| جميع الحقوق محفوظة © |

تاهو او يوكن او اكسبدشن !!؟؟؟

السلام عليكم ورحمة الله وبركاته

"ما خاب من استشار، ولا ندم من استخار"

أخوكم يحب يستشيركم في موضوع شاغلة وهو :

أنا نويت أشتري سيارة جديدة بعد أن تعبت من البحث عن سيارة مستعملة نظيفة وكما تعلمون فالحال من بعضه لأجل تشتري سيارة جديدة لابد من قرض والله يعيننا على القروض والله المستعان

أنا إحترت بين الثلاث سيارات التالية :

اليوكن (جي ام سي) 140 الف تقريباً كاميرا وتشغيل عن بعد وحساسات.

التاهو (شيفروليه) 134 الف تقريباُ كاميرا وتشغيل عن بعد وحساسات.

الإكسبيدشن (فورد) عليه تخفيض من 136 الى 116900 ريال تقريباً حساسات ومثبت سرعة ولون واحد وليس لونين.

أخوكم بيأخذ إعادة تموين وخلوها على الله

ويبي منكم نصيحة وين يروح!!؟؟

والله يحفظكم ويرعاكم ويجزيكم بالإحسان إحساناً وبالسيئات عفواً و غفراناً

يوكون
تاهو
إكسبيدشن
الردود (19)
الكل: 19
1.
عضو قديم رقم 306894
21:53:49 2013.04.18 [مكة]
رايي تاهو افضل من اليوكون حتى في البيع
2.
22:27:45 2013.04.18 [مكة]
والله اللي اسمعه ان الجمس افضل من الشفر في البيع وان بغيت نصيحتي انتظر يقولون بيتغير شكها ان بغيت هذا الشكل فبينزل سعره وانت بغيت تكشخ بالشكل الجديد
3.
عضو قديم رقم 83240
00:58:43 2013.04.19 [مكة]
اليوكن والتاهو اخوان والخشة تختلف الفورد حلو وقوي لكن ما يمسك قيمة وعلى قولهم ( التاهو الي شروه ما تاهو )
4.
17:06:45 2013.04.21 [مكة]
أشكر الشباب على آرائهم وننتظر المزيد من الأراء
5.
08:53:46 2013.04.22 [مكة]
يوكن/ تاهو : سمعة عريقة و سيارة جيدة من حيث المبدأ لكن مشاكل في الوكالة من ناحية الصيانة ، و في أحيان قليلة عيوب مصنعية كبيرة....لم المجازفة؟ سيكويا : سعر مرتفع ، تجهيزات بخيلة مقارنة بالأمريكيات بالسعر نفسه (سيكويا ستاندرد تجيب بقيمته تاهو / يوكن أو اكسبيدشن وسط) بعدين مشاكل مثبت السرعة التي تظهر كل يوم و الثاني أكسبيدشن: سيارتي العزيزة من 5 سنوات تقريبا....عقبال 50 سنه! كمالك أنصح بالأكسبيدشن و بقوة....
6.
13:24:45 2013.04.26 [مكة]
جزاك الله خير يا غندورام كلامك حِكّم
7.
عضو قديم رقم 319018
17:52:11 2013.04.26 [مكة]
ابعد عن الشفروليه والجمس خلك عالفورد ابرك واوسع وارسى ومايتفكك.. واذا انت تبي تشتري برغبه الناس علشان اذا بغيت تبيع اقول الله يعينك لان سوقنا فاشل سواء بالسيارات او غيرها.. خلك عالفورد ماخاب ظنه من اشتراه..
8.
15:33:23 2014.01.31 [مكة]
احد عنده 2006‏ او 2005 طويل للبيع في جدة او الطايف الي عنده يراسلني خاص
9.
19:46:50 2014.01.31 [مكة]
عندي اللي افضل منها جميعا وفكر فيه مضبوط سكويا .
10.
00:10:36 2014.02.01 [مكة]
