواني وربي يوفقكم .

تكفى لا تعالج الدين بدين آخر أكبر
خذها نصيحه جدول المديونات التي عليك للناس بحيث كل واحد عطه جزء بسيط يسكته واما دين القرض فاتركه على آلية التسديد وصدقني راح تنحل بدون تدخل في قرض ثاني وفوائد أخرى
والله يسهل عليك

المشكله ي الغالي ان ب النسبه لي والله م بي اتدين ولا شي بس يلا عسى خير وخيره .
وب النسبه ان كل واحد اعطيه جزء بسيط هذا الي جالس اسويه لكن بعضهم م يصبرون وكلام وحوسه .
قلت احاول اشوف واحد اخذ منه واسددهم كلهم ويبقى هو مع اتفاق بيني وبينه كل شهر او ارجعها له بعد سنه .