اخواني واخواتي ابي مشورتكم، حفظ أوراق مهمة في مكان آمن

الافضل هو انك تشترين تجوري وتحطين فيه كل اوراقك
شخصياً كنت اضيّع بعض الاوراق المهمه لكن بعد ما شريت تجوري صرت احفظ كل اوراقي داخله خصوصا ما فيه احد يقدر يفتحه غيري ،،
بالتوفيق

اعملي لها سكانر وارسليها على ايميلك
طبعا يكون عندك ايميلين اثنين وترسل من الايميل الاول على الثاني بشرط الثاني يكون gmail
هذي الفكرة تفيدك انها تكون لك صور نسخة على الانترنت ممكن تطبعينها من اي مكان اذا احتجتيها .
اما الاصول فأضمن مكان بعد توفيق الله هو البنوك .

انا برأيي لا يوجد غير حل صندوق أمان البنك...

'السلام عليكم ورحمة الله وبركاته
اولا هذي صورة ملونة لها بعمل مسح ضوئي لها(سكان) وضعتها في drive التابع للبريد الإلكتروني سواء قوقل أو هوتميل
واي ورقة تهمك اعملي لها مسح وضعتها في هذا الدارين وان وضعتها بأكثر من موقع يكون افضل

ومن تجربة لي شخصيا
وضعت حقيبة دبلوماسية أضع فيها كل أوراق رسمية أو أي شي يهمني
تصدقين أن موجود فيها فواتير وأوراق ضمان لأجهزة كهربائية اشتريها منذ أكثر من18 سنة

في السابق كان لدي أكثر من مكان للأوراق فلا أعرف مكان الورقة التي أريد إلا بعد البحث والتعب
لكن بعد أن وضعت هذي الحقيبة ارتحت جدا فكل أوراقي في مكان واحد وإذا جاءني ورقة جديدة مهمة لي اعرف اين أضعها

انتي يبي لك ماهو صندوق تجوري حسب خوفك محتاجه خزنه متوسطه الحجم اللي حتى الحرامي مايقدر عليه

ملاحظة

لما تصورها وترفعها على الايميل تكون صورة المشكله إذا أحتاج الاصل

سويلك مربع في الجدار و حطي داخله خزنه
طبعاً بعد ما تاخذين قياسات الخزنه

و غطي الخزنه بعد التركيب
ب اي دولاب متوسط ب أمكان لاحقاً تبعدينه لو بغيتي الخزنه

كذا تكون ب امان الاوراق و حولك
و مخفيه

اذا ماتقدري تحفظيها في بيتك او في البنك ... لارتفاع تكلفة البنك
مالك الا بيت احد تثقي فيه وتخليها عنده امانة ... في شنطة وبدون مايعرف اوراق ايش .. فقط توريه انها اوراق وتقفلي الشنطة برقم سري او مفتاح وتعطيه اياها ...

يشيلها عنده .. اللين ماتحتاجيها ..


اذا مرة مافي احد ممكن تثقي فيه وتخلي الاوراق عنده وماودك احد يشوفها في البيت عندك
مالك الا تستغلي خلو البيت في يوم وتفتحي بلاطه من الارض .. ( تكون تحت دولاب صغير )
وتعملي حفرة داخلها .. على قد البلاطه وتحطي الاوراق بكيس بلاستيك مضبوط وتربطيها زين عشان ماتنعدم ... وتخليها تحت البلاطة ..
وتقفلي عليها وتحطي الدولاب فوقها ....

طبعاً نصيحة لوجهه الله :
اذا بتسوين هالطريقة لازم تكتبي وصية او ورقة تدل على مكان الاوراق ( للزمن ) الواحد مايدري الحياة من الموت .. ولا يتوهقون عيالك من بعدك في البحث عن الاوراق ...