| جميع الحقوق محفوظة © |

ابغى اتجوز ):

السلام عليكم
لي فتره وانا نفسي اتجوز )::::::
لكن ما ابغى اتجوز بقرض نهائياً
ومتوظف لي سنتين والعمر يمشي
جمعت ف السنتين حدود 60 الف اشتريت ب20 سياره باقي 40
وما ابغى اخذ قرض نهائياً اش الحل ))::
ممكن اخذ قرض بنك التسليف
بس يوم حسبت تكلفة الزواج
60 الف مهر وشبكه وخطوبه وكلام فاضي
60 الف اثاث شقه + دفعة ايجار 6 شهور
30 الف زواج

طلبتكم ابغى تجارب الي تجوزو بدون قروض من البنوك ماعدا بنك التسليف ولا احد ساعده نهائيا ولا عنده ابو يوقف معاه اش سوو بالضبط

احتراامي لكم

الردود (11)
الكل: 11
1.
12:02:31 2015.09.07 [مكة]
أسأل الله سبحانه وتعالى أن ييسر أمرك ويرزقك الزوجة والذرية الصالحة أحببت أدعو لك ومهم جدا الاعتماد على النفس يعطيك ثقة عالية بنفسك واحترام الأخرين
2.
12:06:56 2015.09.07 [مكة]
الله يجزاك بالخير اخوي وإياك ان شاء الله احترامي لك
3.
14:56:04 2015.09.07 [مكة]
وعليكم السلام ورحمه الله صدقني اعقلها وتوكل على الله لاتشاور احد بالزواج راح تتيسر امورك وتزين سبحان اي متزوج مقبل على زواج الا وربي يسرها له لاتشيل هم احسن الظن بالله وتفائل بالخير واكثرمن الاستغفار وشف النتيجه تنهل عليك الارزاق ويرزقك الله من حيث لاتحتسب الله يوفقك ويتمم لك على خير . ا
4.
15:07:26 2015.09.07 [مكة]
انا اقولك من واقع تجربه حصلت لي وحصلت لناس كثير لاتشيل هم الزواج ربي ميسرها انا اعرف شخص تزوج وهو مايملك ولاريال ولاوظيفه ولاشئ سبحان الله يسرها الله له...... .عن عمر بن الخطاب رضي الله عنه عن النبي - صلى الله عليه وسلم - قال : لو أنكم توكلون على الله حق توكله ، لرزقكم كما يرزق الطير ، تغدو خماصا ، وتروح بطانا رواه الإمام أحمد والترمذي والنسائي وابن ماجه وابن حبان في " صحيحه " والحاكم ، وقال الترمذي : حسن صحيح .
5.
22:26:15 2015.09.07 [مكة]
حج هاذا العام ويذا صليت العصر يوم عرفه حاول تشوفلك مكان اقل زحمه ودع ربك بزواج وغيره من خير الدنيا والاخره والح على ربك بدعى ولن تخيب باذن الله ياخي عرفه خطوه عندك ويوم عرفه مشهود وصدقني لن تندم تجاره رابحه مع من يرزق بغير حساب الشي الثاني ليش تقول ستين الف يااخي منت ملزوم تزوج من ام ستين ولا اربعين ولاعزايم شفلك ناس مستورين هدفهم ستر بنتهم وليس الزواج تجاره فيه زواجات المهر ب 30 و حفل عائلي بستراحه وصدقني ان تعيش افضل من ام فخفخ ام ستين
6.
09:58:49 2015.09.08 [مكة]
اخوي ليش اثاث شقه ب 60 الف ريال ؟؟؟؟ خلنا نحسبها حبه حبه بنبداء غرفة النوم : الغرفة : 3500 فرشة : 700 مكيف : 2500 سبلت شباك : 1500 ريال اكسسوارات : 500 ريال الجلوس : كنب : 3000 مكيف : 2500 سبلت شباك : 1500 تلفزيون : 1100 ريال ( 42 بوصه شاشه ) رسيفر 120 ريال فرشه و اكسسوارات للغرفة : 500 مجلس الرجال : جلسه ارضيه : 1600 مكيف : 2500 سبلت 1500 شباك مطبخ البيت : دولاب المطبخ : 3م بـ 1200 ريال فرن : 1300 ريال ( مصري او اردني ) ثلاجة : 2700 ريال غسالة : 1300 ريال مايكرويف و خلاط و طقم قدور و خلافه : 1000 ريال مكيف شباك : 1500 ريال شقه ( 3غ و صالة ) بـ 21000 ريال :: نصف الإيجار : 10500 ريال المجموع : 35020 ريال اذا مكيف شباك اما اذا سبيلت : يضاف 3000 ريال والاسعار قابله للزياده و النقص .. على حسب ما تبي .. تقدر تختصر 5000 ريال
