حتى الوكيل ماعنده حل للمشكله وكيل فلس ( عبداللطيف جميل طبعا )

ياجماعة والله الظاهر بسوي مسايقة على اليارة وبحط مكافاة للي يصلحها

يا شباب اللي يعرف موقع ورشة الشيبان ببريدة ياليت يوصف لي

دمتم بووووووود

اخوي حيادي

نفس مشكلتك واجهتني من اول على كامري 2009 تقطع واحياناً ادعس لها بنزين ولا كأني داعس الزبده اني خسرت عليها تقريباً 3 الاف ريال اواكثر بعد ولا فيه فايده اخر شي طلعت المشكله من الحساس اللي فوق فلتر الهواء مربع اسود صغير كأنه علبة كبريت فتحه لي البنشري ونظفه بكمبريسر الهوا وبعدها السيارة رجعت وكاله واكتشفت ان سبب التعليق كان فيه غبار ورمل شوي كله بسبب مشوار للكويت وكان الطريق مايبين من العج وانا كنت امشي 160 ومبسوط اخرتها دفعت 3 الاف ريال عالفاضي

اخوي فان الله يعطيك العافية على مشاركتك

الحساس اللي تتكلم عنه غيرته جديد من الوكالة ولا زالت المشكلة موجوده

الحين أنا اعرض مكافأة الف ريال للي يعرف مشكلة السيارة

والله على ما اقول شهيد

شباب اللي يعرف كيفية التواصل مع شركة تويوتا باليابان ياليت يفيدني

شباب اللي يعرف موقع تويوتا يعلمني

أخي الكريم الحل بإذن الله متوفر ولكن لاتستهين برأيي أنصحك بكهربائي في مدينة وادي الدواسراسمه مختار إذ أمكنك الحضور للوادي اسأل أي شخص سيدلك عليه ولن يكلفك الأمر أكثر من 500 ريال نصيحة مجرب أو أرسل السيارة غلى شخص تعرفه في الوادي وهذا مالدي والله المستعان

اخي حيادي صارتلي نفس المشكله تقريبا وعجزو عنه اغلب الورش وانا حاس انه المشكله بطرنبه البنزين لاكن صدقت الورش وبعد مده بعت السيارة ولازالت المشكلة موجوده كلمن الي شراء السيارة وقالي وش المشكلة قلت عجزو عنه الورش وانا حاس انه الطرنبه حقة البنزين قال ابغيره يوم غيره وتطلع السيارة احسن من يوم اشريه وصارة من الطرنبه الي هبلتبي

اخوي ابو سليمان انا غيرت الطرمبة مع الصفاي وما تغير شي

مكافأة الف ريال للي يعرف مشكلة السيارة

مكافاة الف وخمس ميه للي يعرف المشكلة

والله ياخوي انا مقدر وضعك

وانت غيرت كل شي ممكن يكون العطل منه

وانا حاب اسالك

1- هل لمبة (الاتشك انجن) مولعه ولا لا

اذا مولعه تبين في فحص الكمبيوتر بس لازم يكون امين الفني الي يفحص
ترى بعضهم يقلك مالقيت شي وفي الحقيقة في عطل

اذا اللمبة ماهي مولعة مايحتاج فحص كمبيوتر لانه ماحيطلع شي

2- هل السيارة وانت مشغلها بدون ماتدعس تتفتف ولا لا

اذا تتفتف ممكن كويلات او بخاخات او بواجي او (طرمبة بنزين وامديهم يفحصونها في الوكالة
باختبار ضغط الدائرة)

3- حساس الدعسة او جهاز التحكم في الدعسة وهذا مكانه عند الدعسة وانت بكرامة

وفية حساس كمية الهواء هذا مهم جدا

هذي بعض الاشياء الي ممكن تسبب العطل




اخوي انت ممكن غيرة الحساس او الطرمبة او الكويل او البخاخ

بس لازم تفحص كمبيوتر وتمسح الخطأ المسجل في الكمبيوتر ولا كانك ماغيرت شي

الكمبيوتر يتعامل معه على انه عطلان

انا باعلمك على حركة تمسح فيها العطل بعد تركيب هذي الاشياء

تقوم بفصل اصابع البطارية حقت المركبة وتبعدها بحيث انها ماتوصل

مدة دقيقتين بعدها اشبك البطارية وشغل السيارة اذا ظهرت المبة فان العطل مازال مستمر

واذا اختفت معناته العطل انتهى

انا والله حاب اخدمك بالي اقدر علية

السيارة لازم تكون قدام عيني عشان احكم عليها



انا مهندس مكانيكي

وحاب اخدمك لوجه لله

اخوي المشكله لديك من الدعسه الالكترونيه والله اعلم

جرب تفصل اصابع البطارية مدة وجيزة دقيقتين ثلاث

انا مع اخوي بحار هي في الدعسة الكترونية اشارة الكهرباء تفصل عن الدعسة

1- هل لمبة (الاتشك انجن) مولعه ولا لا

لا مو مولعة

هل السيارة وانت مشغلها بدون ماتدعس تتفتف ولا لا

لا ماتتفتف بالعكس السيارة صافية بالمرة تحلف ان مافيها شي

مشكور اخوي العنكبوت والله كل اللي تقوله سويته وزيادة ولازالت المشكلة موجوده لحد الان

ولو انت موجود بالرياض انا اجيك بي مكان تبيه انت بس حدد مكانك وانا اجيك

ياجماعة انا مغير الدعسة بالكامل وماصار شي نفس الموال

شاكر لكم جميعا دخولكم على الموضوع والمشاركة فيه الله لا يحرمكم من الاجر يارب

صباح الخير اخوي حيادي

ان شاء الله تلاقي حل عاجل لمشكلة السيارة

اخوي ذكرت في احد ردودك ان السياره جاتها صدمه قبل كذا
ياليت اخوي تذكر لنا تفاصيل الصدمه والقطع الي غيرتها اثناء اصلاح الصدمه وهل المشكله حصلت مباشره بعد الحادث
عندي استفسارات كثير لاكن انتظر ردك
ومانبي منك اي شيئ اهم شيئ تضبط امورك
بالتوفيق

صباح النور اخوي بحار

الصدمة جت السيارة من جهة باب السواق مع الرفرف الامامي

بس الصدمة مو معاي مع راعيها الاول والمشكلة انه شايب ولا يعرف وش المشكلة اللي بالسيارة واللي انا غيرت سبق اني ذكرتها فوق سواء بالموضوع الرئيسي او بالردود


شاكر مشاركتك بالموضوع

عزيزي جرب تغير غطاء تانكي البانزين .....وبالتوفيق