اهل الخبره التكيات طلع فيها صوت وش تنصحوني فيه

وين اهل الخبره

فر على كم ورشه واسال عن المشكله وسو نفسك ماتعرف شي اذا تطابق الكلام مع بعض توكل على الله

ما يطلع صوت التكايات الا عندما تضعف طرنمبة الزيت فلا تستطيع ضخ الزيت للاعلى فنصيحتي لك ان تغير طرنبة الزيت اولا فاحتمال ذهاب الصوت 90 بالميه .ثانيا انا غيرت تكايات جمس يوكن 2007 ثمن طقم التكايات 900 ريال واجار تركيبها 400 ريال...ملحوظه اشتر قطع اصلي من الوكيل ..اما الورش فاسعارها متفاوته شف لك واحد متخصص بالامريكي وسعره مناسب والافضل الهنود والفلبيني

قبل تغير تكيات شفلك ورشه خلهم يفكو الكرتير لين فكها بتشوف الصفيه تبع طرمبة الزيت ممكن وصخانه وفتحات الصفيه مقفله انا صارت معي بكيا ونظفتها وراح صوت التكيات اما ظعف في طرمبة الزيت لازم تولع لمبة الزيت اما اذا ماكانت تولع معنها طرمبه سليمه المشكله في الصفيه ويسمونها شخال

صبحك الله اخوي نديم .... زي ماقال اخونا ابو جاسر بالضبط ... صوت التكايات من ضعف طرمبة الزيت ....اول شئ غير طرمبة الزيت وهي رخيصة بس شغلها غالي ... وبعد كذا بيخف معك الصوت مره ... وطال عمرك ... انت في مخرج 26 ... عندك ورشة البيان ... عند ممشى الفريان ... بجنب مدارس الثغر ... ممتازين بس غاليين .. بيقولك شغل يد اذا كان دبل ( 1800 ) ريال .. واذا كان بدون دبل في حدود ( 1000 ) ريال ... او رح لورشة شجاع ... بعد اشاره مطعم زمزم ...وانت على شارع حمزه ... اول محطه تجيك على يمين ... اسأل عن الفلبيني ( ري ) ممتاز جداااا ... ورخيص اسعارهم .... مررره ... بالتوفيق لك .

الف الف شكر يا اخوان والله ماقصرتو على الفائده هذه بيض الله وجيهكم كلن بسمه

عندي مداخله انا قبل فتره صارت لي نفس المشكله سيارتي تاهو ورحت لورشة المشعل طريق الامام امتداد مخرج 9 وصلحها بدون قطع غيار راعيها سعودي دايم جالس فيها والعماله فلبينين انصحك فيهم وبالتوفيق

الله يجزاك الجنه ووالديك

السلام عليكم في نقطة مرة مهمة وهي نوعية الزيت لازم تكون خفيفه اعتقد انها 5/30 او كل فترة بتصلح والله اعلم

السلام عليكم في نقطة مرة مهمة وهي نوعية الزيت لازم تكون خفيفه اعتقد انها 5/30 او تلقاها على غطى الزيت او كل فترة بتصلح والله اعلم

نعم نوع الزيت مهم ارجع لكتلوج الوكالة