تابع مستعمل على
جميع الحقوق محفوظة ©
🔴حبيبـاتي ،،
قبل كم يوم حضرت زواج كله أغاني ولبس عاري ،، قلت في نفسي ليه الناس تساهلت بالموسيقى لهالدرجة ليه ؟
موب أول ولا ثاني ولا عاشر وحدة اسمع إنها بتحط في زواجها أورق وخرابيط
☀أتمنى جد أعرف وش يميز الموسيقى عن الطق
العادي الحلال ؟
هل هو زهد في الجنة ؟ لهالدرجة صارت الجنة رخيصة وقمنا مانصبر عشانها على موسيقي الدنيا ؟؟
☀ والله إني أفكر دائمًا بالعروسة اللي بليلة زواجها تجيب أنواع الموسيقي الحرام عشان "الناس" تنبسط بالزواج
هم ينبسطون وآثامهم على ظهرها وبتبدأ حياتها بمعصية وهي في أمس الحاجة لتوفيق الله
☀ديننا جميل عظيم مامنعنا من شيء إلا له بدائل ليه ندخل أنفسنا في الحرام باي طريقة ،،
☀الموسيقي حلوة والعاري حلو وعمليات التجميل حلوة أنا معاكم فيها لكن إذا كنا بنمشي وراء كل معصية بحجة أني ما أقدر أصبر عنها وش بيكون معنى هذه الآية في قلوبنا
" وجاهدوا في الله حق جهاده هو اجتباكم وماجعل عليكم في الدين من حرج "
☀ما أنزلت هذه الآية إلا أن الله أعلم أن فتن الدنيا تحتاج جهاد الموسيقي تحتاج جهاد اللبس يحتاج جهاد الجنة تحتاج جهاد ،،
الجنة محفوفة بالمكاره اختبار لصبر المؤمن هل صبرك أنت يتلاشى قدام فستان أو موسيقي ؟
ولا اللي تصير ماتسمع موسيقي لكن بالزواج يصير حلال ..
دائمًا ترن بإذني عبارة قالته الدكتورة نوال العيد
" من لم تصبر أمام فتنة اللباس فكيف ستصبر أمام فتنة المسيح الدجال ؟"
☀ترا لسى بتجينا فتن أعظم بيرفع القرآن وينزل المسيح الدجال وبيطلع يأجوج ومأجوج وفتن عظيمة كثيرة إذا احنا صبرنا صغير ومحدود وماتحملنا هالفتن الصغيرة كيف بنقدر نتعايش مع فتن العقائد هذي ؟
والله مرة شيء يضيق الصدر أقابل اشخاص ماشفتهم من سنين وأتفاجأ بانسلاخ المبادئ في اللبس وفي الموسيقي وفي أشياء كثيرة وياويل اللي يقول شيء أو ينصحهم
☀مرة يضيق صدري أننا وصلنا للزمن اللي يقول فيه الرسول صلى الله عليه وسلم " بدأ الاسلام غريبا وسيعود غريبًا كما بدأ" !
☀والله إني اشوف هذي الغربة قدام عيوني واتجاهلها وترجع واضحة جليّة
وادعي ربي دائما أنه يثبتنا على قوله الثابت ولا يفتنا بأي فتنة صغيرة أو كبيرة لأن كل فتنة تجر ورائها فتنة ثانية
اللهم ثبتنا بالقول الثابت في الحياة الدنيا والآخره يارب
☀تخيلوا ان وحدة اعرفها مررة كويس تقول " لحد الان في قرويات يلبسون عبايات رأس ؟ "
إيه حبيبة قلبي لحد الأن في قرويات طموحهم أكبر من لذة مؤقتة !!.
☀معليش ادري اني زودت الجرعة بس والله من حرّ ما أوجس إذا إحنا وصلنا لانسلاخ المبادئ هذا واحنا ترعرعنا في زمن الطيبين اللي كانت فيه التنورة اللي نص الساق من أكبر المحرمات عندنا الاجيال اللي بعدنا كيف بتنشأ إذا استمر الحال بالتنازلات!!؟
☀والله جد عذرًا إذا كان كلامي ثقيل عليكم لكننا نحتاج وقفة جادة مع أنفسنا إذا كل شخص أشتغل على نفسه عمرنا مجتمعنا من جديد ،،
وهذي الوقفة أهديها لنفسي قبل أن أوجهها لكم
☀أخـيرا :
ألا إن سلعة الله غالية ألا إن سلعة الله الجنة
#ياالله يامقلب القلوب
ثبت قلوبنا على دينك
وحبب إلينا الإيمان وزينه في قلوبنا
وكره إلينا الكفر والفسوق العصيان
بقلم الأستاذة / مريم الصولان
كلاااااام في منتهى الروووووعه اتمنى توصل لاكبر عددددددد لعلى الله ينفع بهااااااا انشروهااااا ي غيورااااات على الدين!
منقول
