| جميع الحقوق محفوظة © |

رأيكم بشركة مزادي لأستيراد السيارات

السلام عليكم اخواني أعضاء مستعمل

حبيت استفسر عن تجارب من تعامل مع شركة مزادي والموجودة بالقرب من مخرج 14 بالرياض
لأستيراد السيارات من امريكا

من حيث المصداقية ونظافة السيارات والحرص على الجودة وسرعة الطلب

فمن تعامل معهم يعطيني رأيه وهل ينصح بالتعامل معهم

لأني ناوي انشاء الله استورد سيارة من هناك
فقلت أخذ مشورتكم بعد التوكل على الله

وإن كان لأحد تجارب ممتازة مع مورد آخر يدلني مشكورا

الردود
نقاشات مشابهة
الكل: 15
1.
03:16:24 2012.08.01 [مكة]
انتظر ردودكم؟؟
2.
عضو قديم رقم 234515
07:18:02 2012.08.01 [مكة]
توكل على الله واشتري من عندهم ابو ياسر رجل يخاف الله
3.
عضو قديم رقم 190855
08:36:43 2012.08.01 [مكة]
انا مريتهم قبل تقريبا سنتين اول مافتحوا عند واحد اسمه عمار طريقتهم رائعه بعرض السيارات وكان نظامهم ترهن مبلغ 15 الف ريال علشان يتاكدون من جديه اللي يسوم لكن فيه عيب انه عمولتهم واجده وياليت تتاكد كم بيحسبون لك الشحن مع الجمرك والعموله هذا طبعا بخلاف سعر السياره بمزاد
4.
10:33:12 2012.08.01 [مكة]
السلام عليكم .. انا والله مااعرف الشركه ولاعمري تعاملت معهم لكن للفايده لك ولي انا مبتعث عسكري رئيس رقبااااء في امريكا والحمدلله ارسلت لاخواني وعيال عمي سيارات ووصلت لهم اذا حاب اني افيدك بالمعلومات والاسعار لاي سياره في امريكا عطني نوعها ومديلها واعلمك كم سعرها التقريبي لين تصل لك انت او اي احد الاعضاء واقدر افيدك بالتقرير عنها مجاني ونوعها لو عطيتني رقم الشاصي لاني عندي برنامج يوضح لي كل شي من خروج السياره من المصنع لغاية البيع .... مجاناً لك ولاي عضو .... والحمدلله نعين ونعاون اذا حاب تشتري من امريكا ولي سعي بالاتفاق بينا وقبل السعي اوضح لك كل شي ومعلومه لي سنه و8 شهور وباقي لي 3 شهور وارجع للديره والله يكتب لك ولنا ولكل مسلم الخير
5.
10:48:38 2012.08.01 [مكة]
مشكورين اخواني الاعضاء جميعا وننتظر باقي الردود للفائدة وياليت من تعامل معهم يذكر قيمة الشراء مع قيمة العمولة
6.
12:28:51 2012.08.01 [مكة]
السلام عليكم ... يا اخواني انا بالخدمه لجميع استفساراتكم علماً بان الان وقت السحور وبعده صلاة الفجر الرجاء الانتباه لفارق التوقيت بيني وبينكم 8 ساعات والمعذره لو تاخرت بالرد ع استفساراتكم او رسايلكم الخاصه لي وحيث أنني أدرس هنا وعندي مدرسه توضيح لكم أذا تاخرت بالرد ونساال الله الخير لنا ولكم وأطلب منكم الدعاء لي ووالديني والله يجزاءكم خير الايميل navy2088@yahoo.com FaisaL ALMUTAIRI
7.
01:17:46 2012.08.03 [مكة]
ننتظر ارئكم بخصوص شركة مزادي
8.
19:37:45 2012.08.06 [مكة]
11 الف مشاهده ولا احد عنده افادة
9.
عضو قديم رقم 250889
13:46:17 2012.08.08 [مكة]
من خلال قوقلتي عن الشركه لقيت ناس تمدحهم ... http://www.mekshat.com/vb/showthread.php?t=310637 وناس تذمهم بعد شراء السياره http://www.qassimy.com/vb/showthread.php?t=441697
10.
19:57:50 2012.08.08 [مكة]
اخوي برهوم جزاك الله خير ا انت نورت لي الدرب فعلا بيع شي غير معلوم مشكلة ما مثل المعارض والصالات حتى لو زاد السعر يبقى الخيار بيدك
11.
21:48:51 2013.05.20 [مكة]
انا شريت منهم راح ثلاث شهور ولا استلمت السيارة نصيحه لا احد يتوهق معهم وعقودهم وسع صدرك والله على ما اقول شهيد
12.
عضو قديم رقم 327584
11:47:32 2013.08.01 [مكة]
اسعارهم بالهبل .. لهم موقع دخلت عليه يارجل مبالغات سيارات سعوديه وانضف منها اقل من اسعارهم
13.
12:06:22 2013.08.01 [مكة]
aljessme شلون تعطيهم 15 الف رهن والا مساهمه ولا كيف
14.
03:07:20 2013.12.19 [مكة]
هج منهم..نصيحة خًذلك من الصالات افضل .
15.
08:19:37 2013.12.19 [مكة]
ما بنصحك تتعامل معهم عمولتهم مرتفعة جداً بالاضافة انهم بيضاعفوا عليك تكاليف الشحن الداخلي في امريكا والشحن الخارجي موفق :)