عندك مشكلة في الفورد ؟ تبي حل للعديد من المشاكل ؟ تعال هنا

معلش اخى ايه الثروتل دا ؟

الثروتل هو عبارة عن بوابة تسمح بدخول الهواء ، تفتح مع الدعسه
تنظيف الثروتل كل 50 الف كيلو متر فائده تنظيفه توخر التفتفه وتذبذب الكهرب وعدم ثبات الار بي ام وتسريع استجابه السيارة بحاله دعسة البانزين تحس السيارة خفيفه وشغلته تافهه وغير مكلفه وتقدر تنظفه بنفسك ولا ربع ساعه ببخاخ اي سيدلكو ب 15 ريال قيمته من محلات قطع الغيار واذا بتنظفه عند ورشه راح ياخذ عليك 50 ريال

وترا تنظيفه سهل جدا كلها 4 مسامير بس ويطلع معك،قبل تنظفه افصل البطاريه.
الحراره مالها دخل.
بعد التنظيف احتمال يرتفع عندك الريس شوي الار ام، اصبر يومين ويختفي

اذا بتتعرف اكثر ادخل الرابط او اكتب بالتيوب طريقه تنظيف الثروتل للفور
https://m.youtube.com/watch?v=G2HaTDQWIPc

والله اخى جزاك الله خير انت برنس

العفو اخي الكريم : )

السلام عليكم ورحمة الله وبركاته ي اخوان انا عندي مشكله ولا ادري وش هي بالضبط .. عندي المكيف صار مره يبرد ومره يرطب او يكون هواء مو بارد ع حروره خفيفه ومرات يبرد اذا مشيت ومرات العكس .. ومرات اذا وقفت صار اوك ومرات العكس وعلماً مافيه ريحه مثلاً تطلع من مكيف عشان نعرف المشكله.. علماً ان الفريون مو ناقص والمواصير بارده وسليمه .. وديتها عند اكثر من كهربائي كلهم يقولون مافيها شيء .. والى الان مدري وش العله .. افيدوني تكفون

ع فكره السياره كراون فكتوريا 2012

انا واجهت نفس مشكلتك،،مره يشبك ومره يفصل،،فيه علبه سوداء حقت افيوزات خلف البطاريه،،غير الافيوز حق المكيف وركبه مضبوط،،يجيك فضي وكبير شوي رخيص جدا اضن اقل من 60، ريال، وباذن الله يضبط معاك،قبل لا تغيره اذا فصل عليك انزل وافتح العلبه واضغط ع افيوز المكيف تلقاه يطق ويشتغل.غيره وشوف،، والله يوفقك.

ولاحظت ان المروحه تشتغل ع طول من اول ما اشغل المكيف مدري طبيعي ولا في مشكله

مروحه ايش؟

والله مدري اي مروحه بالضبط بس اول ما اشغل المكيف اسمع صوت مروحه تشتغل ولا تطفى

شيك حساس (الثورمستات) ومكانه في مدخل الثلاجة المكيف من الجهة اليمنى ,,,وهوا مسؤول عن مستوى درجات دوران المروحة ..يعني تخفض وتزود سرعة المروحة عندك في لوحة المكيف سواء الاكترونية او العادية ...اذا تعطل يسبب عطل في دوران المراوح ولا يكون هناك تبريد نهائيأ ...اذا تعطل يا انك تصلحه بجهاز الحام تحصله عند اي محل كهربائي تلفزيونات او تشتريه وسعره 25 ريال مع سلك لحام ..وتلحم الاسلاك في ثورمستات ..ثم تنظفه تنظفه بخاخ اكترونيات وتركبه..وان شاء الله يضبط معك..اذا مانفع الله يعينك تشتري واحد جديد..
معلومة مهمة: لا قدر الله وخرب عندك مروحة المكيف وماعد تشتغل لا تحكم على المروحة المكيف ..شيك على كتاوة المروحة المكيف ومكانه خلف البطارية راح تشوف علبة كبيرة حقة الفيوزات وخلفها تشوف علبة صغيرة وفيها ثنين كتاوة واحد لونه رصاصي وثاني اسود <*****الاسود مسؤل عن تشغيل مراوح المكيف..حاول تفك واحد من الكتاوة في علبة الفيوزات الكبيرة وركب مكان الكتاوة الاسود حق المراوح..ونجرب نشوف اذا اشتغلة المراوح يعني تمام المشكلة من الكتاوة..اذا ماشتغلة معك مراوح المكيف..شيك على ظفيرة مراوح المكييف راح تشوف ظفيرة مقابل المروحة المكيف فكها ونظفها بالبخاخ اكترونيات ثم الهواء القوي ..وايضاً ظفيرة حساس الثورمستات..بس اهم شيء قبل ذالك فصل سلك البطارية الموجب او السالب ..ثم ابدا في شغل..

