| جميع الحقوق محفوظة © |

مسخرة سيارات تويوتا

السلام عليكم

ماتلاحظون ان سيارات تويوتا صارت مسخره من كثر الترهيم والتلفيق واللصمقه الصينية !!

واخص اللاند كروزر بالذات !!!

ماعاد تدري ماهو التلفيق من الاصلي وماهو المغشوش من شد البلد اذا باقي شد بلد

الزوايد ترهيم
الشاشات ترهيم
الجلد ترهيم
التخشيب ترهيم
الجنوط ترهيم
النسافات ترهيم
الطارة ترهيم
الخطوط ترهيم
الجناح ترهيم
النوع بكبره ماتدري هو صحيح او ترهيم يعني gx يقلبونه gxr
كل المواصفات شغل الغرابي والشارقه والمساكين مبسوطين تويوتا شيك !!
انا دافع مبلغ ضخم ابغى موتر محترم الى متى هذا الاستهبال بعقول الناس؟

الردود
نقاشات مشابهة
الكل: 8
1.
00:50:08 2016.03.04 [مكة]
صدقت حتى الباترول صار بالاساس ارمادا الى متى هالوكالات بتلعب على الناس؟!
2.
12:45:31 2016.03.04 [مكة]
غير صحيح الباترول من مصنعه وهو باترول لم يتلاعب في مسمار واحد فيه
3.
23:40:48 2016.03.04 [مكة]
اسكت يارجال لا يطيح سوقه همن يروح الشيك والمشيك عالاقل فيه مخرج اذا شبعت وطاح اللي في راسك فكّاً لك تابوتا
4.
03:13:48 2016.03.05 [مكة]
المسخره الحقيقيه انك تشتري سياره بما يقارب 300 الف و تعرف ان في سياره قيمتها أقل 150الف و يابانية 100% و أقوا و أمتن و أفخم و أرخص و قطع رخيصه و تتحمل العمل حتى 8 سنوات و ملحقات السياره اصليه يابانية 10000%
5.
15:14:10 2016.03.05 [مكة]
فعلا فيه سيارات معقول سعرها وجودتها طيبه وبالنسبه للباترول كنت احذر منه من عام 2010 انه ارمادا لكن العالم ماتصدق وفيه عدة ادله تثبت انه ارمادا بالاساس الباترول ماله شبيه بالانفنتي سابقا عام 2007 مثلا لكن الارمادا له شبيه بالانفنتي! والموديل الجديد صار الباترول له شبيه بالانفنتي! والشغله الثانيه الباترول الفتك مازال ينزل لوقتك هذا !!! كيف شكلين باسم واحد ؟؟!! ياعزيزي نيسان لعبتها صح غيرت اسم الارمادا بباترول علشان تقنع الناس وتبيعه فوق ال200 الف الى ال300 الف والصراحه نجحت في ذلك وحتى الاندكروزر واللكزس مبالغين باسعاره جدا جدا وعلى ايش مدري وفي نظري ماتستاهل هالسعر نهائياًً عموما انا ضد الوكالتين الكذابه تويوتا ونيسان لضحكها على الدقون ولايهونون بعض الوكالات الثانيه..
6.
08:45:31 2016.03.09 [مكة]
بالعكس نيسان ارحم بكثير مافيها تعديل واسعار معقوله مقارنه بالمواصفات مع تويوتا اما كون الباترول ارمادا فغير صحيح ولو كان مايهمني الاسم اكثر من المضمون ولعلمك الباثفندر ينزل الشكل القديم والجديد والددسن ينزل الشكل القديم والجديد النفارا والباترول مثلهم طبيعي!! الباترول البلاتنيم اثبت نفسه بقوه محرك جبار وقير 7 نمر فخامه هيبه جوده يابانيه من الصدام للصدام بدون تلفيق والسعر منافس 217 اليوم
7.
11:37:22 2016.03.09 [مكة]
رد على الاخ العزيز كزاد صاحب الرد رقم 5 غير صحيح ان الباترول هو الارمادا واليك بعض الادله 1- قاعدة الباترول تختلف تماما عن قاعدة الارمادا 2- الارمادا سيارة عائلية والباترول سيارة للطرق الغير معبدة هناك فرق كبير بين الفئتين 3- الشروط الفدرالية اصلا تمنع ان يتحول الارمادا الى باترول مهما كان او العكس 4- الارمادا دفع خلفي في الاساس وتقدر تطلب دفع رباعي 5- الباترول في الاساس دفع رباعي ولايمكن طلبه بدفع (ثنائي فقط) خلفي مهما كان ومهما حصل 6- الارمادا اذا طلبته دفع رباعي فانه ياتي على شكل تروس تفاضليه فقط ولايمكن ان ياتي بدفرنس امامي مهما كان ومهما حصل 7 - الباترول دفعه الرباعي دفرنسات امامية وخلفية ولايمكن ان ياتي بتروس تفاضلية امامية مهما كان ومهما حصل 8- الارمادا بكافه تفاصيلها تصنع في امريكا ولاعلاقة لها باليابان الا القطع كالمحرك والقير وخلافه 9- الباترول يصنع في البايان ولا علاقة له بأمريكا نهائيا نهائيا نهائيا . 10- الارمادا الجديد اللي هو باترول والي راح ينزل في امريكا هذا موجه للسوق الامريكي فقط حسب معلوماتي وهو تغيير اسم فقط لمواجهة السوق كما هو الحال في سيارات كثيرة هذا مااحببت توضيحه ولكم الشكر والتقدير ...
8.
13:52:54 2016.03.09 [مكة]
الارمادا يختلف عن الباترول ويتفق معاه في حجم المحرك والشاصي وفي السابق كان يصنع الارمادا في امريكا اما الان فهناك خطة لتصنيع سيارة ارمادا من اليابان وبمطابقة للمواصفات الامريكية وحسب موقع الشركة فإن خط الانتاج سيبدأ خلال العام الحالي ومن المتوقع جاهزية السيارة كصناعة يابانية نهاية العام 2016 او بداية 2017 . المصدر ويكيبيديا