ماهو أفضل موقع سعودي لبيع وشراء السيارات

http://jeddah.dubizzle.com/ar/accounts/login/?next=/watchlist/

www.bubizzel.com

http://www.qatarsale.com/arPrivatePage.aspx?id=12223525

مافي كلام طبعا الاقوى والاجمل والامثل موقعنا المتميز مستعمل

ما عليش حراج الافضل
لكثرة السيارات المعروضة
ولكن يعيبه عدم اهتمام الإدارة بالموقع

موقع حراج بلا منازع

موقع حراج ولكن يعيب الشيطية كثر ويتوجب على مستخدم الموقع يتوحى الحذر

لوعرض سلعة يجون يكسرون فيها ماتسوى

واذا سام سلعة جوك فينجشها وزيادة في السعر فوق المعقول

حراج

ولكن سياره واحده من بين كل 20 سياره تجد سعرها معقول مثل السوق لدرجه ان الشريطيه ارحم منهم ويتصيدون ناس مغفلين لايعلمون شيء عن الاسعار
وهذا غير الناس اللي تسوم ماتشتري والناس اللي تعرض ماهي جاده في البيع بس تبغى تسعر

ولكن مستعمل رغم قله العرض بالنسبه لحراج الا ان الشريطيه قليل فيه والاسعار معقوله نوعا ما

موقع حراج بلا منازع

موقع مستعمل السيارات الي تعرض فيه حلوه ونظيفه وسعرها طيب
اما حراج الغالبيه شريطيه ومامن وراهم خير سواء بايع او مشتري

موقع الموتر السعودي

توه جديد وبادي بقوة

شكرا لك

كتكوت نصيحه لوجه الله الدعوه فيها موتر انصحك تنزل السوق وتشوف بعينك

اكثر المعروض مغشوش والقليل نضيف

افضل شيء حراج بس مشكلته الشريطي معاها 10 معرفات ويفتح السوم لنفسه بزياده غير طبيعيه ثم هات بيع النجش وانتم فاهمين الطبخه

www.saudisale.com سعودي سيل آعلاناته جميعها موثوقه لأنهم هم الي يجمعونها

http://www.qatarsale.com/ ايضآ اخو الموقع السابق او نفسه بس في الدوحه مميز وتحديث يومي ويريحك كثير في البحث عن سياره ويخليك تقارن في السوق وعن تجربه.

http://www.haraj.com.sa/ بطل ولاكن يعيبه انه غير متخصص وجاي على شكل منتدى ومشكلة المنتديات ان اول ساعتين ازعاج اتصلات ثم اعلانك ماعاد احد يدري عنه والبحث متعب فيه عكس سعودي سيل وقطر سيل البحث يريحك ويجيب لك الي بحثت عنه بالسانتي والي يضيفونه ادارته عشان كذا مرتب وياليت يهتمون اكثر ادراته .

مستعمل لا يعلى عليه ونفس طريقة حراج لاكن الدقه في البحث جدآ متعبه اذا تبي سياره بعينها وتغلبها فيه قطر سيل وسعودي سيل .

jeddah.dubizzle.com/Haraj

دوبيزل امراتي ينافس حراج ومستعمل وافتتح روابط للسعوديه منضم وهذه ميزته ولاكن مشكلة المواقع السعوديه ذات الاعلان المجاني تتعبك بسبة كثرة الاعلانات الوهميه يعني يمكن تدق مشوار لمنطقه وتلقى السياره المعروضه عارضها مراهق او واحد يبي يجرب كم تجيب له في السوق ويضيع وقتك على الفاضي عشان كذا معتمد على الله وثم على قطر سيل وسعودي سيل لأن كل الي عارضين سيارتهم يعرضونها وهم دافعين رسوم مسبقآ ومافيه احد بيدفع رسوم الا وهو جاد يبي يبيع وكل ماتتصل على احد تبي سياره ترتاح انه فعلا جاد يبي يبيع مايبي يسعر او يطقطق ومستعمل او حراج اذا كان الاعلان في نفس المدينه الي انا فيها مايخالف اتصل واجرب ولاكن برى ماوثق لو سعرها معروض ببلاش واتمنى افدتك ونشوف مواقع بقوة ebay واوتو تريدر ونشوف مشاهدين وعارضين بنفس جودتهم حتى نستفيد من هذه النعمه الي الله سخرها لنا .

حراااااااااااااج الافضل
رغم اني شريت سياره من موقع مستعمل

عن تجربة شخصية بسبب التعامل في التوسط لبيع السيارات :
وجدت التالي :

حراج ممتاز ولكن يعيبه البخس في سعر السيارة حيث انه مليان شريطية .. واغلب اللي فيه مراهقين اخوانهم وابهاتهم شغالين في الحراج .. ويصيدوا السيارات لهم ويسوم بسعر عالي ويعطي رقمك للشريطي يتصل عليك ويجيك ولكن يبخس السعر ...

مستعمل ممتاز وزبونه مضمون وغالبيتهم شرايين .. ولكن يعينه ارتفاع اسعار السيارات فيه بشكل مبالغ فيه بالاضافة إلى عمولة البدل على كامل سعر السيارة وليس على المبلغ المدفوع فقط

دبيزل ممتاز جداً ومنظم وشغله مرتب بصراحة ... وقد بعت عن طريقة اكثر من سيارة
يعيبه انه الناس ما يعرفوا يستخدموا الموقع ... فتلاقي جهة الاتصال مخفية الا اذا ضغطت على الكلمة ف يظهر لك الرقم ... او ترسل ايميل ... وممكن راعي السيارة من الناس اللي ما يفتحوا الايميل فتروح البيعة عليك ...

سعودي سيل ... إعلاناته مدفوعه الثمن .. صحيح انه مفيد لأن اللي بيدفع صامل في البيع .. ولكن مشكلة اذا كل سيارة اعلن عنها ادفع فيها فلوس وانا يادوب اطلع سعي من البيعة كلها ف حالاتي ما ينفعه التعامل في سعودي سيل

carsemsar

حراج موقع تعبان وادارته غير مهتمة بالمنتدى

وانصحك بعدم التسجيل فية عندك سعودي مول سوق مرتب وادارته تمام

ومستعمل ايضا سوق عالمي مايحتاج ومعروف لدى الكثير

cars2all‏ كارس الكل
http://www.cars2all.com/

سيارات السعودية
http://www.ksacar.com/Default.aspx

حراج السيارات السعودية
http://www.siyaraat.net/

حراج مستعمل
http://www.harajused.com/

منتدى سيارات السعودية
http://www.cars-ksa.com/vb/

مانبي منكم غير الدعاء

مشكورين ياشباب وبارك الله فيكم

ماقصرتو بيض الله وجيهكم

كنق-الليل
كل المواقع اللي ذكرتها فاشلة

الله يعطيكم العافية