أسعار النقل نازلة

قبل 10 سنوات

السلام عليكم و رحمة الله و بركاته ...

اخواني الزملاء الناقلين


يجب علينا النظر جدياً في أسعار النقل الحالية

كسارات الصمان و غيرها اغلبها رفعت الاسعار لدرجة خيالية لدرجة انك تجد تفاوت كبيررررر في الاسعار
3/8 اسعاره ارتفعت الى 26 ريال للمتر في بعض الكسارات

و نحن اسعارنا طاااايحه

انا الحين انقل ب19 ريال للمتر من الصمان للدمام


الكفرات1200/24 اسعارها اقل شي 1200 ريال صيييني و كذلك رواتب السواقين على الكفاله ماعاد فيه احد اقل من 1500 للغشيم الجديد و مكتب العمل اخذ علينا جباية

لازم نتحد و نرفع الاسعار جميع من له علاقه بالنقل رفع اسعاره
الاسمنت ارتفع و البلك و البحص
و غيرها و الاعظم منها الثلاث اثمان 3/8 يمسك السواق سرا و تقل الانتاجية
الا حنا

أسعار النقل نازلة مع الإعتذار لصاحب السيارة
مع الإعتذار لصاحب السيارة

إعلانات ذات صلة

عندك صناعات ونقليات؟
الكل: 42
21 40

اللي خرب شغل القلابيات اجتهادات ودخول الافراد في النشاط بس اكبر همه لاتوقف السياره مايناظر للسعر يخارج معه ولا لا ومنافسه بينهم على العميل كل واحد ينزل
اما شركات النقليات الكبار وخصوصا نقليات المحروقات والثلاجات وغيرها عندهم تسعيره خاصه ماينزلون عنها لو توقف التريلا ماعنده مشكله بس مايرضى بهالسعر

الغرفة التجارية ممكن تفيد قسم النقليات قدموا لهم شكوى بان المنافسه والتستر والاسعار دخلتنا في خساره وياليت يحطون موقع للناقلين الافراد ماتتحرك سياراتهم الا بالسعر الادنى واللي يبي شغل يجي هالموقع المخصص للناقلين مثل المواقف للشاحنات وعندهم مكاتب للتنسيق مع العملاء في نفس مواقع المكاتب او قريب منها ولا حد يتحرك الا بالسعر المتفق عليه

او يحطون عدادات في الشاحنات والجميع يركب هالعدادات من الافراد والشركات ويمشون على تسعيرة العداد
واذا تبي شغل تروح لمكاتب النقليات تعرض عليهم ولابد تكون مواقع متفق عليها يجتمعون فيها العملاء والناقلين والتسعيره متفق عليها
واذا حصلت شغل بالسعر المناسب اشتغل والله يرزقك ماحصلت شفلك نشاط ثاني وخل يصير فيه توازن بين الطلب والعرض
وياليت تكون هالمواقع خارج المدن خصوصا للتريلات ويتم الاتفاق مع المكاتب على النقل اما بالشكل العشوائي هذا كل من صار معهه قرشين شراله تريلا واشتغل اي كلام وحتى بعضهم يمكن والله مايحسب دخله ولا يدري هو ربحان ولا خسران خصوصا الافراد بس يبي يشتغل

وهالمواقع يصير فيها مراكز صيانه خاصة ومراكز تابعه للمرور ووزارة النقل تشوف هالتريلا صالحة للاستخدام واجراء الرحلات ولا لا لان بعض التريلات والله مايصلح معها الا المكبس خطر على الحموله وعلى السائق وعلى السلامه العامه وكل شوي تعطل السير مايصير ياعالم هالشغل العشوائي تريلات موديلات 1970وحالتها حاله وتشيل حمولات باسعار غاليه خصوصا لا صارت اجهزة ولا سيارات او مواد خطره لكن المحروقات ضابطه هالشغله ارامكو مافيه تصريح الا لشاحنه بحاله جيده ولا لها خطر على السلامه

بالنسبه للرد رقم 18 والله اوقف ولا اشتغل بهالاسعار وحتى لو جاء واحد وأخذ مني باسعاري القديمه خله يشتغل ويخسر ثم بعدين يعقل
شغل النقليات مصاريفه عاليه وفيه مخاطر كبيره حوادث سرقات حرائق لازم يصبح دخلها مناسب لها المخاطر اللي يتحملها الناقل

وياليت يصير في هالمواقع اللي اقترحتها
مراكز لوكالات الشاحنات ويقومون بالصيانه و توفير قطع الغيار

بيض الله وجهك يا ابو جسار كفيت ووفيت..

