سوناتا مسروقه

عفوا رقم اللوحه ب ك م 1660

الله يعينك تلاقيك خليت السيارة ونزلت وهي فيها مفاتيح اذا كانت كاش ربي يعوض عليك واذا تاجير الشركة ماتتحمل خطاك بعدين الله يعطيك العافية الى صار صار بس دور في الحارات المشبوهه في جدة السبيل المحروقات او تلاقيهم شباب فحطو فيها ورموها بس انصحك تردد الاستغفار وانت تفكر في سيارتك لعل الله سبحانة وتعالى يرد لك ضالتك

اخوي السياره الوكاله عليها تامين شامل يروح يبدلها غصب عن الوكاله وياخذ وحده جديده بنفس المواصفات انا اليوم ولد عمي طلع يصلي الفجر مالقى السوناتا حقته طلعت الوكاله ساحبينها خله يتاكد ونفس ماقلت لك السياره وكاله ماامنه تامين شامل ضد السرقه وضد الحريق

بس إذا كان الخطأ من صاحب السيارة فعليه العوض يعني تاركها شغاله أو فاتح القزاز والمفتاح في السويتش الله يعينه ويعوضه في خلال اسبوع أكثر من أربع أو خمس سيارات بالمنتدى أقرأ إنها انسرقت الله يستر .. لو فيه نظام حازم كان الوضع افضل بكثير

شكرا لكل من رد على الموضوع وكل من دعى صاحبي بلغني اليوم والله العظيم يقول اللي يلقى السياره له الف ريال طبعا صاحبي عاطل وعلى الله ثم على الضمان وهاذي مقدرته الف ريال للي يتحصل عليها وانا والله على ما اقول شهيد من يتحصل عليها ويبلغنا له مني 1000 ومن صاحبي 1000 (اكيد فيكم الخير بدون تحفيز واي مبلغ لاكن هاذي اكراميه وشكر منه وبالمناسبه بطاقة الضمان بالسياره وبطاقة الاحوال بالسياره وبطاقة التأهيل الشامل بالسياره وبطاقة الوالد لضمان بالسياره وكل ما يملكه راح بالسياره تكفون دعواتكم وحفظ رقم اللوحه ب ك م 2660 لعل تمر على احد فيكم ويبلغنا) اتمنى اي اقتراح او اي شي يقدر يساعدنا فيه يبلغنا وايضا اي واحد لديه واسطه بالشرطه ويقدر يركز على الموضوع ويهتم فيه اكثر يبلغنا لان اكيد عندهم الف بلاغ وممكن ما يهتمو ببلاغنا والله يعين حسبنا الله ونعم الوكيل

شكلي بديت الخبط كمان رقم اللوحه ب ك م 2660 ودعواتكم تكفي

وهل تتوقع انه يبي يخلي الوحات عليها

ربك كريم

الله يرد ضالتك عليك سليمة يارب أكرم الأكرمين.. ويعوضك خير.

الله يهون عليك والله يرد ضالتك عليك سليمة يارب أكرم الأكرمين.. ويعوضك خير.

الله يردها له يااخوان فيه جهاز تتابع لسياره صغير لو تحطه تحت المرتبه بيحدد لك موقع السياره بس حنا ناس غريبين يعني هل جهاز يحل لك مشكله وفوق هذا مستخسرين سعره على انفسنا

ربك كريم وصاحبي الحين منوم بالمستشفى من شهرين دعواتكم له الله قادر يشفيه ويآخذ بحقه من الحرامي

خله يشيك مخالفات ساهر اللي على السيارة ويشوف وين اماكن المخالفات فيه وراقبوا الاماكن اللي حصلت فيها المخالفات ولو امكن صورة السارق

السلام عليكم صاحب السيارة الله يعوضك خير وان شاء الله تلقاه ربما يكونوا شباب مراهقين لهم هدف الله واعلم به لكن خلي بالك وخذ حذرك من شركة التامين راح يعوضك بعد 6 شهور من الحادث خلي معاك مفتاح اسبير للسياره حتي لو تشتريه من برا من اي مكان وروح لشركه التامين وقدم بلاغ السرقه الي سويته في الشرطة مرفق معه المفتاح لااثبات ان الغلطه ليس عليك حتي تستفيد من التامين ولا يحملون عليك الغلط لان لو عرفوا انك خليت المفتاح في وضع التشغيل راح يروح عليك التامين وتتحملها عموما ان شاء الله قدرنا نفيدك واوافق الري مع اخوي xpoldx فكرة معرفة المواقع عن طريق ساهر