احلم في ان امتلك مغسلة سيارات كل من فيها سعودي

الاخ الفاضل
اتمنى لك كل خير وتتوفق في افتتاح مشاريع ويكون موظفيها سعوديين .
انا مثلك اتمنى اي شيء اسويه اوظف السعودين سواء رجال او نساء كلا حسب تخصصاته لكن وين تلاقي . الكل يبيك توظفه وهو نايم في بيته .
اذا فاض عندك موظفين بلغني فيهم عندي مشروع راح اسويه خلال هالشهرين الجايه .

الله يوفقك وابشرك فيه شباب سعوديين فاتحين بنشر عندنا في الخرج وماشيه امورهم ومحصلين خير
لكــــ مني اجمل تحيه

الله يوفقك انا اول العاملين اذاحبيت تواصل معى وانا مستعد

با التوفيق للجميع ..

الله يوفقك يالقحطاني .
لكن هناك سؤال ارجوا ان تجاوب عليه .
كم هو شعورك لو ان قطري او اماراتي احضر سيارته وانت تغسلها له وانتشرت صورك بالواتس اب وتويتر والفيس بوك ؟
مثل صورة حارس الامن السعودي وهو يحمل الاغراض للقطري التي انتشرت مؤخرا .

والاقوى من كذا .

هل ترضي ان تزوج اختك او بنتك لغسال سيارات ؟
لنفرض انك وافقت هل والدك راح يوافق ؟
ابصم بالعشرة انك ماراح توافق لا انت ولا والدك الله يحفظة .

اذا اردت المختصر المفروض ممنوع يعمل الاجنبي في ارضنا هذا جريمه لانك تمنع ابناء البلد
من العمل وتطوير ذاتهم وتحاربهم في عقر دارهم كانو اجدادنا ممنوع اي شخص يساعدهم في اعمالهم

انا موافق واشتغل لكن السؤال هل فعلا يوصل الراتب الى خمسة الاف فعلا ؟؟؟ اااخ بس

أتمنى لكم التوفيق و الرزق الحلال

5. بقلم: كورفيت

والله شوف اذا الشغلة مربحه صدقني مافيها شي والعمل مو عيب وبالعكس تلقى الزباين جاين عليه وخويانه ومن شخص لشخص وتجيه الشهره واكثر الناس تلقاهم يفضلون ولد البلد على الاجنبي , بالنسبة للزواج عادي ترى الان مو مثل اول الان البيوت متروسه بنات يبون الستر في ناس تقبل ليه لا , والله يوفق الجميع انا اؤيد هذه الفكرة

العبو على نفسكم والله مافي احد بيوافق البلد فيها خير واخر شي تغسيل سيارات

الاخ كورفيت كلامك ماله داعي

الا بسئلك جدك وجد جد يوم هذيك الايام كانو طيارين ولا اطباء الجزيره العربيه قبل النعمه هذي اشتغلو اشغال مايعرفها الاهم وغسيل السيارات عمل مافيه عيب الرسول لما جاء رجل له عطاه فاس وقال اذهب احطتطب يعنى ممكن ابو مغسله بكره هذا يشتري بيت وبيتين ويفتح مشاريع من الخير للي بيدخل عليه وفي الاخير بتزوجه بنتك ياالدكتور علشان مع فلو س ورجل صالح ومكافح
نسيت اقولك انا شغال في شركه معروفه العمال للي يحفرون الحفر والسباكين سعوديين

ابغي اقولك مطاعم المندي والمثلوثه تدخل ذهب لصاحبها من العماله والسعودي ياخذ طفسه علشان كذا اي سعوووووووووووووووووودي يشتغل في مطعم هرفي او ماك او اي وجبات سريعه يتركه ويتفق مع الشباب امثاله شغالين في مطاعم وجبات و يفتحو مطعم مندي او بخاري يوديرونه ويطبخون فيه ويوظفون شباب مثلهم وبيدخلووون خير خير

