السلام عليكم ورحمه الله وبركاته اطرح لكم مشكلة نواجهها وقد الكثير مننا يعانيها الوالد عمره 62 سنة والحمدلله صحته ممتازة المشكلة في نفسيته الوالد نفسيته تعبانة جدا من زمان وهو لا يحب الكلام بتاتا حتى مع الوالدة قليل الكلام جدا واذا تكلم لازم يهزا او ينزل من مستوى الي قدامه جدتي الله يرحمها كانت تتكلم عن الوالد كثير انه ما يحب يتكلم ولا يحب احد يساله او حتى يسولف معه وحتى مع امه ما يسولف ابد بس يجلس ساكت نظرات الوالد للجميع فيها غضب وسخط وماهو راضي عن أي احد بالبيت او عن أي مجهود يقوم فيه احد المشكلة مع ربعه القدامى يكون 100 بالمية غير بس بدون حضور أي احد من عياله يعني لو كانو عياله موجودين يعيش نفس الحاله بالبيت طلبات الوالد مستحيلة التنفيذ لارضاءه ومنها لا الحصر : - ممنوع الكلام على طاولة الطعام نهائيا وممنوع احد ياكل قبله او بعده - يجب عالجميع النهوض الساعة 7 صباحا والي يتاخر يعتبر حياته فوضى وان ماله قيمة - ممنوع السهر بعد الساعة 10 بالليل - ممنوع لبس غير الثوب والشماغ - في حال كان متواجد بالصالة يجب عالجميع التواجد وممنوع الكلام - يتضايق لما احد يساله كيف حالك - لو سافر والا راح مكان ما يحب احد يتصل عليه نهائيا يقوله كيف حالك او محتاج شي حتى لو يغيب سنة - يسفل فيك تسفيل لو تساله او تستشيره بشي ودايم يحسسك ان مفروض تكون تعرف كل شي بدون ما تسال - ممنوع تروحون لمطاعم او كافيهات او تسافرون بدوني - لو سافرنا معاه يقلب السفر كله تعاسه ويجب عالجميع اتباع الاوامر وعدم الذهاب الا للاماكن الي يحبها ( غابات وبحيرات ) - حضور جميع المناسبات والتوجيب وعدم انتظاره يذهب او سؤاله ليش ما يذهب الوالد صعب جدا التعامل معاه ولا في شي يرضيه ابدا واحنا والله كاسره خاطرنا الوالده مسكينة ما يخليها تتحرك ولا تروح مكان الا مسمعها من هالكلام الي يسم اعمارنا الان بالثلاثين ومستوى تعليم الوالد جامعي ومثقف والوالده دكتورة بس الله المستعان الوالد مقتدر جدا ماديا ولا توجد عليه ضغوطات ولكن يريد كل شي مثالي حسب ما يريد جدتي الله يرحمها كانت غير راضية عن الوالد وتوفت وانا والوحيد الي قالت لي هالشي لان كل عيالها كانو يسولفون معاها كل ما يجون الا الوالد يجي ويقعد ساعة ساكت ويمشي الي عنده استشاره او حاله مشابهة يفيدنا