تابع مستعمل على
جميع الحقوق محفوظة ©
السلام عليكم
باشرت عملي الأسبوع الماضي ولله الحمد
من أول يوم ما أرتحت ولا كن الحمدلله
بحاول أغير محل عملي وإن شاء الله أحصل زملاء أفضل وغير مدخنين
عموما
أنا مجمع مبلغ من قبل ما أأتوظف وبعد ماتوظفت جاني مبلغ كويس من القطاع الي أنا فيه
قبل ما أداوم رحت دبي وجبت العيد طشيت مبلغ فأشياء تافهه
فعشان كذا فكرت أخذ تمويل عقاري وأشتري بيت
دخلت البنوك وجدت الي من أول كلامهم تحس إنه وده يقول بننصب عليك
وبعضها ما أدري هم نصابين ولا حراميه
جاني عرض 600 ألف وأرباح 500 ألف قلت له مو 3.50 إلا 99% أرباح قال أحنا أقل بنك
وجاني عرض
الي هو حساب استثماري
إني أحط فيه مبلغ كحد أدنى 50 ألف وإنه راح يشتغلو لي فهالفلوس ويطلعو أرباح
وش رايكم
بالنسبه للمشاريع مستحيله
لأني موظف حكومي
ولا عندي أحد متسبب
اول مشروع عليك بالزوجه الصالحه وان كانك متزوج حاول تتفرغ لعيالك وتبتعد عن الديون خصوصا الي بتنوي تدخل بها في تجاره ولا انت فاهم شي
صدقني تروح السوق بتلقى قدامك قطاع طرق طحاطيح وخبرات بيسحبو الي قدامك ووراك وبالذات لو مانت خبير بالسوق وفي كل المجالات
الصناديق الاستثماريه ..غير مجديه للمبالغ البسيطه
وفي حال سحب المبلغ راح يترتب عليك مبالغ ورسوم للبنك , تتمنى إنك مادخلت.\
--أفضل ثلاث مشاريع :-
1- زوجه
2- سكن
3- اسياره
وإذا تبي تسوي غير الطبيعه المجبوله علينا ولا تقتنع في عيش السعودين وتبي تملك منزل و زوجه وسياره في أول راتب , راح تضغط على نفسك وتنهار في الاخر ...عيش حياتك طبيعي مع ومثل ما الناس عايشه .
آسف إذا تعتبر هذا تحطيم وكسر لعزيمتك لاكن واقع يجب على الكل تقبله .
