السلام عليكم
جاك ماجاني
استشاري الكبد لاحظ دهون على الكبد والأنزيم عندي عالي شوي وأرسلنا لمختبرات البرج أحلل إنزيمات على كلامه
اثره كاتب في طلب التحليل ، تحليل الوباء الكبدي ولا علمني ، وعلموني المختبر
وش يارجال قالولي النتيجة بعد عشره ، عشره ايام الا سنه عندي ، لا ليلي ليل ولا نهاري نهار
وبعد عشره ايام ارسلت اخوي يشوف النتيجة ودق علي روعني قالي ، أمسك نفسك ، اهو قالها ولا ماقالها بغيت انجلط
ولا قدر يمسك نفسه وضحك ، وقال بغيت استمر بس الضحكه كشفتني
وقال مافيك الا العافيه بس شوية دهون خفف من الرز
والحمدلله يارجال لا تهوجس ورح شف التحليل بنفسك او ارسل احد من الاخوان
ماقدامك الا العافيه ان شاء الله
انا زميلي جاله سرطان الدم تدري وش معنى سرطان الدم ، وتعالج والحين ، تعال اطرحه ، ظني ماتقواه من العافيه ماشاء الله عليه والله يديم الصحه والعافيه عليه وعلى إخواننا واخواتنا المسلمين المسلمات والمؤمنين والمؤمنات