حتى الوكيل ماعنده حل للمشكله وكيل فلس ( عبداللطيف جميل طبعا )

السلام عليكم ورحمة الله وبركاته

اخوي الكريم صارت معي بكامري 2003 تماتيك

بس يمكن مشكلتي تفرق عن مشكلتك مادري بس اللي عندي كنت ادعس اخر الدعسه وامسك خط الموتر كاتم ما يمشي مرات يمشي ومرات ما يمشي والموتر ثفل وديت كمبيوتر والوكاله ولا احد عرف المشكله بالصدفه وانا افتح الاديتر بعبيها ماء لقيت دفع الهواء يجيني من قدام حق الشكمان استغربت خليت واحد من العيال يدعس بنزين واحط يدي على الشكمان اثر الشكمان منسد واروح للورشه ويقصون الشكمان فيه قطع سيراميك حقت عادم متكسره وسدت الشكمان صلحتها رجع الموتر زي اول

اتمنى ان افدتك يمكن مشكلتك غير ولكن الله ييسر امرك

راسل شركة تويوتا
باليابان
لكن ابو جميل هو الوكيل بالشرق الاوسط

طبعا هنا مالك قبيل لو يصير اللي يصير
وزارة التجارة وحماية المستهلك نايمين في العسل

حسبي الله ونعم الوكيل

لاحول ولاقوة الا بالله

الحمد لله على كل حال

والعلم عند الله

طرمبة البنزين

لان مشكلتك مشابهه لمشكلتي بخصوص دعسة البنزين وفجأه تكتم ماتقبل الدعس وطلعت المشكله بطرمبة البنزين مع العلم اني ماخليت شي ماغيرته مثلك تمام بواجي واسامي اول مره اسمعها

مثل ماتفضل أخوي ابوفزاع و أزيد عليها التالي:

1- غير فلتر البنزين بالأول و اذا ما ضبط غير طرمبة البنزين كاملة لأنها يمكن تكون ضعيفه بالذات لو كنت من النوع اللي تخلي التانكي يفضى للأخير و تولع اللمبة قبل لا تعبي
بس ما أنصح بالاستعجال بتغيير الطرمبة لأن سعرها غالي

2- خذلك بخاخ اي سي ديلكو و نطف فيه الحساسات حقه الهوا و البنزين الي تجيك بعد الرامبر
ولو تنضف الثروتل و الثلاجة بنفس البخاخ ما راح يضر بعد
و أنصحك بشده بهالطريقه لأنها سهله و رخيصه وماتكلف و تفيد الموتر ماتضره

3- تأكد من توصيلات الشكمان قد يكون جزء منها مسدود وكاتم الموتر مث ما تفضل أخوي KO7 في رده

و بإذن الله يضبط موترك

أخـــــوك
الشرقاوي86

يسلمو لكل اللي افادوني

والله يجعلها في موازين اعمالكم يارب

ياجماعة حتى الشكمان غيرته مافي فائدة الظاهر لازم أغير السيارة كله

حسبي الله ونعم الوكيل

الله يعوضنا خير ان شاء الله

السلام عليكم اعرف انها مشكله اذا صار في السيارة شي وانت منت عارف وشو ! اذا تقطع او اذا حترت السيارة فجائه تدعس وتتفتف او تطفي ولازم ترجع تشغلها وتشتغل بعد شوي هذي ياطويل العمر بسيطه واهي حساسات المكينه الي تحت روح افحصها كمبيوتر ب 100 ريال ويعطيك تقرير كامل واكيد انه منها

راسل شركة تويوتا باليابان ما عندهم واسطه ولا مجاملات

مشكله واجههتها في باثفايندر 2003 مابقيت شي الا سويته وفي الاخير غيرت كمبيوتر تشليح وضبط لفترة ثم بعته لكن قبل جرب شرائح الكمبيوتر اللي في السيارة هل هي كلها توصل كهرب لان بعض الكمبيوترات تغير فقط بعض الشرائح وكلامي عن باثفندر اقول ممكن والله يعينك

ياخوي علتك كلها بطرمبة البنزين غير المصفي وراح تزبط باذن الله

فلتر البنزين مشكلتك اشترة ورح للوكالة واطلب منظف بخاخات اسمة لكوي مولي (الماني) تحصلة في محل الاكسسوارات في معرض الوكالة غير الفلتر وحط المنظف ثم فلل بنزين وامسك خط امش 180 عشر دقايق ثم راح تدعيلي

المشكله مو بالفلتر أنا مغيره مع طرمبه البنزين ولا صار شي

اليوم اشتريت كويلات وبخاخات من التشليح ويجربهم على السيارة وبشوف وش يصير

راجع الخاص

حسبي الله ونعم الوكيل

والله يا ناس ما بقي الا أغير المكينة والقير

الله يعوضنا خير ان شاء الله

الاخ حيادي

هل اذا دعست بنزين السياره تحسها تكتم وتتفتف بقوه والا تحس انها تطفي مرره كانها فصلت دعسه البنزين

اذا كنت واقف عند الاشارة وصارت الاشارة خضرا وجيت امشي بالسيارة ما تقبل الدعسة ادعس خمس او ست مرات بعدين تقبل

والله أني ماخليت احد الا وديتها له المشكله ان السيارة جديدة وممشاها قليل جداً

لاحول ولا قوة الا بالله العلي العظيم

رجعها الوكالة ولاتستلمها الا لين تتصلح مضبوط مازالات السيارة تحت الضمان بس ودها لفروع كبيرة مثل فرع لكزس اللي بالعليا

المشكله انها كانت عندهم فرع العليا بس المشكله ان السيارة جايها صدمه من اول والتغا الضمان من الوكالة