معلومة مهمة جداً : (الكتاوة بشكل عام لا يتم فحصه عن طريق فاحص الفيوزات كالعادة ) طريقة فحصه وهوا يا انك تمسك الكتاوة بيدك وراح تشوفه حار يعني فيه التمامس ومتعطل ويحتاج الى تبديل...او يكون عطلان ولا يكون حار اذا لمسته بيدك <*****للتأكد غير الكتاوة واحد من اخوانه في علبة الفيوزات الكبيرة وجرب

وان شاء الله تعم الفائده للجميع والكل يفيد ويستفيد

عندي فورد جراند وتركيز 2000 لمبة السقف تشتغل من نفسها كل دقيقتين شوي وتطفي والسيارة طافية أجي الصباح ألاقي البطارية فاضية لازم اشتراك أريد حلا

اتوقع عندك التماس في قاعده اللمبه،، او ان اللمبه مو اصليه،،حاول تشوف كهربائي صح ويشيك ع القاعده،،واحتياط غير الافيوز يجي تحت عند البريك،،او افصله ع شان ماتشتغل ابداً الين تحل المشكله.
تحياتي لك

ياااا ربع الفزعه عندي فورد فقع قلبي كل ما اصلح شيء يخرب شيء اعوذ بالله .. عندي القير كان زي الحلاوه وكنت واقف عند الاشاره .. فتحت الاشاره ومشيت عشق الاول والثاني وجاء للتريحه الثالثه اتوقع فصل .. يعني كانك حاط القير بالـ ( N ) ادوس وادوس مافي الا مؤشر الريس الي يتحرك .. اذا هديت مشى الموتر بس ع التعشيق الاول والثاني وبعدها يفصل ما يمشي .. تكفون ابي اعرف وش المشكله لا يكون ضرب القير

أتوقع والله أعلم فيه فيوز للقير في علبة الفيوزات حرق يبيله تغيير
أو غير فلتر الجربوكس والزيت

ابشرك طلعت كلتشات القير .. ومعوضين خير ( توضيب )

والله اني كنت باقول لك بس ماحبيت اخوفك،الين استشير،،صليت التراويح ونسيت.والله يعوضك خير.شكل السبب حراره والزيت محروق وتهريب؟

السلام عليكم
يا اخوان عندي اكس بدشن 2003
فيه مشكله محد عرف لها فحصته كمبيوتر اكثر من مره ماطلع شي
المشكله هي : اذا شغلت السياره يطفي العدادات الطبلون كله ويولع والرادو يشتغل ويطفى ولمبات السقف كل شي يولع ويطفي كم مره ثم يفصل ويعلق الطبلون وش الحل الله يوفقكم

لا والله ي اخي الفاضل من حراره ولا زيت محروق ولا تهريب .. انا قبل شهر غيرت زيت القير جديد مع فلتر .. وقالي راعي الورشه حرام عليك الزيت جديد بس حرصي الزياده قلت لا غير .. وقالوا لي الورشه الي وديتها الحين ان سبب ضرب القير ان كان عليه زيت ثقيل شوي عن الي غيرته الجديد وصار في فضاوه بالسنون وتكسرت والله يعوضنا .. هذه نهاية الي يحرص بزياده ويسوي فاهم .. وازيد لك من الشعر بيت ( السياره ماشيه 120 الف وتحت ضمان الوكاله وغيرت زيت في ورشه عشان الغلا بالسعر بس .. الحمدلله ي رجل

شباب هل في تمرين للقير بعد توضيبه .. ؟
اذا فيه توضيب كيف الطريقه عشان اتعامل معها .. وشكراً