بسم الله الرحمن الرحيم :
انا سمعت عن تجارة شراء سيارة وبيعها في معارض السيارات يعني (شريطي) من جربها وحس بربح لان هي اسهل من فتح محل او شراء ارض لكن اللي بعرفه كيف اشتري سيارة وابيعها بسعر زيادة واكسب الف او الفين او خمس مية كيف الطريقة من جرب منكم وكسب يعلمني ابي ادخل بهالمجال وشكرا لكم والله يفتح للي يعلمني ابواب الرزق
تنجح بشرطين
تبخس سلعه البائع
وتكذب على المشتري
وخذ ارباح عاليه
وتعاسه دنيويه
ابتعد عنها افضل
من ارذل العالم هم شعب الشريطيه
ليه هالتحطيم انا مو قصدي العب على الناس اشتري واتكسب فيها بمبالغ محدودة الف الفين
ماعليك منهم توكل على الله بس بشرط انك تتعامل بالصدق لاتكذب ولا تغش خلك صادق في كل شي واذا تبي الأبراء للذمه لاتشتري الا النظيف مره لأن كل يدور النظيف ، والله يرزقنا وياك وجميع المسلمين
السلام عليكم
يالغالي يبيلك خبره كبيره في البودي والمحركات هذا اولا..
ثانيا ترى ماعاد فيها مكتسب مثل اول .. اول كنت تشتري النظيف وتبيع نظيف والناس تدفع.. الحين النظيف قلييييل والناس صارت ماتدفع والسيوله قليله ومراكز فحص الكمبيوتر صارت تطلعلك اشياء تافهه ماتعتبر خراب وتنفر الزبون وتتعب مابعت ولذلك انصحك نصيحة اخ صادق ترى تجارة ااسبارات فيها لعب كثير وغش وغرر انت في غنى عنها فاحذر وابتعد عنها وتراني ناصح لك وربي يوفقك ويعوضنا وانت خير
ياشين هذه التجارة لان فيها فتنة حلف( قسم بالله) لك الله عنها لان أغلب الشريطية يحلفون
تاجر في الجديد اشتري سيارة جديدة .. بس اقتنص العروض مثلا للياباني ... او الامريكي او الكوري .. يعني السيارات الشعبية وبيعها كاش بعد العرض بسعرها الرسمي يقل منه شي بسيط .. تعين خير .. أو قسطها على ناس ثقة .. بس بالنسبة للامريكي احذر من عروضه وقعت في سيارتين موديل هالسنة والله انها مصدية من اسفل وصناعتها حسب كرت الانتاج شهر فبراير 2013 وماقدرت اصرفها الا بكل كلفة بعد معالجة الصداء بوكالة الجميح الله لايوفقهم والسيارات واحدة من ولاية تكساس والاخرى من انديانا .. لكن الباقي مشيت امورها الحمد لله .. وانا صريح في عرضها مع الناس .. طبعا تحتاج معرفة اسعار السيارات في كل شهر وبالذات الشعبية منها لاتقتحم في الاسكاليد والافلانش وطقتها .. خليك على التاهو والسلفرادو واليوكن والكامري والكورولا والياريس والهايلكس والالنترا والاكسنت والانوفا والجيوب .. برضه من تويوتا بس على خفيف .. ولم يسبق لي ان عرضت بهالموقع لوجود الزبون الجاهز من دائرتي الاجتماعية والحمد لله ... باختصار كون لك قاعدة معرفية مستهلكة وقادرة على الشراء وتحب التغيير .
اشتغل الشغل ماهو عيب اشتر بس ابعد عن المصدوم مرشوش وربي يرزقك ابحث عن المكسب القليل والله يوسع لك برزقك
ياشباب كل واحد يدور رزقه، تجارة السيارات تجارة مربحة بشرط تكون صادق وامين
حتى تكون شريطي محترف:
لازم تكون وصخ
لازم تكون غاسل وجهك بمرق
وتكون كذاب وحرامي وبايع دينك وامانتك
ابتعد عن هذا المستنقع حتى لو بدأت نظيف ستنجر الى الوحل بحثاً عن الربح.
تعوذ من الشيطان وأمسك القاع ولاتطير بالعجه مع اللي ينصحك بالشغله
منت ناقص ذنوب , وترى أغلبية الشريطيه اللي ربحوا الله ماوفقهم تجده بخيل
حتى على نفسه والرسول عليه السلام تعوذ من هذه الصفه والبعض منهم
فقد أبناءه .
اترك الشريطيه رح لأصحاب المعارض تجده مليئ امراض او وجهه ممسوح منه
البركه خسر دنياه واخرته وش فايدة الدراهم .
(( الاّ مارحم ربي ))
(( الاّ مارحم ربي ))
(( الاّ مارحم ربي ))
نذكر يا اخوان بعدم التعميم دائماً
ونذكر أيضاً بأن ذلك قد يدخل في باب الغيبة أو البهتان والعياذ بالله
وقد تتحمل وزر كل شريطي اتهمته أو بهته بشيء ليس فيه
ملاحظة :
والله ما كتبت ذلك إلا للتذكير حتى لا يقع احدنا في المحظور وهو لا يدري
أو لا يلقي بال لمثل هذه الأمور ..
ومن باب الدين النصيحة ..
تحياتي للجميع ودمتم بود ،،
اخوي لاتفكر انها سهله الا اذا تبي
تحلف على الكذب
تغش المسلمين بكذا تربح
اذا صدقت راح تخسر اصلا هم قايمين على الكذب والتدليس
والنظيف صح غالي والغالي ماتاخذه الناس
الأواكس
نعم نغفل ولكن الحمدلله لدينا أخوه مثلك
ذاكرين ومذكرين فجزاك الله ألف خير
بقلم بروزاك
بارك الله لك في نفسك ومالك وأهلك
بروزاك ..
ولك بمثل إن شاء الله
والله يرفع قدرك
وأسأل الله تعالى لنا ولك ولكل الأعضاء الكرام جنة عرضها السماوات والأرض ..
خلاص ماراح اكون شريطي مبين انها تخوف وصعبة وفلوسها مو حلال ابعد عنها احسن