عندي اكسبدشن 2008 ولا ارغب بتبديله صحيح شكله من الخلف غبي .. لاكن عملي وانصحك تشتري مستخدم بيكون رخيص .
11.
15:01:06 2014.05.10 [مكة]
في الاول والاخير القرار قرارك وكل سيارة لها محبينها ومميزاتها بالنسبة ليا اخذت لي سوبربان والحمدلله مبسوط عليه لانها عشقي وانت شوف وين اللي تروق خاطرك وتوكل علي الله وربي يطرح لك البركة باللي تاخذها ان شاء الله
12.
عضو قديم رقم 364804
15:57:47 2014.05.16 [مكة]
نصيحتي انحش من التاهو واليوكن اقصد 2014 الاكسبيدشن افضل بكثر شوف رابط اختبار التصادم وانت الحكم مقارنة بين التاهو والاكسبيديشن http://www.youtube.com/watch?v=-ZJaIRMOYa8
13.
عضو قديم رقم 364804
16:02:11 2014.05.16 [مكة]
نسيت اقول لك انا اشتريت تاهو ال تي 2014 على الزيرو وحصلت فيه اربع مشاكل 1-صوت طنة بالفرامل = تم تغيير الباكم بالوكالة على الضمان 2-الكمبرشن عالي فوق الواحد وغير ثابت = الوكالة المعفنة الجميح يقولون طبيعي 3-عداد البطارية مفترض 14 وهذا جديد على العشرة=الوكالة يقولون طبيعي 4-ام المشاكل بالخط تنسيم وهواء كأن الموتر مافيه جلد ابواب = الوكالة يقولون جيب لنا سيارة ما فيها تنسيم الموتر بعتة وهو ماشي 1100كم والحمد لله ربي رزقني على قد نيتي لان الدبل انقطع من السوق وارتفع سعرة بالمعارض وماخسرت فيه الحمد لله وتووووووووووووووووووووووووووووووووووووووبة واللي ركب الفورد ما يعجبة غيرة
14.
23:54:49 2014.05.16 [مكة]
ارشح اليوكن التاهو ما يعجبني شكله وكذلك الأكسدبشة
15.
عضو قديم رقم 306894
00:13:37 2014.05.17 [مكة]
اخوي اليوكن والتاهو زي بعض .. بس يفرق الاصطبات والشبك فقط .. وانا برأيي التاهو اجمل ..
16.
08:26:12 2014.05.17 [مكة]
اليوكن والتاهو للبيع مستقبلا الاكسبدشن للصيانة الجيدة وفي كل الاحوال لا تشتري الا دفع رباعي
17.
03:26:42 2014.06.14 [مكة]
السيارات ارزاق اكسبدشن روعة بس انا جنني وبعته بخسارة كبيرة الحمدلله بس كرهت عالسيارة وعمري مااشتري فورد فكاوريا حتى قطعها زخيصة لكن اخيل كل شهرين لازم تغير جلب وخرابيط للاصوات الفورد رخيصة ومريحة للسايق لكن قلق تحياتي
18.
13:45:59 2014.06.14 [مكة]
خذ اكسبديشن و لن تندم
19.
13:58:33 2014.11.20 [مكة]
انا مجرب السيارتين نصيحة اخ ابعد عن الشفر والجي ام سي تراها من اخبث السيارات واسوئها على الاطلاق وجودتها رديئة جدا جدا الكوري والله افضل منه بكثير . الاكسبدشن ملك السيارات الامريكية واقواها على الاطلاق وتكرف اكثر من باقي السيارات الامريكية . عندي اكسبدشن 2007 ماشي فوق ال 300 الف وماشاء الله وردة . وخذ لك معلومة التاهو والجي ام سي في عز الصيف وانت طالع الهدا في الجبل يسخن وانت فاتح المكيف ولو ماسكرت المكيف تضرب المكينة فورا . اما الاكسبدشن لايعرف الحرارة ابدا .
أضف رداً
نقاشات مشابهة