| جميع الحقوق محفوظة © |

شوركم في إستئجار جمس يوكن من اجل الزواج وشهر العسل

السلام عليكم
أخوي بيتزوج قريب (عقبالكم)
ويبي يستاجر جمس يوكن عشان ينزف على سيارة كشخة.ويقضي شهر العسل فيها
دلوني على مكاتب تأجير سيارات جمس اليوكن في الرياض
وكم أجارها اليومي..؟

الردود (6)
الكل: 6
1.
07:00:12 2013.06.12 [مكة]
بالتوفيق والسداد بإذن الله محلات التأجير واجده واللي تحصل عنده ذيب لتأجير السيارات والسعر بحدود 600 ريال باليوم وان تبي رايي السيارة ماتسوى هل القيمة للزفة وايجارها باليوم يزيدها شوي ويقعد في فندق خمس نجوم أصرف له
2.
08:04:13 2013.06.12 [مكة]
وعليكم السلام ورحمة الله وبركاته مصاريف زايده برايي مالها داعي ممكن يستأجر سياره حلوه مو جمس للزفه وباقي الفلوس يروح فيها عمره او المدينه او يروح شاليه بالشرقيه
3.
عضو قديم رقم 325559
08:13:34 2013.06.12 [مكة]
رئيه الشخصي ؟؟ بس جمس ماتوقع مناسب لعريس ياخذله بي أم ولا مرسدس بانوراما أو لكزس 435 شي حلو إذا وقف قدام باب القصر .. أما جمس أكثر ماشوفه عند قاعات الزواجات يا مع سواقين أو واحد بالش فيه ومضطر موصل عائلته.
4.
11:24:48 2013.06.12 [مكة]
وليه تاخذ سيارة الشهر ب 30 ألف ؟ حرام
5.
08:56:34 2013.12.24 [مكة]
أولا بارك الله لكما وبارك عليكما وجمع بينكما بما يحب ويرضى، ولا أجمل من الصراحة والبساطة، والتوفير ، كما أنت ولا يهمك أحد. اللي عليك سويته وأولمت يكفي، وإذا ولا بد سيارة شوف أخو أو صديق عزيز استعير سيارته ليومين، ويمشي الحال. عني شخصياً أرى أن الأصدقاء يجب أن لا تفوتهم هذه الأمور، فأحدهم يلزمه أن يقدم إقامة في فندق يومين، والآخ سيارة ليومين، وهكذا.. تسير الأمور متيسرة ما هو كل شيء على راس العريس ،، الله يكون في عونه... وبعدين يا اخوان هي في الآخر مسامير يدين راح ترجع لك في يوم من الأيام، يعني قدم السبت تلقى الأحد والا إيه؟؟؟؟
6.
10:36:52 2013.12.24 [مكة]
ونعم الرأي ray1 كلام سليم
أضف رداً
نقاشات مشابهة