| جميع الحقوق محفوظة © |

وكالة فورد وعدم معرفة حقوق الزبائن

السلام عليكم ورحمة الله ، زميلي اشترى فورد فوكس 2013 ، وهو رايح لمكة عليها يقول جاتني حصاة وضربت بالقزازة الأمامية وانشعرت من الجال للجال ، يقول ان التأمين رفضوا والوكالة رفضوا تغييرها ، ويوم وديتها لفحص العشرين الف كيلو شافها مدير الصيانة كان أمريكي قال لي ليش ما غيرتها فقلت له سعرها ب 3500 ريال قال المهندس لا ،، ان اي سيارة تطلع من المصنع عليها ضمان الي عشرين الف كيلو ونغير كل شي مجانا ومن عشرين الف الي ثلاثين الف كيلو تتحمل الشركه النصف والوكيل الربع والزبون الربع وهكذا تكون النسبة والتناسب ،،،،،،،،،،
الصراحة انا اول مره اعرف هالشيء والموضوع صار مع زميلي في وكالة فورد في ثاني اسبوع من رمضان .
المشكلة مافيه واحد من موظفين استقبال الصيانة كان عارف عن الموضوع هذا شي .،،،،،

الردود
نقاشات مشابهة
الكل: 1
1.
عضو قديم رقم 355371
08:09:33 2014.08.08 [مكة]
مرحباً حبيب1 الله يمتعك بحبايبك ويرزقك شوفة الرسول ﷺ ، شوف: دام انه في امريكا نفسها يبحثون عن نقاط جهل العميل الله وكيلك دواره ،،، فاللي انت تقول بيصير شي عادي... كان عندي لكزس مره ونا في امريكا ومسوي فيها اني في السعوديه رحت دخلتها وكاله وخذ يا صلخ بخرابيط يعني ... ماش. دخلتها ثانيه بس كانت خربانه ،،، وبرظوا صلخوني قلت طيب... المره الثالثه، انا يوم شريت السياره ماعطاني راعيها هالامريكي الا مفتاح واحد الله لا يبارك فيه هم كذا والسبب شرحه ماراح يدخل عقولنا الفارهه ولو بدقاق ولا كريك المهم اخرتها ظاع ذالمفتاح الوحيد... ابلش دقيت عالوكاله قالو لي والله يبغى لك تغير كمبيوتر الحاله بسبع الاف دووولار وتشتري مفتاح بالف وخمس وتقصه بمية دولار الا عفكره تبي مفتاح ول مفتاحين؟ قلت مابي شي طع واصك السماعه وادور قلت خل اشوف وكاله ثانيه، واكلم وكاله في قريه جمبي وكل مدنهم قرى مشتته مدري شلون جايين المهم رد علي واحد كنه ابن حمايل (ما ودي اقول بن حلال وهو قطعة مشرك) المهم واشرح له السالفه قال ابد عادي هذي بالكثييير ،،، بتكلفك سبع مية دولار قلت وشششهوو !! يرجل امتأكد ؟ قال ايه قلت ممكن تشرح لي قال ابد وكالة لكزز اذا ظيعت مفتاحك اول مره راح يتحملون قيمة الكمبيوتر قلت له وبكم ذالكمبيوتر قال بثلاث الاف وعليها قلت اييييه اسلم والمفاتيح،،، وقص المفاتيح قال المفاتيح بثلاثميه ثنين مع القص والثلثميه او الاربعميه الباقيه شغل يد وما الى ذلك قلت له طيب انا في المدينه الفلانيه قال لااا تراك بعيد عني والسطحه لحالها بتاخذ عليك مبلغ وقدره، قلت طيب وشسوي ذولا اللي جمبي نصبوا علي قال خذ ذالرقم وعطاني رقم شركة لقزز المذر (يعني الام)... ودق عليهم ويعطونك العلم قلت سم قال تراني ماقلت لك شي قلت وشلون قارورته قعد يظحك سلام وعليكم السلام طع رحت ودقيت عالشركه الام، ردت علي وحده ماصله ولكن احسن معامله ردت علي من شريت هاك الكزس... الله وكيلك الزبون ماعاد له كلمه اط لا قاً المهم هلا وعليكم الاهلاً وش عندك ابد هذي سيارتي صار عليها كذا وكذا عطني رقم الشاص وشافت في الكمبيوتر انهم ناصبين على مندوب مندوبي ولكن اللي فات مات ما تقدر تسوي له شي دلتني على نفس الفرع اللي نصبوا علي قلت لها طيب جعلك الماحي هذول يبون مبلغ خرافي (ولا علمتها كم هو) وقلت لها فيه ميكانيكي جمبي عنده لكزز يقول انكم تسوون كذا وكذا وبالسعر الفلاني قالت اا ما ااا السعر مانقدر نسوي فيه شي قلت عطيني بحر السعر كم طيب قال سبعميه قلت تمام رجعت دقيت عالنصابين والظاهر انهم يا يعلمون بعض يا يكتبون فالكمبيوتر مدري عنهم المهم رد علي واحد المارية انه رجل طيب ماله وللشيطان طاري ويعطيني سعر يحبه قلبك لا ولكزس اخر موديل عفت سيارتي الله وكيلك والخدمة خمسطعش نجمه يوم ذوليك اللي قبل ينصبون علي وما حتى عطوني نص اللي عطاني ذا حسبي الله ونعم الوكيل بس انا ماشي ع نظام استبح لاخاك سبعين عذراً ونسيت ان هذول ما هم باخوان الا خوان الماريه وفي روايه : الزبده نصب الوكالات في كل عاير وديره واقترح انهم يعطون المستهلك قائمة باللي ويش ينتغير وايش ما ينتغير وكل كم ومتى وكيف وايش ماهو يرمونه كنك مطلع السياره من معرض مشي حالك يجيب له باخره محمله سيارات ويبيع عالناس مثل بعض المعارض اللي اسمها توكيلات الجزيره يقولون لك ظمان قير ومكينه لا واذا خرب عليك منهن شي جحدوك رح مانعرفك! ولكن شركة فورد هذي وكاله عريقة ورسميه جداً يعني فلابد من تعليم الموظفين يعني الجهل مستشري بذالشكل ما يصير... ولكن شكراً على معلوماتك أخ حبيب1 بكذا الشخص اذا بغى شي يكون يروح للمشرف او المدير دايركت انا اذكر كان عندي فالسعودية انفنتي ويوم دخلتها تشييك طلعوها بدون مايختمون الكرت قلت المرة الجايه والله ورحت المرة الجايه ولقيت المشرف وكلمته وقال ابشر هات طع ويختم لي على الستين الف قلت لا يهوه مهوب الستين الف اللي بعده اسبعين قال ابشر طع ويختم لي على السبعين ويوقع قلت ايييوه.... مشكور حتى يوم جيت ابيعها علمت الشاري قلتله ترا هذي التشييكه زحلطن يعني قعد يظحك قال مايخالف شرهتك على اللي بيشوفهم من عقبك قلت حلالك مع السلام