7.
12:50:25 2015.09.08 [مكة]
الله يعطيكم العافيه جميعاً ويجداكم خير ع النصائح الي فعلا تكون حل بعد الله سبحانه وبالنسبه لك اخوي صاحب رد 6 صعب احصل غرفة نوم ب 3500 فيه لكن نوع رديئ جدا يعني الي مستواها كويس ماتقل عن ال5 الاف والطراحه لوحدها سعرها 700 يمكن ودولاب المطبخ برضو صعب تحصل ب 1200 الا ممكن فالحراج من النوعيات الخفيفه وبالمتر انا بستأجر جنب اهلي وفالمدينه الي اقاربي كلهم فيها الواحد لازم يصلح بيته ممكن فأي لحضه يجيك ضيوف او عزيمه فأنا لو خارج مدينتي بطبق كلامك
8.
12:56:17 2015.09.08 [مكة]
حاول تدخل بجمعية بمبلغ طيب مع ناس ثقات والله ييسرها من عنده وبالتوفيق مقدما
9.
13:41:55 2015.09.08 [مكة]
الله يارب يسهل امورك دامك تطلب الحلال وشي ثاني حاول بحكم انك بتبدأ بدون مساعدات ان تبحث عن موظفة تساعدك وتساعدها . بالنسبة للزواج حاول تقتصد بعدم الاسراف ومافي داعي تعزم 500 رجال ترى الرسول عليه الصلاة والسلام قال اولم ولو بشاة . والسفر ليس ضروره والاثاث خله على دفعات ابدأ بالصاله وغرفة النوم فقط واذا اعرست ابدأ اطلع مع الاهل وتفرج على راحتك . ومنها تكون تدفع على دفعات . السكن ان امكن تسكن مع اهلك اول سنتين .
10.
13:46:37 2015.09.08 [مكة]
بالعكس اخووي بـ 3500 ريال تحصل جيده جداً وتحصل اشياء ارخص من كذا بكثييير وبخصوص المطبخ ,, لا تنسى انت مضطر تاخذ جاهز لان التفصيل اذا جيت تنقل بيبهذلك ,, دائما فصل شيء تتركه اذا جيت طالع ,, لان نقل الشيء يكلف مثل تفصيله فمثلا نقل مطبخ 3 امتار ,, مايقل عن 600 ريال ,, وانت تكون مشتريه بـ 1200 ريال فاذا جيت تنقل تستخسر انك تفصل واحد جديد ,, والسووق مليان ,, وبخصوص المرتبه صحيح فيه ب 700 وفيه ب 1200 وفيه ب 300 ومثل المفارش بعد فيه ب 70 ريال وفيه ب 3000 ريال وانا كنت اتكلم عن اثاث متوسط وجميل جداً ,, لاهو الرخيص ولاهو الغالي وتاكد انك تقدر تاثث شقتك ب 20000 ريال اثاث جديد
11.
18:28:05 2015.09.08 [مكة]
أولاً اسأل الله أن يرزقك من حيث لا تحتسب ، وبخصوص الأثاث تفدر تشتري مستعمل ونظيف جداُ وبأسعار معقولة جداُ ، لا تجبر نفسك في كل شي تاخذه جديد ، فيه غرف نوم مستعملة على 3 او اربع سنوات قيمتها غالية وتاخذها مستعملة بأقل من نصف سعرها ونظيفة جداً كأنها جديدة لأنها خشب وما تتحرك من مكانها فما فيها خوف ، المكيفات تلقا مستعمل نظيف كالجديد وبأقل ب 500 أو 700 أو نصف السعر، وقس على ذلك باقي أغراض منزلك ومستلزماته. أدخل الفيس بوك إذا انت من جدة واكتب في البحث بيع وشراء جدة سيظهر لك أكثر من صفحة لمجموعات تبيع وتشتري بالمستعمل والجديد وفيه فرص جميلة تقتنص فيها ماترغبه أختر منها واختر لك أكثر من مجموعة وتابع صفحاته وبتلقا اغراض ناس نظيفة جداُ وتوكل على الله .
أضف رداً
نقاشات مشابهة