استشارة بخصوص العمل الخاص والحكومي

كم عدد سنوات خدمته بعمله الحالي

هل لديه التزامات

الأهم من هذا كله رفيقك راعي شغل والا راعي استأذان

هلا بك ..
سنوات الخدمة بحدود 7 سنوات
بالتأكيد .. هو في سعودي ماعليه الالتزامات :)

راعي شغل وكرررررريف عشان كذا حاس انه مظلوم في وظيفة المحسن والمسئ بنفس الخندق :)

راعي الشغل ينفع للشركات والممؤسسات لانها ربحية ويهمهم ان يكون الشخص منتج .. وشخصيا اعرف اثنان لا يحملون شهادات عليا ولكنهم راعين شغل وكرف .. الان هم مدراء كبار لان الشركه قرارها بيدها ومن يعمل ويجتهد يكافأ
ومن لايعمل الباب يفوت جمل

عيب الشركات مافيها أمان وظيفي ولكن الواثق من نفسه بينجح عندهم

تعرفت على شخص في احدي سفراتي يعمل مدير عام وبرواتب فلكيه في صرح طبي كبير بالرياض ويحكي قصته انه كان موظف استقبال وخلال سنوات اصبح على ماهو عليه الان وهو ولد شباب في بداية الثلاثين

خل رفيقك يصلي استخاره والله يدله على مافيه خير

جزاك الله خير على الرد

المشكلة في القطاع الخاص انك تكون على كف عفريت ...
ماتدري ممكن ينتهي العقد والشركة حابه توفر ف تقولك مع السلامة ... ما احتاجك ..
وانت ملتزم وعليك ديون واقساط واولاد ... هنا المشكلة

الاستخارة امر اكييييييييييد مافيها نقاش ... ولكن ماخاب من استشار ...

لو خدمته طويله كان قلت لك يقدم تقاعد مبكر ويمشي له راتب ويجرب حظه عند الشركه

عموما
اذا كانت شركه مرموقة ولها اسم فلا خوف عليها بعد الله سبحانه

وممن خلال سنتين الي ثلاث بجهده وعرقه يأمن منزل وبعدها لاخوووووف أبدا لو يأكل خبزه

البلد فيه خير بس يبي واحد يشتغل ويكرف

لو تعدى ال 20 سنة كان اتقاعد وراح جرب حظة .. :)
لكن هذه هي المشكلة ...؟؟؟

فعلاً الشركات تبي الشغيل ماتفكر في المؤهلات
الله يعين .. شكراً لك اخوي

شكل صاحبك في الصحه
ووزاره الصحه اعلنت على لسان المتحدث الرسمي د/ خالد مرغلاني ان التشغيل فقط للوظائف الجديده او الحديثه
اما بقيه المو ظفين فسيبقون حتى التقاعد تفضل الرابط akhbaar24.argaam.com/article/listbytags/29513/

لا والله يابو فيصل ماهو بالصحة ..
ولو كان بالصحة كان هج من زمان لا شار ولا استخار هههههههه

تسلم على ردك يابو فيصل وان شاءالله يستفيدون منه الزملاء

يتوكل على الله ويروح للقطاع الخاص دامه راعي شغل.. في القطاع الخاص امانك الوظيفي ماهو بيد الشركة ولكن بيدك انت في خبرتك وكفاءتك ومؤهلاتك
الحكومة تتميز بالاستقرار الوظيفي يعني تقريباً مكانك سر وهي مناسبة للي مايبي يتطور ولايتحرك لان عنده مصادر دخل اخرى

والاستخارة قبل تقديم الاستقالة

أعتقد انه موظف في الهيئه العامه للطيران المدني
خله مكانه افضل ويبعد عن القطاع الخاص لأنه لايوجد به إستقرار وظيفي
بالتوفيق

اخوي خله ياخذ اجازه استثنائيه سنه ويجرب حظه والله يوفقه

وش يعيب القطاع الخاص ؟؟
خاصة لو كان قطاع كبير
انا موظف قطاع خاص ولي زملاء قطاع حكومي كلنا اتوظفنا في نفس السنه ولله الحمد راتبي ضعف رواتبهم وفي تطور مستمر وهم مع الاسف مكانك سر والراتب لك الله
في الخاص قد ماتنجز راح تترقى والراتب يزيد غير البونص من 3 الى 4 رواتب سنويا ( في القطاع الخاص فقط)
وين الميزه في الحكومي غير الاجازات والتقاعد مع العلم حتى الخاص صار عندهم تقاعد
عاد الفاهم يحكم عقله ويختار دربه واللي عايش على تراث الاقاويل براحته

عدنا والعود احمدو .. :)

اعتقد ان الفرصة راحت منه الآن ... خاصة ان الموضوع قبل كم شهر ... ولكن مايضر نستفيد من ردود الاعضاء .. لعلنا نستفيد وغيرنا يستفيد

9. بقلم: IbnNajd
صحيح كلامك .. ولكن الخوف الشركة متعاقدة على عمل معين .. لو انتهى العقد وماجددت راح يجلسوا في البيت :)
10. بقلم: mohammedn22

حياك اخوي .. لا ماهو في هيئة الطيران المدني

11. بقلم: المحاضر

ممنوع يأخذ اجازة براتب او بدون راتب لمدد كبيرة .. للأسف

12. بقلم: kayla
ما يعيبه شي الا الخوف .. من إقفال الشركة او انتهاء العقود ..
ولا الوضع المادي هو افضل .. كما ذكرت لكم في البداية
اول راتب في الشركة = اخر راتب بعد مايكمل 30 سنة في الحكومة ...

اما التقاعد من الخاص .. بالعكس افضل من التقاعد الحكومي ... صح كلامك ...
الفرق كله الان في المسمى للأسف .,. خايف يروح ويندم ..

13. بقلم: وسيط2007

اذا الشركة كبيره وسمعتها طيبة زي سابك وارامكوا وغيرها من الشركات الكبيره اعقلها وتوكل

السلام عليكم أخوي أنا عندي نفس المشكله إلي عندك بس الفرق إن الجهه الحكوميه إلى أعمل بها تحولت إلى شركه ولا يلزمون الموظف الحكومي للإنتقال بها ولكن يقدمون له عرض وظيفي أفضل بكثير من وضعه السابق وهو موظف حكومي ولكن ساعات العمل لموظف الشركه أصبحت أكثر الدوام للساعه الرابعه والتدقيق علي العمل و الدوام في منتهي الدقه و الصرامه