ابخذ عمره للوالده ومريضه وكبيره سن اللي يملك خبره يدخل يفيدنا

الله ييسر اموركم .....

الله يجزاك خير وييسر لك ولها العمرة وينزل عليها لباس الصحة والعافية
انا شفت مرة واحد يطوف حول الكعبة بسرير المستشفى
اهم شيء الوصول لمكة والطواف والسعي لا تشيل همه استأجر لك سرير من مستشفى .
وترى الايام هذه انسب وقت
يكون الزحام خفيف

الله يشفيها يارب يكتب لك الاجر ويكثر من امثالك
س/ بالبيت معها ممرضه اذا كان مافيه ولا تحتاجها فبسيطه اما تنسق مع اي مستوصف خاص بمكه بحيث اول ماتوصل تأخذ الكرسي طبعاً عطهم ضمان او اي شي وبتلاقي ناس كثير فيها خير أو ممكن احد الاخوان المشاركين بالمنتدى او الزوار يشوف الموضوع وتنسق معها ويجهز لك سرير عن طريق اي مستشفى حكومي
مع العلم ان هناك اسره خفيفت الحمل بدون اجهزه مثل الى بالطواري المستشفيات الحكوميه تقدر تشيلها ع جمس لأنها تتسفط

اسأل الله أن يشفيها

الله يكتب لها الشفاء يارب ..

شوف بخصوص النقل من القصيم إلى مكة المكرمة ...
إذا هي ماهي مركبة اجهزة تنفس او غيرها ... ف عادي
ممكن تاخذ لك جمس من احد الاقارب .. وتسدح المراتب الخلفية وتفرش لها
الفرشة اللي تنام عليها .. والمخدات .. وتحط حولها مساند وياليت تدبل الفرشة اللي تحتها عشان لا قدر الله المطبات والحفر بالخط .. ف ما يالمها ظهرها ..
طبعاً تحاول انك ماتطول الطريق عليها .. بأنه تريح مثلاً في الرياض وبعدين في الطائف

بخصوص السرير في الحرم .. قد شفنا كثير يدخلون الحرم بسرير .. ولكن مادري هل فيه تصاريح ولا من وين يجيبوها ..
ولكن لو تشوف الكراسي المتحركة اللي تميل الظهرية حقتها .. اريح لها من السرير واشرح عشان تكون جالسة وتشوف الحرم بعينها والكعبة المشرفة ..


الله لا يحرمكم ولا يحرمها الاجر يارب
ويكتب لها الشفاء

اولا الله يجزاك خير وما قدمت لوالديك دين وسوف يردونك اولادك بك

ثاني شئ اذا السياره تتعبها فنصيحتي لك استاجر سياره مريحه وان شاء الله يعوضك الله قيمة ايجارها دبل

واشوف ما يحتاج سرير اشوف كرسي يؤدي الغرض طواف وسعي وبعدها تستاجر غرفه وتمددها على السرير على راحتها بعد ما قضت عمرتها وانتوا ماشين تمرون الحرم وتاخذون فيه صلاه مع الوالده وترجع بالسلامه ان شاء الله

الله يجزاكم الف خير يالاجاويد

الحمدالله هي حالة مستقرة ماتحتاج اي اجهزة فقط تتعب من الشيل والحط
بخصوص العربية ممكن تجلس نص ساعه وتتعب ثم لازم تنسدح

انا خطتي اني امشي من القصيم الى المدينة 4 ساعات بالكثير واستاجر فندق جنب الحرم واجلس يوم او يومان بالكثير عشان ماتتعب من طول الخط ثم اطلع للميقات ثم مكة

ياليت اللي يعرف مستوصفات خاصة وهل لازم تصريح للسرير ان احتجناه ياليت يفدني ياليت احد من اهل مكة الكرام يفزع لي دامها مقتنعه قبل تهون الله يطول بعمرها

arb412
abohassan
: Zozo1400
: وسيط2007
seller1

الله يرحم شيبانن جابوكم ويخليكم لعيالكم ويحرم وجيهكم عن النار ماقصرتو بيض الله وجهيكم

جزاك الله خير
لاكن لي طلب عندك اذا خلصت من العمره عطنا تجربتك كيف سويت عشان فيه ناس عاجزه او مريضه ولعلهم يعتمرون بسببك
اسأل الله ان يوفقك ويجزاك خير،،،

ابشر من عيوني

تسلم الله يوفقك