أبغى رأيكم ي أخوان بخصوص فصل من وظيفه

وعليكم السلام ورحمة الله وبركاته

الله ييسرلك امرك يارب ..
انت الان تقول الوظيفة الجديدة على المرتبة الرابعة .. بصراحة مرة قليل المرتبة الرابعة
لانه حسب علمي - والله اعلم - انها للمتوسطة ... يعني وظيفة مراسل ...

لذلك الاهم هو الترقيات والتدرج الوظيفي كيف في الوظيفة الجديدة ... اذا محلك سر
لا خلك في عسكريتك ... وتحمل وظيفتك او انقل لاي قسم اخر داخل وظيفتك بعيد عن المدخنين وعن الضباط ....
اما انك تترك وظيفة عسكرية .. راتب طيب .. والزيادات كلها لهم ماشاءالله ... وتروح على المرتبة الرابعة .. ؟؟؟

انا ما انصحك فيها ..
الإ اذا كانت بتدرج وظيفي ... طيب ... وراتبها قريب من راتبك الحالي .. يفرق مية ميتين لحد خمسمية .. معليش نقول اشتريت راحتك ...

اما مشكلة المدخنين .. بما إنه زملاء في العمل ما ينفع تتصايحوا مع بعض .. الحل بسيط جداً
قدم طلب انت وزملائك الغير مدخنين بطلب لرئيس القسم لفتح غرفة للتدخين خاصة
تماشياَ مع الامر الملكي ... بمنع التدخين في الاماكن العامة والدوائر الحكومية
ف يتم فتح غرفة للمدخنين يدخن فيها ...
ف تسلم انت ومن معك ...

اما بالصياح والمضاربات عمرها ماتجي ..

عليكم السلام

قريت كلامك ولا شفت شهادتك

المعروف ان المرتبة الرابعة تمنح للي معه ثانويه ودبلوم إضافي
لأن الثانوية فقط تعطيك المرتبة الثالثة
والمتوسطة تعطيك المرتبة الثانية
هذا حسب نظام السلم العام بوزارة الخدمة المدنية

المرتبة الرابعة / الدرجة الأولى راتبها الأساسي = 4530
ياخذون منه حسم التقاعد 9 % = 407.7
يضيفون عليه بدل النقل = 500 ريال

يصير الصافي اللي ينزلك في البنك = 4622.3 ريال

ونصف القوت راحة
إذا تشوف إن الراتب مناسب لك توكل على الله وخذها

أنا نكبني ديوان الخدمة يوم قدمت عليه قبل 13 سنة وعطاني المرتبة الثانية رغم إن شهادتي ثانوية واضطريت اقبل لحاجتي للوظيفة
وبعد 12 سنة من العمل وصلت للمرتبة الرابعة
تأخر بالترقيات الله يجيرك


استخر ربك وشف الأنسب لك حسب ظروفك

والله يوفقك

اخر كلام تقوله راتبك الحالي يمكنك تفتح فيه بيت وفيه فرق كبير عن راتب الهيئة
قول الحمد لله وترى كل الاعمال كذا اش تبغى الناس تتبسم في وجهك 24 ساعه
الناس مثلك هموم ومشاكل وكل واحد يطلب المعامله بالمثل
تأكد مقل ما تعامل الناس سيعاملوك ابتسم ستجد الاخر يبتسم اليك
انصحك تجلس على وظيفتك الا اذا وجدت وظيفة براتب اعلى والله اعلم

شوف راحة بالك ومصلحتك وين انت اعرف بنفسك من الناس

الله يجزاكم بالخير على النصائح
والله يكتب الي فيه الخير
ممكن إني أجلس فعملي وأكمل الجامعه وبعدها أبدأ أبحث عن وظيفه رآتبها أعلى من راتبي
إن شاء الله

توكل على الله وروح وظيفة الهيئة والزم ماعليك الراحة النفسية والباقي تلقى العوض عند الله سبحانه ومن توكل على الله فهو حسبه مشكلتنا دائماً توكلنا على الناس والفلوووووس والإستخارة قبل أي شيء

احسب ما سمعت أن جهاز الهيئة ترقياته سريعة .. وفي نفس منطقتك
يعني ما تطلع برى المنطقة .

الراحة نصف القوت .. وبإمكانك تتحرك في شغلات بعد الدوام تكمل لك نقص الراتب
وتشتري فيها عزتك ونفسك .

مجرد رأي .. وأسأل الله أن يكتب لك الخير

راحة بالك أهم بكثير من الفلوس

استخير ربك وتوكل على الله