السلام عليكم ورحمة الله وبركاته ما ادري صراحة هو ملعوب علينا بكيفنا ولا غصب عنا..! دخل مغامرة شراء سيارة جديدة ، بحثت ودرت ودخل في مقارنات ومفاوضات عديدة سالنا اهل الخبرة والتجربة واهل العلم والصنعة ، كل يقطك في شعيب وترجع منه بدون جواب يشفي الغليل ، او يجعلنا عن القرار نميل، تقلبت بين انوع الخيارات في السيارات العائلية بين هوندا وفورد واستقرينا على سلوم ربعنا عند جنرل موتورز بحثت في النت عن الاسعار عند ماما امريكا لقيت الاسعار فيها اختلاف لكن قلنا يمكن وكيلنا يتعب يجيبهن سباحة ولا شايلهن على ظهره ، وقصة الضمان والصيانة الي مثل بيض الصعو الي تسمع فيه ولا تشوفه ؛ قلنا ميخالف يستاهل خله يتكسب وترزق الله من دم هالضعوف ( المواطنين) .....! كل الي فات كوم وممكن تجد له تبرير وتصريفة وهالمسألة الي عيت تدخل مخي ، انتم معي يا جماعة ولا لا؟؟ وقت البحث والمقارنات في الاسعار والمواصفات لقيت شيء غريب وهو ان فرق السعر بين اليوكن والتاهو من نفس الفئة يتراوح بين 1000 $ الى 1500 $ بعملة الامريكان يعني بين 3000 ريال الى 5000 ريال بعملتنا الطيبة الذكر..! تروح لوكيلنا الطيب الذكر وتسأله عن الفرق بين اليوكن والتاهو من نفس الفئة يقول لم بين 15000 الف 18000 ريال كيف ؟؟؟ طبعا في كل الحالتين الغلبة لليوكن الشعبي ...! لكن ليش هالفرق وين عيون الناس ؟؟؟ معقولة يزيد في سعر اليوكن بدون سبب، هل اليوكون عندنا ولد اصل وفصل والتاهو مهوب معروف اصله ولا القضية استغفال الناس والضحكة عليهم..؟؟؟ فيه احد لاحظ هالشي ولا بس هي هواجس اتعوذ من ابليس واكل تبن واشتري وانا ساكت؟؟؟ مثلي مثل غير