| جميع الحقوق محفوظة © |

ابي استفسر عن مشروع تاجير صناديق القلابات

ابي استفسر عن مشروع تاجير صناديق القلابات لقيت مصنع تدفع له 70 الف ويصلح لك صندوق قلاب ويستاجره منك بعقد ثلاث سنوات ب 3500 شهري ابي احد يفيدني اذا عنده خبره اخاف تكون عماليه نصب بكون بيني وبينه عقد وكمبياله

الردود
نقاشات مشابهة
الكل: 13
1.
عضو قديم رقم 181220
23:49:25 2012.05.03 [مكة]
يعني بستاجل الصندوق مع الترالة او السكس بهذا العقد او يريد فقط الصندوق الي يبيعة لك يستاجرة منك ؟ حدد ايهم
2.
23:51:51 2012.05.03 [مكة]
الصندوق بس
3.
عضو قديم رقم 300056
23:57:42 2012.05.03 [مكة]
اخي الكريم السلام عليكم ورحمةالله وبؤكاته تتذكر مذروع بطاقات سوا? و موضوع المكائن والزئبق؟ احذر تسلم!!
4.
عضو قديم رقم 181220
00:05:50 2012.05.04 [مكة]
صراحة عرض مغري ولكن استفتي فيها اخي لاني اشوف انة فيها شك باختصار تدفع سبعين واقصاد ثلاث ونص في الشهر والحديد لك بعد تاكد من سعر القلاب في السوق اذا نفس السعر فهذا عرض مغري اذا كان هناك فرق واضح استفتي فيها طال عمرك
5.
00:29:26 2012.05.04 [مكة]
سوال يسدح نفسه طالما انه يتاجره منك ب3500 ليه ما يصلح لنفسه ويشغله خلينا نكون اغبياء شوي هوى ياخذه ب3500 وياجره ب4000 يغني كسبان 500 ريال طبعا لو حسبها بيطلع 144 الف ريال دبل ثمنه في هالمده خلينا نجيبها على ذكاهم 70 +18 = 88 الف ثمن القلاب احذر
6.
00:44:49 2012.05.04 [مكة]
توكل علي الله بس وثق بينكم عقد بالفعل هذا سعر الصندوق بشرط الشاص اربعين مقاسه والصدر 6 والجوانب والارضيه 8 والبستم هيفا والقاعده مطرودي وبخصوص الاجار الشهري يتراوح بين 3000 و4500 حسب حجم الصندوق بس خليهم يسون لك علامه بالشاص يكتبون اسمك او رقم من عندك عشان يكون ماريه لك وتوكل علي الله انا من واقع تجربه تكلمت معك
7.
عضو قديم رقم 328587
23:45:17 2013.04.08 [مكة]
السلام عليكم انا براسي مشروع اشتري تريلة قلاب واجرها على الشركة بالرياض او الشرقية لكن المشكلة ما اعرف شركات ابي احد يساعدني ويجيب شركة تقبل تستاجر سيارتي ولة الف ريال شهريا طول فترة تاجير التريلة لشركة ولو جاب يكون عقدبيننا وشكرا
8.
23:55:27 2013.04.08 [مكة]
هج ونحش حنا يلي ندير شغلنا بنفسنا وعارفين الشغل الان ندور الفكا والمخراج يعني خسرانين ماعد فيها فايده شي بيحدك على السائق الاجنبي صدقني بتخسر ولاسعار قبل 40 سنه ولان نفس السعر مع غلى القطع والورش والكفرات ورواتب العمال وساهر والموازين وبقية الضرائب
9.
23:59:04 2013.04.08 [مكة]
وين عابشين قبضو على الشركه الوهميه بالملز اذا عندك رجال تعرفه ومحتاج القلاب ايه اما تعطيه شركه ترى في شركات نصب بدون اسماء وحده بالرياض والحساء والدمام فاخذر بعدين احذر تشري قلاب وتاخذ شغل من وسيط بعدين تضيع بين الوسيط والشركه مجرد تحذير لاننا عايشين في السوق وعارفينه بدون تحديد اسماء
10.
عضو قديم رقم 328587
14:09:29 2013.09.03 [مكة]
يوجد لدي قلاب سكس موديل 79 مع السواق ازغب بتشغيلة بالقصيم او حفر الباطن وشكرا
11.
عضو قديم رقم 360705
16:16:46 2014.04.29 [مكة]
أنا تكلمت مع شخص صاحب مصنع سعودي في الرياض وقال بيصنع لي ثلاث قلابات وبيأجرها لي مع وجود جميع الضمانات وقال انه اذا انتهى تصنيعها أجيهم واشوفها وبعد ذلك بتروح للتأجير. هل هذه من عمليات النصب أفيدونا يا اصحاب الخبره الله يوفقكم.
12.
17:34:26 2014.04.29 [مكة]
نصب
13.
عضو قديم رقم 353002
21:56:56 2014.04.29 [مكة]
وزارة التجاره مسكو احد الشبكات الي تقوم بهالشي من فتره بسيطه واعلنو عنها انها كلها يوالف نصب في نصب وسرقه!!!