تابع مستعمل على
جميع الحقوق محفوظة ©
السلام عليكم ورحمة الله وبركاته :
الموضوع بختصار عندي نمل في الاستراحه ماقدرت اقضي عليه اعطيه مبيدات وكني اطعمه والمشكله موجود بكل المقاسات من صمول الين دبل اكس ارجو من الي عنده خبره أنه يساعدني
وشكراً
اخوي اظن ان الاستراحة احد نظرك فيها بعينة او من الشياطين هذا الشي محتمل فلا تكثر علية المبيد خذ لك وعاء وضع فية ملح خشن وذوبة واقراء علية اية الكرسي والمعوذات وقل هو الله احد وانفث فية ورش الاستراحة وياليت في الزوياء والمداخل واستعن بعد الله ببعض المعروفين بالرقية ان امكن والله يسعدك في استراحتك
جزاك الله خير وكثر الله من أمثالك والله يسعدك دنيا واخره
تبي الحل وحده بوحده .. خذ لك كم حبة دجاجة بديكها وفكها بالاستراحة شرط ان ما قضت عليه غير يشد النمل من موقعه .
المخلص انا جربت الدجاج في الاستراحة ومانفع
تلقاك يا ابو عمر معبي معالفه حب وعيش .. لا تعطيه اكل الا قليل خله يدور في الاستراحة والله انه ينتظر النملة حتى تطلع من جحرها ثم يبلعها على طول .
الا متنعم وياكل دونات
جرب الديزل بس تراه يحرق الزرع ...
السلام عليكم
الفلفل الاسود على بيت النمل عجيب
واذا داخل مجلس والا فرش عشان مايحسس احد حط بودرة الاطفال بس يبيلك تزيدها كل 3ايام الين يختفي
والله يفكك من آذاه
بس مطحون طازج
رد رقم 1هو الصح
مشكورين على الردود وراح نجرب جميع ماذكر والله لايهينكم
