كم مدة تسخين السيارة في وقت البرد والثلوج ؟!!

انتبه تشغل وتمشي

تطلع لك خرابات ما تدري من وين

بالنسبه للجو البارد في السعوديه بشكل عام التسخين من 10 الى 15 دقيقه

اما مناطق فيها و والبروده فيها عاليه اكيد مو اقل من 20 دقيقه وخاصه اذا كانت سيارات النقل مثل الددسن والهايلكس وووالخ

مع كامل احترامي لوجه نظرك اخي axax

أولا يجب ان تعرف مانوع محرك سيارتك
هل سيارتك قديمة و محركها يعمل بنظام الكاربريتر
او سيارتك محركها يعمل بالديزل
ام انها جديدة وتعمل بنظام نفث الوقود الانجكشن

اذا كانت كربريتر او تعمل بالديزل فتحتاج الى تسخين
اما اذا كانت تعمل بنظام الانجكشن فشغل و بعد نصف دقيقة تحرك من دون تسخين ولكن بهدوء ستجد ان المحرك سيسخن و بسرعة
السيارات الحديثة لا تحتاج الى تسخين ابدا, و من قال لك هذا فهو اما معلوماته غير مستحدثه أو عايش في زمن جاهلية محركات الكاربريتور القديمة.
في الولايات المتحدة وفي مدن مثل ديتيريوت ونيويورك وفي عز الشتاء والثلوج, الناس تشغل سياراتها وتنطلق بهدوء
لأن سيارات الفل انجكشن كمبيوترها مصمم لتسخين زيت المحرك والجير فور تشغيلك لها.
واذا اطلت فترة التسخين اكثر من دقيقة فأنه استهلاك للعمر الافتراضي لمحرك السيارة و استهلاك للوقود على الفاضي.
دعك من كلام اصحاب الورش و الميكانيكيين فهم لم يصنعو يوما سيارة

بقلم: Ks2010a كلام صحيح ، 30 أو 20 ثانية بالكثير كافية للسيارات البخاخ ، معلومات يجهلها الكثير للأسف ، حتى أن الكثير يعتقد بأن أمبير حرارة المكينة يتعلق بأمبير الحرارة الموجود أمامه بالسيارة وهذا للأسف خطأ ، لأن الأمبير الذي يراه يتعلق بحرارة ماء الردييتر وليس المكينة ، إنما المكينة تحتاج لضخ الزيت فقط ليدور في المكينة وقطعها وهذا يستغرق ثواني لا تزيد عن عشر أو 15 ثانية تقريباً خاصة بوجود طرمبة الزيت المساعدة في ذلك ، مع التقليل من السرعة العالية أو التسارع المفاجئ بسرعات مختلفة بعد الانطلاق بالمركبة لمدة وجيزة فقط .

اشكر الرد رقم 2 و 3

صراحه معلومات ممتازه

كثير منا لا يمتلك الثقافه العاليه في ميكانيكا السيارات

حتى اصبحت الورش تنهش في جيبونا لقلة المعرفه بالعطل او تفادي العطل قبل حدوثه

انا اشوف التسخين ضروري و ماله علاقه سوا بخاخ او كربريتر لانا نتكلم عن حرارة الزيت وما نتكلم عن كمية ضخ البنزين و الزيت لما يكون بارد يكون ثقيل وما يستطيع الوصول للااماكن الضيقه بعكس لما يوصل للدرجة الحراره المطلوبه ولما تحرك السياره بدون تسخين معناه في اماكن ما وصل لها الزيت وراح تقلل من العمر الافتراضي للمحرك واذا امبير الحراره ماله علاقه في حرارة المحرك اجل ليه حاطينه ولو تلاحظ انا حساس الحراره يكون في المكينه وليس في الديتر لو فرضنا نا نظريتكم صحيحه

نصيحة اخ لا تحرك لين تسخن موترك والا توقع انواع المشاكل في نظام التبريد والمكينه وانا مشيت بنظريت عدم تسخين السياره على نوعين من السيارات الكربريتر والبخاخ ووالله انها واجهتني مشاكل في كل السيارتين وحده قفل البلف علي والثانيه اعاني منها للحين وهي كسر في طبة الرديتر .

