السلام عليكم ورحمة الله
سيارتي شيروكي 2001 كلاسيك
قبل شهر غسلت الاديتر وسيخته وغسلت السلندر وفكيت البلف وعبيته مويه مقطر فقط لان العامل نصحني به وقال ابرد للسيارة
المهم اليوم ماشي في امان الله والحرارة متعدية النص بشوي وينفجر الاديتر واغير الطبة اليمنى اللي فيها صرة تسريب الماء شغلت السيارة وترتفع الحرارة والاحظ ان مروحة الشيروكي الكهربائية ما اشتغلت مع العلم انها قبل كانت تشتغل قبل يوصل انبير الحرارة النص !!!!
ياشباب ليش تتأخر المروحة الكهربائية ماتشتغل ؟ وين العلة فيه الله يعافيكم
الكتاوت حقها غيره لأنه بالعاده اذا ارتفعت حرارة الماء تشتغل فوراً
والافضل انك تلغيها وتخليها يدويه بزر من عندك
وركب مراوح مرسيدس او سوبارو
وخلها يدويه افضل
ماقصر أخوي بولد وزيادهـ جربها وراح تدعي لي وتدعي لبولد معي
ركب مراوح ميتسوبيشي قدام الرديتر يعني بين الرديتر والشبك الأمامي ولو أستدعى الأمر
ركب لك مروحتين المراوح تلاقيها بثلاثميه ريال مع التركيب ونصيحهـ لاتركب مراوح صغيرهـ
شوف لك مراوح ميتسوبيشي او مرسيدس وراح ترتاح وبرضهـ شيك على الطرمبهـ ولاتستهين
فيها أنا خسرت مكينة سيارتي بسبب الطرمبهـ حقت المكينهـ بخصوص تركيبها يدويهـ ما انصح
يمكن تنسى وتسهى وتخليها شغالهـ وتجي تشغل السيارهـ وهي طافيهـ ولكن ركب كتاوت
إذا أشتغلت السيارهـ تشتغل المراوح على طول .
أنا كان عدي قراند شيروكي 8 سلندر وبعد ماركبت اللي سبق الحرارهـ ماترتفع عن الربع
إلا إذا شديت على السيارهـ في طعس
سلام عليكم
اول شي مراوح البلد ماتنفع ..
ركب سوبارو .. سرعتين
وركب فصال .. وخل التحكم يدوي احسن لك
يعني متى ماشفت الحراره ارتفعت شغلها واذا نزلت طفا
والاجواء هذي سيارات 2010 حرارتها ترتفع معي الله يعين
ركب مراوح مرسيدس عن محطة ساسكو اللي بعد اشارة العليا باتجاه الجنوب فيه سوري هناك
سواها لواحد من اخوياي على كابرس كانت تطق عنده الحراره حول الاتش
وركب له ثنتين مرواح مرسدس توليف وله الان حوالي 3 سنوات مارتفعت الحرارة حتى للنص ماوصلتها ابد
لا والتكلفه كامله 400 ريال يا بلاش
ركب سوبارو ولاتشاور صدق اخوي مفتاح
يااخوان اللي قد جرب مراوح المرسدس على ( شروكي ) 2001 يعلمنا ..
اخوي بلود الكابريس يفرق عن الشروكي ..
والسوبارو عليه أثبت جدارته .. ومافيه احسن منه للشروكي ..
وكل موتر يصلح له شي
نفس المرواح السوبارو ركتبها على موتر ثاني مافيه حراره بس توصل الربع وابيها تنزل زياده وتفآجأت بأنه صآرت فوق النص دايم ..
فـ كل سيارة لها شغلتها ..