ولماذا لا يكون التعاون في مجال أفضل اجتماعياً

تخيل بنغالي يرمي لك المفتاح ويقول غسل السيارة مضبوط ولمع الكفرات ولا يهزأك لأن الغسيل ما هو زين

4 اكس 4

عايدي وين المشكله لما يعطينى مفتاحه اغسل سيارته بفلوس ومن قال انك بتسمح انه يهزك اهل البلد ليسو كا الاجانب سهل انك تغلط عليه انسى ارتقي بفكرك شوي

خير الله كثير وكبير لاكن الصرافين في الارض مجوعين شعبهم

العمل جميل ولا فيه اي عيب لاكن ماذا سيوفر مستقبلاً لا هي شركه ولا حتى مؤسسه

هل يوجد راتب تقاعدي ؟ هل هناك حوافز بدلات؟

لوهله حسيت انا دوله تصدر مغاطات!!!!

شكرا لكل الردود بالرغم البعض منها شويه يحطم
لاكن
الشغل مو عيب انا صاحب مغسلة واشتغل فيها ..واخر الشهر مبلغ وقدره
والرجال هذا جاي ورايح وكل يوم واحد يتسلف ويذل نفسه قدامي عشان حليب لاولاده
او تسديد فاتورة كهرباء ...الخ
ليش وش حادك..
انا مستانس ومبسوط ..
والمستقبل ان شاء الله سياره فارهه ..وبيت ملك
ع الاقل اولادي مايشحذون ..

وع فكره الراجحي وهو راجحي وش كان يشتغل ...يشتري رماد النار ..

الشغل مو عيب..

لو انك تملك محل سباكه وعندك عاملين او عامل بس يساعدونك
وتشتغل وتطلع لبيوت وتشرف وتركب ..

اخر الشهر مالايقل عن 30 الف بجيبك صافي حلال زلال لك انت وحدك

والمجالات كثيرة ...بس مشكلة السيوله والدعم معدومه تتعب كثير

حتى الموظف الي يكد عمره كله يحلم براتبك ..


البلد كله خيرونعمه ...بس يحتاج لاحد يمد يد العون لك ..

واذا اعطاني مفتاح سيارته ..انا اخذ منه بدل 30 ريال60 ريال ..انا المستفيد اسوي له كل شي

وع فكره احد زبائني بنقالي يملك شركات وسيارته جيب لكزس 2013

ويغسل عندي ب100 ريال وهوغسيل عادي..

طلع احسن من السعوديين يجلس يكاسر ع ريال ..

جد والله هذاالي حاصل ..من كثر خير الاجانب يدفعون ةالسعودي مسكين مطفر ..


واي استفسار احنا مستعدين ..

يااخوي اذا فيه شي بالغربيه انا اول واحد
بصراحه الواحد يضيع وقته ويحصل مبلغ يعني 2*1
تحياتي للكل

بلد ينتج 14 مليون برميل نفط يوميا وخيرها واصل المشرق والمغرب وبها 10 مليون وظيفة مكتبية بها اجانب منها مليون وظيفة حكومية تقولي نغسل السيارات رغم ان العمل مو عيب ولكن هذه تسمى الوظائف الدنيا للعمالة غير الماهرة اي الامى الذي لا يفك الخط وراتبها 800 ريال وربحها لصاحب للمغسلة وهذا دليل عدم الجدية في العمل وما اكثر العمل وما أكثر الفرص في هذا البلد كم محل جوالات يعمل به اجانب و يدر الاف كم بقالة وكم وكم لا تجي بكرة تقولي نعمل في شركة نظافة ويجلس البنقالة عند اهلهم وسوف نرسل لهم الاعانات والاغاثات ، يجب ان يبدأ التوطين في الوظائف العليا

علي ايدك اخوي ...

اسال الله الحي القيوم العلي العظيم الكريم ان يزقك من واسع فضلة .
وان يكرمك ويرزقك اضعافا مضاعفة قدر حبك لاخوانك المسلمين .