15 دقيقه ايام البرد
ايام الحر حتى يرتفع انبير الحراره واحرك

5. بقلم: الفرنتي واذا امبير الحراره ماله علاقه في حرارة المحرك اجل ليه حاطينه ولو تلاحظ انا حساس الحراره يكون في المكينه وليس في الديتر لو فرضنا نا نظريتكم صحيحه .

أجيبك أخي العزيز بأن ماء الرديتر يختص بتبريد المكينة لأنه يأخذ دورة حولها لتبريدها لذا أمبير الحرارة يقيس درجة حرارة الماء حول المكينة وليس داخل المكينة لذا نستخدم الماء الخاص المقاوم للحرارة وغيرها والأمبير الذي تراه أمامك في الطبلون ينبهك في حال ارتفعت درجة حرارة الماء فقط الذي تحتاجه المكينة لتبريدها عند دورة الماء حولها .

وللمعلومة بأن زيادة فترة التسخين يسبب تجمع الكربون الذي يؤدي إلى قصر عمر المحرك مع الزمن لذا حتى لو الطقس بارد جداً بل حتى لو ثلوج 30 ثانية كافية جداً جداً جداً إلا إذا السيارة كربريتر فهنا الفرق .

سيارتي قراند ماركيز 2008
تم الشراء في عام 2009
لها معي 4 سنين تقريبا
اول ماشريتها سنه كامله احميها وبعدها 3 سنين بدون تحمية
يعني اشغل السياره واعطي السياره 10 ثواني بالكثير وامشي
والحمدلله الى الان السياره مافيها الا العافيه ماشاء الله

شريتها ماشيه 30 الف والحين 260 الف كيلو

السلام عليكم ورحمة الله وبركاته
انا بتكلم معك من واقع تجربة واقتناء ولله الحمد لما يزيد عن اربعين سياره فأنا مغرم بالسيارات
جربت انواعها الفاخره والصغيره والمتوسطه والجيب وغالب انواع الشركات وحسب خبرتي اقول لك

التحميه صروريه حتى لوكانت السياره بخاخ لأن التحميه ليست فقط للماكينه بل للقير ايضا لأن السيارات الفاخره خصوصا المرسدس واللكزس تحتاج الى تحمية القير ولا بعد فتره ستجد مثل النتره البسيطه اول ماتقوم السياره وتؤثر على كلتشات القير.

وايضا المناطق المرتفعه كالطائف والباحه وابها تحتاج الى التحميه فيها لأن البروده ونقص الاكسجين يؤثر على سلاسة السياره وقيادتها
وانت لوتلاحظ سيارتك قيادتها في الطائف مثلا ثقيله بينما يزيد عزمها وانسيابيتها في جده
فالتحميه مهمه جدا حتى لوجات النظريات الجديده وقالت عكس ذلك
انت شف سبارات الشيبان يوم تاخذها من بعدهم كأنها جديده لانهن يهتمون ويحمون وتعيش معاك سنين بدون مشاكل. بإذن الله
بينما لواشتريت سياره من واحد بس يشغل ويمشي ولوكانت جديده مالها الا سنتين ثلاث طلعت من الوكاله بتلاقيك رايح الورس كثير وتتوقع ان العيب من السياره وان شركتها سيئه بينما العيب في عدم التحميه وعدم الاعتناء والدعس الجامد.

حمي سيارتك تعيش معك وخصوصا بعض الوكالات كالنيسان والمرسدس لابد من تحميتها.

http://twitmail.com/email/170655488/33/%D9%82%D8%B6%D9%8A%D8%A9-%D8%AA%D8%B3%D8%AE%D9%8A%D9%86-%D8%A7%D9%84%D8%B3%D9%8A%D8%A7%D8%B1%D8%A9-%D9%85%D9%86-%D8%B9%D8%AF%D9%85%D9%87%D8%A7