اول شي موترك عادي أو تماتيك ؟
إذا عادي نصيحتي لك تركب تسوي هالخلطه :
1. حساس مرسيدس
2. بلف كابرس (رقم 160)
3. مراوح سوبارو (عدد2) الحجم الصغير
4. رديتر ألمنيوم فاليو رصتين
ركبها وبتدعي لي
لكن إذا كان موترك تماتيك جرب هالخلطه :
1. تركيب مبرد زيت قير خارجي حق كراون فكتوريا موديل (96) لان زيت قير الشروكي يبرد في نفس الرديتر وبكذا تجتمع حرارة الزيت وحرارة المويه في مكان واحد وبكذا تزيد من حرارة المكينه
2. رديتر ألمنيوم فاليو رصتين .
3. حساس مرسدس 65
4. تركب مروحه سوبارو وحده فقط بدال وحده من المروحتين يا أما مروحه المكيف أو الثانيه مانيب متأكد انتظر الاخوان يفيدونك أكثر
وبالنسبه للحراره عندك مشكله المفروض ما تزيد عن النص لكن شيك على الرديتر لا يكون يحتاج تسييخ والمويه بدلها بمويه أصليه
والشباب فيهم الخير والبركه
موفق خير
صار معاي أخوي نفس الشئ ماشي في أمان الله والا احس كان السياره هتنفجر والحراره عاليه ...ووقفت المروحه نهائيا ....الحمد لله رحت للمختص وطلع المشكله بكلتش المروحه فقط انا معاي جيب بليزر 2004 ...افحص سيارتك والله يكون بعونك وعلى مااتذكر كلفتني 1100 ريال ...ان شاء الله أكون أفدتك ولو بشئ بسيط
جزاكم الله الجنة وافكاركم زينة
لكن السؤال الي دابلن تسبدي وش يخلي المروحة تتأخر ماتشتغل كانت تشتغل ابكر من كذا
ركب مراوح سوبارو راح تدعي لي :)
بيع السياره احسن حل ... بدل ما تفجرها بيعها .. لانها كل شوي بتخرب ومقرفه ..
اسئل مجرب .. من جد سياره مقرفه ..
بس للمعلومية ياشباب مراوح السوبارو بتضعف عطاء دينمو البطارية لان بطاريته صغيرة ولا يركب اكبر منها
اهلا اخوي علاء والله الشيروكي سيارة قوية جدا في البر لكن مشكلتها هالحرارة ومتحسف ياخوي اشتري سيارة بذيك القيمة عشان اطلع فيها للبر
اللقافة شينة يازميل
كان تركته على ماهو عليه
الله يرزقك بسيارة احسن منها
بع سيارتك واشتر كرولا نظيفه وراح تدعي لي. الامريكي يجيب الهم والكهربا حقته معقده
الله يجزاكم خير جميعا
فيقارو صدقت ياخوي يقولك في المثل حرك تبلش وانا بغيت ازين الحرارة حستها
الجوال الله يرزقك بأفضل سيارة في البلد الكرولا ماتنفع للي مثلي دايم في البر والا هي سيارة قوية
اخوي انتبه للمروحه الاديتر يمكن تاخذ الهوى من داخل المكينه توديه للاديتر بدل العكس من برا على داخلالله يوفقك بس على العموم السيارات هذي تصلح في دول بارده حنا هنيا مايصلح لنا الى الناقه قصدي الياباني
اخوي انتبه للمروحه الاديتر يمكن تاخذ الهوى من داخل المكينه توديه للاديتر بدل العكس من برا على داخل ا لله يوفقك بس على العموم السيارات هذي تصلح في دول بارده حنا هنيا مايصلح لنا الى الناقه قصدي الياباني
ياراعي الشروكي تبي الراي السديد خذ علم ماجد أبو عبدالله ولا يهونون الحاضرين
كلامه عيـن الصواب وانا باخصن الشروكي وعارفه
وكانك تبي توفر شوي خذلك مراوح مكسيما 97 وكالة سرعتين وادع على من ظلمك
ياخي من الي داعي عليك وخلاك تشتري شروكي ؟!!
شوري عليك بعه والا اقلك انا جايك الحين ومعي بنزين احمر
سارد على واحد فقط كيف تخلي المروحه بزر تقلق نفسك اشبكه مع البطاريه وخلاص اول ما تشغل ادهرت