| جميع الحقوق محفوظة © |

رايكم في الكاديلاك

السلام عليكم
هلا بكم ،،
أبي رايكم في سيارة الكاديلك ،و الفرق بين الفئات وصيانتها وقطع الغيار .
وهل هي غالية ! بالنسبة للمستخدمه من موديل 2005 الى 2009
وشكراً

الردود (8)
الكل: 8
1.
عضو قديم رقم 230173
13:28:35 2013.02.27 [مكة]
نصيحة هامة جدآ : الكاديلك بكافة فئاتها ، يا تأخذها وكالة ، يا تتركها لغيرك الكاديلك : فخامة - متانة - دلع - راحة - .... قطع الغيار غالية - خراباتها كثيرة - حساسة جدآ - قليل من يعرف يصلحها - مكلفة وتتعب - .... لذلك سوف تعجب بأسعارها كمستخدمة !! على سبيل المثال (السوبربان 2002) و (الاسكاليد 2002) ، السوبربان أغــلى ، مع إن الفخامة والراحة والشكل والداخلية كلها للاسكاليد مجرد رأي <<<<< اصرف النظر عنها
2.
عضو قديم رقم 242945
14:21:40 2013.02.27 [مكة]
زي ماقال اخونا ابو احمد ياتفكها وكالة ولا لاتاخذها ابد والمستعمل اصرف النظر عنه نهائيا خذ لك موتر على قد دراهمك ويعيش معك وقطع غياره رخيص ومتوفر وش لك بعوار الراس والمشاكل هذي نصيحتي لك ....
3.
عضو قديم رقم 306989
14:57:02 2013.02.27 [مكة]
ستصبح صديق الورش ،،، بكل اختصار
4.
01:36:20 2013.02.28 [مكة]
جزاكم الله خيراً ماقصرتوا .. اخونا MIA وش السياره اللي تنطبق عليها مواصفاتك ؟ ((قد دراهمي)) ويعيش و.....
5.
عضو قديم رقم 324080
01:44:55 2013.02.28 [مكة]
مثلاً التويوتا ترا عمرها طويل. كامري أو كورولا أو هايلوكس ونصيحتي تآخذ هايلوكس غمارتين من الموديلات الحديثه راح تعيش معك عمر أطول بإذن الله.
6.
02:01:33 2013.02.28 [مكة]
اخوي ايت نوع الكدلك انواع في السيدان وفي الدفع الرباعي الاسكاليد السيدان اسمة دي تي اس يجي 8سلندر دفع امامي مكينة المونيوم واخر موديل نزل منة موديل96 نفس مكينة الكابرس ودفع خلفي وبعدها جاة النوع السيء الدفع الامامي عيبة مايتحمل الحرارة وغير صالح لاجواءءنا اجواء باريس مانصحك فية النوع التاني الاسكاليد يجي منة نوعين حوض غمارتين او جمس مكينة جبارة 6.2 نفس شاصية الجمس السوباربان ويعتبر افخم نوع واقوى من المكاين انصحك فية بس مشكلة اسعارو فوق ال300الف زيرو من وكالة الجميح
7.
عضو قديم رقم 305451
07:21:09 2013.02.28 [مكة]
ال بي ام صديق الورش المرسيدس صديق الورش الاودي صديق الورش البنلتي ايضا صديق الورش الكاديلاك صديق الورش ثم تاتي النصيحه اشتري كامري وهيالكوس ان كانت ميزانيتك للكامري والهايلكوس فخلك فعلا على الكامري والهايلكون لان مساعد الكامري ب 200 ريال ومساعد الكاديلاك ب 2000 ريال عشره اضعاف القيمه العيب ماهو في السيارات الفخمه العيب في ثقافتنا عنها ياليت اخوي توضح لنا امكانياتك الماديه عشان نقدر ننصحك لكن بقولها لك من الحين تراه مهوب كامري ولا كبارس ولا التيما تراه كاديلاك يعني طبيعي قطعه اغلا من غيره وللعلم هذي مجرد امثله لقطع غياره المساعد 2000 ريال ( سعر تقريبي حسب الموديل بس كلها حول هالرقم ) كراسي المكينه على 350 - 500 الكبوت 3500 الصدام 4500 الفرامل امامي خلفي 500 ريال الراديتر 1500 ريال النور الامامي زينون 3500 ريال النور الخلفي 1700 ريال وانت احكم
8.
11:23:35 2013.02.28 [مكة]
حدد النوع اللي تبيه والموديل وراسلني على الخاص أفيدك من واقع استخدام للكدلك من 1994
أضف رداً
نقاشات مشابهة