انظر للتقرير وريح راسك

الموضوع هذا يستند لاراء الاشخاص اللي مايحمون سيارتهم هل تضر ولا ماتضر وانا افدت وحطيت ردي رقم 9
اما يجيك واحد مثل الفزاع وييهايط ويقول جربت جميع السيارات الفارهه والعادي ...الخ ويقول انا دايم احمي والتحميه ضرورية جدا للمحافظة ع السيارة
طيب انت طول عمرك تحمي ولاجربت انك ماتحمي عشان تعرف اذا السياره تنضر او لا

انا كنت مشكك وبعد استخدام 3 سنوات بدون تحمية + عملي كل يوم 200 كيلو
ماواجهت اي مشكلة
طبعا انا عارف ان كلامي ماراح يقدم او يؤخر للي يحمون
لان التحمية اصبحت ارث وتقليد صعب جدا والتحميه تخلي الواحد مرتاح نفسيا يعني الشغله كلها نفسية في نفسية

الاخ m1900m
اتمنى نرتقي ونتعلم ادب الحوار اذا اختلفنا في وجهات النظر فلا نصف بعضنا بصفات لاتليق انا لا اهايط لاعليك ولا على غيرك تكلمت عن تجربتي الشخصيه مع كثير من السيارات وقد اكون اشتريتها عن طريق الاقساط وقد تكون سلف هذا لايهم المهم تجربتي فقط

وانا اختلفت مع اخي ياسر في كلامه رغم انه صديق عزيز علي وقديم في المنتدى ولكن اختلافنا لايؤدي بنا الى ان نخطئ على بعضنا
فاختلاف الرأي لايفسد للود قضيه.
شكرا لك

أفضل شيء ارجع لدليل استخدام السياره موضح فيه كل شيء بالعكس تشغيل السيارات الحديثه وهي واقفه تضر بالمحرك وتزيد من تراكم الكربون اهم شيء لاتنطلق بالسياره بسرعه والسير بهدوء بداية التحرك لعدة دقائق

مشكورين يااعضاء على توضيحاتكم للموضوع

بس ليه تهاوشون الله يهديكم

السلام عليكم

http://www.toyota4arab.com/forum/t175671.html

16. بقلم: أبوندى
مشكوووور على اضافة الرابط

سيارات البخاخ لا تحتاج تسخين ولكن لا تدعس بقوه حتى يحتر المحرك تحرك ببطء ..

من يسخن سيارته 15 دقيقه تحدث عنده مشكله في الشكمان وخاصه نظام الانبعاثات الضاره ...


الحل في وقت البرد الشديد شغل انتظر اقصى شئ دقيقه ثم تحرك ببطء حتى ترتفع حراره المحرك والقير والدفرنش ..

^^ والله يا ستار شكلك ماشفت البرد بالشمال (عرعر) مثلا

ياعمي السياره اول ماتشغلها لها حنه ماتوقف الا بعد خمس دقايق



بعدين اللي يسأل عن حل لهموضوع انا عندي لك حل ممتاز واضمن لك ا

حط اذكار الصباح بجوالك

واول ماتركب السياره افتح واقراها صدقني ماتخلص الا السياره جاهزه

ع فكره الاذكار ماتبي الا خمس دقايق فقط

والله ما خرب سيارتي الا الاستشارات في المنتديات زي كذا لأن كل واحد يشير وهو ليس خبير واظن أن موضوع تسخين السيارة لا بد منه سواء كانت كاربوريتر او بخاخ أما قضية أن كمبيوتر السيارة يسخن زيت المكينة فلا أظنه صحيح بل تسخين زيت المكينة ناتج من حركة التروس والاحتكاك ولا شك أن التشغيل في برد قارس ثم الانظلاق بعد ثواني بسيطة سيؤدي إلى ارتفاع حرارة الاجزاء الداخلية من المحرك بشكل مفاجئ وكبير بينما الاجزاء الخارجية من المحرك ما زالت باردة جداً بل في درجة تجمد وهذا فيه احتمال كبير لحصول شعر في الراس أو تكسر في في السبايك...
هذه وجهة نظر منطقية لأن بالعقل اللي يقول لك اذا سخنت السيارة سيستهلم المحرك والوقود على الفاضي فأقول سبحان الله يستهلك المحرك لتسخين السيارة خمس دقائق ولا يستهلك وهي واقفة والمكيف شغال لفترات قد تصل لساعة أو أكثر!!!