| جميع الحقوق محفوظة © |

استشاره ادخلو لاهنتم

السلام عليكم ورحمة الله وبركاته اخواني وحبايبي اعضاء مستعمل الكرام انا اخوكم الخلاص
طبعا من قديم وانا في هذا الموقع المميز واللهم لك الحمد استفدت من بعض نصايح اخواني طبعا اول دخول لي الموقع كان شخص نصحني بتسجيل بالموقع وسبب بان اهل الموقع محبين للفعل الخير وهذا مالمسته من اول تسجيل بالموقع وكانت ضروفي وقتها صعبه واللهم لك الحمد الان بافضل حال وضروفي جيده طبعا لاغناء لي من نصايحكم وماخاب من استشار اول شي شكرا لكل شخص نصحني او دعالي وشكرا للقائمين على الموقع كونت صداقات بفضل لله وثم بفضل هذا الموقع
المهم طولتها عليكم الموضوع ومافيه معروض علي وكاله لمنتج جديد بسوق السعودي واكيد يحتاج المنتج تسويق وخسائر ماليه حتى يبدا ينتشر بسوق ويبداء المستهلك بطلبه ولكن لما وصلت لشركه لتوقيع العقد قراءة الشروط وحبيت استفيد من خبرتكم ونصايحكم اول شي مدة العقد سنه قابله لتجديد ويحق لي مقاضات الشركه في حال رفضو تجديد العقد وانا حبيت اعدل على هذا البند واطلب اقل شي 5 سنوات ثانيا الكميه الكميه تعتبر بطن والمطلوب 3 طن سنويا يكون سحبي من المنتج وهذا اشوفه صعب على منتج جديد لان من شروط العقد 3 طن سنويا يعني لو اسحب 2 طن يقدرون يلغون العقد معي والمشكله الان هم يحتاجون تسويق للمنتج ووكيل وانا اخاف اتعب على المنتج من ديكور وتسويق واخر شي يلغون العقد علي
وثالث شي فارضين علي سعر ماازود عليه يعني يعتبر ربحي 45 ريال في كل قطعه من المنتج واللهم لك الحمد كويس بنسبه لي بس السوق يطلب والمفترض احسب كل شي من اجار ومن ديزل ومن اجور عمال والا اخره هم مو خاسرين شي يبيعو على الوكلاء بسعر هذا ماعندهم اجور عمال ولا شي لكن انا يختلف معي السعر لان يحتاج تسويق المنتج واجور عمال وراح ابيع كا بدايه برخص حتى يعرف المنتج السوق او بمعنا اصح حتى يرا النور هذا المنتج اتمنى من يعرف شروط الوكاله او عنده خبره او هو وكيل لمنتج يزودني بخبرته او بنصيحته ومشكورين لاخلا ولاعدم يااعضاء مستعمل ايه صح انا رجعت
هههههههههههه
نسيت الله يعطيكم العافيه ياادارة مستعمل على العضويه المميزه ليس مستغرب عليكم دعم الاعضاء شكرا لكم

الردود
نقاشات مشابهة
الكل: 5
1.
20:19:40 2015.12.05 [مكة]
طفت ناركم يااعضاء مستعمل 205 مشاهده ولارد
2.
06:08:02 2015.12.06 [مكة]
هذي تحتاج لمحامي خبرة في الأمور التجارية أو متمرس تاجر في مثل هالأمور . لكن شوري الخاص يجب إعداد دراسة جدوى للمنتج حتى لو تبدأ بتجارة من منزلك مبدئياً لترى نسبة الإقبال عليه أولاً ، هذا والله أعلم .
3.
17:11:08 2015.12.06 [مكة]
الله يجزاك خير والله المنتج مراح يكلفني عندي موسسة مقاولات يعني مكانه بسيط وموجود
4.
عضو قديم رقم 441396
01:12:30 2015.12.07 [مكة]
السلام عليكم ,وتحياتي للجميع اخي العزيز موفق بأذن الله اولاً مثل ماقال اخونا ياسر يعطيه العافية يبغالك دراسة جدوى مبدئية انت تعملها بالبيت على كاسة شاهي ( مثال ..- 1. مدى الحاجة إلى المنتج، وهذا يتطلب وصف السوق بمعنى تقدير الاستهلاك الحالي واتجاهاته والأسعار السائدة،وجودة المنتج ,سعرة معقول للمستهلك, وأذواق المستهلكين…الخ. ــــــــــــــــــــــــــــــــــــ ثانيا- انت تربح 45 ريال بالقطعه حلو ماشاءالله , وزع ال 45 ريال على اجارك ورسوم بلديات وزارة تجارة وغرفة تجارية وتصالات وعمالك وتسويقك للمنتج وحاول توفر منها او تدعمها براس مال ثاني لكي تفتح فرع لك بنفس المدينة بمنطقة استراتيجية , مهم تعدد الفروع للوكالات على الاقل فرعين بسمك حتى كل فرع يغطي نقص الفرع الآخر وتبدا تشتغل ___ انا اشوووف سنه عقد كويس كبداية لك وانت تقدر تخلي الشركة المنتجه تعطيك عشر سنوات الى وكيل مدى الحياة بقوة تصريفك ___ قوة تصريفك حتكون اما ان تشترط على الشركة المنتجة بأن اي وكالة بالسعودية عن طرقك انت يعني تحتكر المنتج وتبدا تنتشر فروعك عن طريق الوكالات بمدن المملكة لو فائدة 10 ريال أو 5 ريال على القطعة انت كسبان .( بدل ماكنت تصرف 100 قطعة بلأسبوع سرت تصرف 200, 300, 400, ....... وابدا امسك الة حاسبة وضرب وقسم واجمع يبالك الة حاسبة ام اربعين صفر ههههههه تطلع ارقام خيالية __ ومع الوقت قبل السنة الأولى استأجر محل بأي حي يكون الحي اجاراتة رخيصه من 5000 ريال الى 7000 ريال وخلية مستودع , واسحب الكمية الألزامية 3 طن, بس حاول تخطط كيف تسحب 3.5 طن السنة الأولى حتى تخلي الشركة تثق بقدراتك وقوة تصريفك سوي عروض على النص طن لو ماتكسب الى ريالين بالقطعه أخيرا اتمنالك التوفيق ونجاحك من نجاحنا , استخير رب العباد بركعتين وعقلها وتوكل , انطلق وغامر ولا تخاف ولازم تواجه عقبات واذا ماوجهت عقبات انت فاشل , بس التغلب على العقبات قوة بالتجارة ويفتحلك مجالات كثيرة وأفكار عجيبةوحسابات ماكانت في بالك . وعذراً على الأطالة اخوك ابو احمد
5.
21:58:11 2015.12.09 [مكة]
حياك الله ياابواحمد وردك شرف لي على الموضوع ولايهونون اخواني وكلامك سليم وعلى راسي وانا والله عامل دراسه وتقريبا راح اكتسب سمعه بفتره قصيره لكن هي على اول بيعه للمنتج المنتج مضمون لمدة من الشركه وسعره اقل من سعر السوق كما بديت الان بتكوين علاقات مع الدهانين وراح استقدم دهانين على حسابي الخاص وانشرهم بتيشرتات للمنتج وسياره وزي ماقلت اول عمل ان شاءالله راح يسهل باقي اموري اما بنسبه للوكاله الوكاله ليست حصريه علي بسعوديه لكن حصريه علي بمنطقتي