اذا تاخرت في سداد قرض المنزل او قرض شخصي ماهي الاجراءات المتبعه ضدي

اخي .... البنك لايرحم .... اول ماينزل الراتب المتأخر لديك .... بيخصم اقساطة + رسوم التأخير المسجلة في العقد .

اما بخصوص خفض تكلفة القسط .... فحاول مع البنك ...بإعادة جدولة الاقساط لديك ...بحيث يخفضون القسط ....

اذا ما تجاوبوا معك ....فإستخدم الطرق الملتوية معاهم .. والله يعينك معهم .

ماهي الطرق الملتوية

نعم ماهي الطرق الملتويه وشكرا

اذا كان خصمك القاضي من تقاضي

*

اذا البنك المقترض منه بنك التسليف السعودي .. متعاونين لابعد حد .. بس روح لهم لكن لاتنقض العهد او الوعد معهم .. عطهم امكانياتك وظروفك واثبتها مايقصرون معك ابد .

*

رد رقم 5
كيف الطريقة عشان ننفع بها أخواننا المسلمين

اخوي ...فيه عدة طرق ....من اسهلها .... تتفق مع المالية في عملك ...وتطلع لك تعريف بالراتب ..اقل من راتبك الصحيح ... وتروح للبنك ...وتعطيهم التعريف الجديد ...ويجدولون لك القسط على حسب التعريف الجديد ... واذا ما تجاوبوا معاك ....ترفع شكوا لهم ... وتاخذ رقم الشكوى ...وعلطول تروح مؤسسة النقد ... وغصب عنهم يجدولون لك اقساط جديدة اقل من قسطك الاول .

اغلب البنوك للاسف ترفض اعادة جدولة القرض العقاري ..
ولكن الحل يجب ان يكون عملي :

تكتب خطاب موجهه للبنك اللي انت مقترض منه وتسجل فيه رقم حسابك وقيمة القروض
وتطلب اعادة جدولة لاسباب مقنعة ..
منها على سبيل المثال إن قيمة الاستقطاع من حسابك الشخصي يتعدى 60%
( كون الالتزام اللي عليك شخصي وعقاري ) فالبتأكيد الالتزام اكبر من 60% من الراتب ..

واطلب اعادة جدولة رسمية وسلم الطلب للقسم المختص
اللي اعتقد انه بيكون قسم التحصيل في البنك .. واذا استطعت اخذ رقم معاملة عليه

وانتظر شوف النتيجة ..
اذا ماصار شي .. ارفع لمؤسسة النقد شكوى بإن الاستقطاع اكثر من 60% من الراتب
وان الامر هذا اضر فيك .. ولن يجعلك تستطبع اكمال الالتزام بالسداد في حينه ..

وانتظر نتيجة الشكوى ..


بخصوص ماذكرته عن عدم التسديد راح يترتب عليه التالي :
البنك راح يكشف حسابك .. اي مبالغ تدخل الحساب راح يتم احتسابها لصالح البنك وكل تأخير عن السداد راح يتم فرض غرامة مالية عليك ..
العقار ملك للبنك .. ويحق للبنك المطالبة بإخراجك من العقار واعادته فارغ الى البنك لاعادة بيعه من جديد ..
القرض الشخصي راح يتم إدراجك في سمه بأنك متعثر .. وراح ترفض جميع البنوك منحك قروض شخصية او اي معاملات في البنوك الاخرى

بعد فترة من الزمن يحق للبنك الرفع بمقاضاتك في المحكمة بأنك لم تسدد التزام مالي عليك وسوف يحكم عليك بتسديد المبلغ للبنك .

بالنسبة للقرض العقاري يحق لك الان امرين :
1- التقدم بطلب للبنك بأنك لا ترغب بالعقار ووتطلب من البنك بيعه .
البنك يقيم العقار ويبيعه لاحد تجار العقار المتعاونين مع البنك ( غالباً راح يقيمه بنفس القيمة المتبقية عليك وتطلع منه بدون ولا ريال )
2- تعرض البيت للبيع وتجيب الزبون انت وشيكه وتقدمه للبنك والبنك يفرغ البيت للمشتري الجديد ويخصموا حقهم ويرجعوا المتبقي في حسابك

الحل المؤقت لوضعك :
- اذا ماخلصت بالحل الاول وهو التفاهم مع البنك ومؤسسة النقد .. هو انك تأجر البيت بنفس الالتزام السنوي ( يزيد شوي او ينقص شوي ) حسب السوق .. ومنه تسدد الالتزام العقاري
واما القرض الشخصي تشوف حل وتسدد المبلغ مرة واحدة لحين ميسرة ..


طبعاً نصيحة احنا بشكل عام نتشكى ونقول مافي تجاوب ومافي ومافي .. وماهم الا فلوسهم
ولكن لازم تروح تسوي اللي نقول عليه .. تقدم للبنك وحاول معاهم ..