| جميع الحقوق محفوظة © |

اللي عنده حل مشكلتي مع وكالة كيا يتفضل

السلام عليكم
ياخوان قدر الله واشتريت كيا سيراتو 2013 وكاله من المعرض وبعد مشي 5000 كم وجدت الزيت نااااقص تقريباً علبتين وذهبت بها وكالة كيا وبعد التشييك قالو مافيها شي!! بس غيرو زيت ولمعو المكينه وقالو شيكنا على السياره وضغط المكينه سليم %100 ! فهل يعقل ضغط المكينه سليم والزيت ينقص علماً أنه نقص مره ثانيه أيضاً علبتين عقب تشييكهم الكذاب والله ياجماعه قهر السياره جديده وعقب مارحت لمدير المنطقه ارسل مدير صيانه المنطقة وشيك وقال المكينه فيها شنبر!
الآن وش العمل هل اشتكي على وزارة التجاره؟ وهل وزارة التجاره تجبرهم انهم يغيرون لي السياره أو يركبون مكينه جديده؟ علماً انهم الحين فكو المكينه بوضبونها كيف سياره جديده وتتوضب المكينه ماتتغير
وش الحل ياجماعه أرجوكم اللي عنده خلفيه عن الموضوع يوجهني توجيه السليم وله دعوه بظهر الغيب
الله يرحم والديكم

الردود (8)
الكل: 8
1.
22:26:47 2013.10.22 [مكة]
بسيطه ان شاء الله لكن السالفه يبيلها شوية تعب وصبر. عندك حلين. الاول تقدم شكوى للشرطه وتتحول للمحكمه او تختصرها وتسوي صحيفة اقامة دعوى من موقع وزارة العدل وتطبعها وتوديها للمحكمة وبعد عشرة ايام تكون اول جلسة لك مع القاضي والله يعينك عليهم
2.
عضو قديم رقم 339107
22:31:01 2013.10.22 [مكة]
حبيبي بلغ وزاة التجاره والله انهم اقوى وزاره صدقني يغيرون السياره انت مو عارف انهم قفلوا وكالة ايسوزوقبل شهر
3.
23:25:03 2013.10.22 [مكة]
لا ترضى بأقل من سيارة جديدة ، لأنه شيء يقهر سيارة جديدة ويوظبون مكينتها ، ارفع عليهم دعوة وخذ حقك في وزارة التجارة .
4.
05:35:12 2013.10.23 [مكة]
بارك الله فيكم جميعاً ببلغ وزارة التجاره والله يعين لعل وعسى تتجاوب معي في حل المشكله
5.
07:02:25 2013.10.23 [مكة]
قهر فعلا سيارة جديدة وتتوظب الدباب يمشي اكثر من كذا ولا يطلب توظيب انا كل من استشارني بخصوص اقول اهرب اذكر اثتين واحد اول سفره له مامشت 35الف وتنفقع المكينه هههه ويجي بباص هو واهله ماكملوا السفره والاخر جا من الرياض وهو راجع انقعت المكينه ايضا اخرين تركوها بالصناعية واقفه لها خمس سنين اخر تركها عند بيته وبالاخير باعها سكراب لتشليح ب1000ريال الان الصيني افضل بمراحل من كيا ناس يقولو نفس قطع هونداي لا والبعض يقول شف ماليه الشوارع سيارات لسواقين كيا جاري معه ووظبها مرتين واخ ومن 10 يوضبونها 7 وتعرفون سواقة الاجنبي حبة حية
6.
13:06:04 2013.10.23 [مكة]
اتصل على الشركه في دبي وبتنصفك
7.
21:25:07 2013.10.24 [مكة]
الله يعين
8.
13:26:41 2014.07.22 [مكة]
هذا الزيدي وش يقول
أضف رداً
نقاشات مشابهة