عضو قديم رقم 169768
قبل 10 سنوات و7 أشهر
28

ماقصرت يبو جسار 2
بخصوص السطحات البرحه السعودى يجى يدورله على حمل يجى للمكتب فيه حمل يقول لا يجيه الاجنبى على طول يقصله طبعن مصاريه وسودانين اجار من الرياض الى نجران 1300 بلاط
كيف الاجار هاذ الخميس 1400 حقت ايش هاذى
يليت المرور والمواصلات يوزعون اوراق على حقين المكاتب مايقص الورقه الا شايف اوراق السائق كامله ونظامى وعلى كفيل صاحب السياره طبعن رخصه عمومى لين اكثرهم سائق خاص
وامن الطرق عن نقاط التفتيش يشيك على السائق اذا ماهو نظامى يغرم المكتب وصاحب السياره والله يعدل الامور

اشهدنك صادق يا ابو خالد و رايك صواااب

معقوله فيه احد ينقل ب 1300 الى نجران والله من الخساير والله اتوقع الارخص حول العالم
يشتري قرمبع لها 20 الى 30 سنه بقيمة اكسنت
ويقبل باي سعر للنقل ثم يدخل بدوامة صيانه وخساير ماتخلص
المفترض شاحنات النقل موديلات مايزيد عمرها عن عشر سنوات عمل يسمح لها بالعمل والاستيراد من الشاحنات مايزيد عمرها عن 5 سنوات

والله اللي مخرب الشغله التستر والسعودي اللي معطي السواق التريلا باجار شهري

عضو قديم رقم 169768
قبل 10 سنوات و7 أشهر
32

معقوله يبو جسار السبت الماضى انا بسوق والله اجار نجران 1400 واجار رجعه والله ابو نسافه
يطاقون عليها كلن يبيها
والخميس 1500 واخرتها بعد الرياض 170 كيلو واحد باكستانى جاب العيد سوى حادث وراحت الحموله كلها خله الحين تنفعه 1500

الله يعدلها من عنده

والله العظيم فكرة اهم شي لاتوقف الشاحنه غلط وخساااااااااااره
اوقف عن العمل ولا اقبل بها الاسعار
لاني لو شغلت التريلا بستهلكها ومصاريف واذا شغلي مايغطي هالمصاريف خساااااااااره
لازم يصير فيه تسعيره متفق عليها
اجمعوا تواقيع اكثر من ناقل وقدموا شكوى لوزارة النقل والغرفه التجاريه لوضع تسعيره للنقل
والشاحنات القرمبع لازم تطلع من السوق لان
شغلها على صاحب النقليات خساره مصاريف صيانتها كبيره وماتخلص
وخطر على الطرق والمواد المنقوله والله بعضها فراملها منتهيه و توازنها معدوم
والصغاروالافراد يقول الشاحنه الجديده غاليه علي يشتري جديد بالتقسيط او التاجير المنتهي بالتمليك ويشتغل عليها بنفسه مافيها شي سعودي وعلى تريلته وكاله ويترزق الله والشاحنات الجديده كثيره ومتنوعه الاسعار فيه غالي وفيه بعضها سعره معقول
اما يروح يشتري قرمبع بقيمة اكسنت ويعطيها السواق ويخسر ويخرب السوق مايصير

مكاتب تاجير السيارات الصغيره لازم جديد
وسيارات الاجره لها عمر بعيد مايجدد لها خوفا على سلامة الناس
ونقل الركاب بالباصات اغلبها موديلات حديثه
لازم الشاحنات بعد لها عمر وتطلع من الخدمه لانها تنقل شحنات وبضائع غاليه
شوف نقل المحروقات لازم تكون الشاحنه وضعها ممتاز ولا ماتسمحلها ارامكوا بالدخول حفاظا على السلامه

يا مرحبا بالجميع

يا ربعنا والله السالفة يبي لها جهاد و صبر و تعاون

الى يومك وفيه ناس تقبل باسعار خساره

هذي المشكلة يا ابو جسار

السالفة تبي لها تعاون
و بالذات الحين بعد الحملات و المهلة

كلام جميل لكن اين التلاحم والتكاتف بصوت واحد لرفع الأسعار
كل واحد يقول نفسي نفسي !!

ان شاء الله يكون فيه تكاتف

يا جماعة نبي كل واحد يكتب رقمه
و نجتمع

الحل ندقق في السواقين
منين لك هذا
نحاول نعرف السياره لمين لان اغلب السوريين مالكين سيارت لهم
وكذالك الباكستاني والافغاني
تجد اضعف الناس هنا الهنود والمصريين سواقين بالراتب
لكن سوري باكستاني يمني افغاني مستحيل واللي يبي الدليل يقابلني
لكن هل الشرطه ستوقفه وتحقق معاه هنا مربط الفرس
وباستاطاعتي اوقع السائق ضد كفيله بسوال بسيط والكفيل اوهقه بسوال
لان لا يعرف اسرار السيارت والشغل الا حنا اللي ساهرين عليها ليل نهار

21 40
أضف رداً جديداً..