هل اقدر ابني دور واحد عن طريق البنك العقاري

أنا سويت المخطط دورين كل دور 377 متر وكتبوا العقد وسجلوا فيه دور واحد 349 متر ما أدري كيف سسووها بس قالوا لي نسجل لك دور واحد أحسن لك علشان الدفعات .
الأمر فيه سهولة ومجال للمراعاة لو سلمت من المعقدين والمتشددين .
أحسن إستفسر منهم عن المساحة المطلوبة للقرض كامل 500000 ريال .
تعمل المخطط ورخصة البناء وترهن الصك وتستلم 50 ألف .
بعد صبة السقف الدفعة الثانية 200 ألف .
الدفعة الثالتة بعد التلييس واللون الداخلي والخارجي 35% من قيمة القرض .
الدفعة الأخيرة بعد الإنتهاء تماما من كل شيء .
طبعا إعمل حسابك لازم يكون معك سيولة تساعد .

ماقصرت جزاك الله خيرا
لكن لو انزل القرض على دور واحد مساحة مسطحة 329 من غير الملحق
هل ينفع
وكيف طريقة دفعات الدور الواحد

العقد كله خله على دور واحد وأنت زود على كيفك لو ثلاثة أدوار ...
هذا علشان الدفعات أريح لك .
مثلا الدفعة الثالثة بعد الإنتهاء من البياض الداخلي والخارجي دور واحد أسهل لك من دورين .
عموما حط ببالك ما راح تكفي لازم دعم والله يعيننا ويعينك .
أنا تو استلمت الدفعة الثانية وما راح تكفي تأسيس سباكة وكهرباء وتلييس داخلي وخارجي وبيويات وبلاط لكن الله يعين .

شرط الصندوق لاعطاء القرض 500 كامل ((( لايقل المسطح المكتوب في رخصة البناء عن 290 م )))

حلو انا المسطح329

نفس الوضع ولاعطاني غير 50 الف

دفعه اولى وقال روح اسقف دورك الاول وتعال نعطيك الدفعه الثانيه

والي يقول غير هذا الكلام ياليت ينورنا عشان نقدر نكمل البناء

صحيح الدفعة الثانية بعد السقف ...
لكن أتوقع لازم يكون العقد دور واحد لو كان دورين لازم سقف الدور الثاني .
خلوا العقد على دور واحد فقط وكملوا براحتكم .

وانا ماانصح تحط العقد دور واحد عشان تعجل الدفعات

لانك لو بنيت دور واحد عقدوك في طبالين الكهرباء ومخالفات من البلديه ومشاكل مالها لا اول ولااخر

وحط في بالك لازم تزود 100 او 200 الف من حسابك ولاتنسى ان المقاول ماراح يكلمك الا بلغه الفلوس ارسل اشتغل واذا ماارسلت وقف شغله والله يعينك على مطاردته بين العماير هههههه

رحت اليوم للصندوق العقاري
وقالو لازم مسطح الدور الواحد مايقل عن 280
والاكيد اني ببني دور واحد ولمن نرد عافيتنا كملنا على رواااق

تحديث ورفع للموضوع
استلمت الدفعه الثانية وهي 200 الف ريال
وكان عقدي مع الصندوق دور واحد
حتى تستتلم الدفعه الثانية قالو لازم تكون خلصت المباني (الجدران والاعتاب) فقط قبل السقف للدور الارضي
وهي مناسبة حتى لاتضغط نفسك لانه ل كان عقدك دورين فلن تستلمها الا بعد انهاء الدور الارضي ومباني الدور الاول ,
هذا ماحببت توضيحة والله يوفق الجميع