| جميع الحقوق محفوظة © |

السياره تطففي فجاءه !!

سلام عليكم ورحمه الله
ياخوان عندي سياره كرولا موديل2007 قير اتماتيك
وانا امشي بالخط تجلس تتفتف واحينان بس اوقف
عند اشاره او اي شي تطفي من نفسها!
طبعا غيرت بواجي وغسلت سياره بستم وغيرت صفايه حق بنزيل اللي تجي تحت المرتبه ونفس شي
ونظفت البخاخات ودخلته كمبيوتر بس بدون ايت فايده احد عنده حل الله يجزاكم خير

الردود
نقاشات مشابهة
الكل: 10
1.
03:36:33 2015.12.22 [مكة]
وعليكم السلام ورحمة الله وبركاته تأكد من اسلاك الكويلات الموصلة بالبواجي .. امكن معدومة وماتوصل للبواجي عشان كذا تقطع وبالمرة نظف بوابة الهواء الثروتل ... هو ماله ومال التفتفه ولكن مايقبل الدعسة ...
2.
04:03:48 2015.12.22 [مكة]
مثل ما تفضل الاخ/ وسيط2007 لكن بالكويلات نفسها الكويلات افحصها عند كهربائي واذا انت تعرف لها او تقدر تختبرها ممتاز جدا عشان توفر قيمة الفحص مو صعب فحصها هي غاليه شوي بحدود 170 ريال الاصلي وكاله للكرولا من 2007 وتحت (طبعاً الحبه) والثروتل مثل ما تفضل الاخ بنفسك تقدر تنظفه وما اعتقد له علاقه بالتفتفه لكن بتلاحظ فرق بالدعسه خصوصاً اذا كان مو نظيف وفي اشياء ثانيه تقدر تسويها بنفسك سهله نظف حساس الهواء ببخاخ الكترونيات من بعيد بدون لمسه من الداخل و فلتر الهواء انفخه بالهواء قبل تنظيف الثروتل والحساس افصل اصبع البطاريه السالب طبعاً اللي ذكرت لك من باب العنايه فقط مشكلتك والله اعلم من الكويل واعتقد من جلدة الكويل اذا فيها قطع بسيط تهرب كرب وفي اختبار بسيط انا قد سويته ولكن ممكن يمشيك يوم يومين فك الكويلات اذا لقيت قطع بجلدته لف عليها شطرطون وجرب لكن لاتعتمد عليه مع الحراره يذوب وترجع المشكله (عن تجربه) فك غطاء المكينه فيه مسمارين من الامام ارخي المسمارين شوي ويطلع الغطاء وتحصل الكويلات كل كويل له مسمارين اسف على الاطاله..
3.
13:09:49 2015.12.22 [مكة]
وممكن يكون نفس الكويل الموصول بالبواجي مصدي أصلا .. غير قطعة الجلدة هذا سبب رئيسي للتفتفه اللي بالسيارات
4.
18:42:17 2015.12.22 [مكة]
ممكن خزان البنزين سقط شيء بداخله حاول تنظفه أعانك الله
5.
17:25:34 2015.12.25 [مكة]
هلا والله اشكركم ع ردودكم رحت اليوم عند كهربائي وفحص الكويلات حق بواجي يقول لي تمام مافيها شي غير واحده خربانه بس ويقول لي يمكن من الحساس حق الهوائ غيره .. وانا بخيت اول ببخاخ ايسدلكو ع حسااس وسلكت شووي بس لما اشغل مكيف تبدا ترجع بنفس الخراب
6.
04:01:02 2015.12.28 [مكة]
أولاً/ غير الكويل العطلان ثانياً/ غلط تبخ الحساس ببخاخ ايسيدلكو الحساسات لها بخاخ مخصص لها يباع بساكو اسمه سكلو نوعيه ممتازه وفي نوع انا استخدمه لتنظيف الالكترونيات تلقاه بمحلات قطع غيار التبريد اسمه المنظف التلامسي CRC او أي نوع لا يحتوي على نسبة زيوت ثالثاً / غير الكهربائي (ماعنده سالفه) شف غيره وممكن عندك خلل في الدينمو (ضعف) متى اخر مره غيرت فحماته ؟ خلي الكهربائي يفحص الدينمو
7.
22:34:22 2015.12.28 [مكة]
#hassan-55 والله ياخوك مافهم بسيارات كثيير بس بروح صناعيه وغير الكويل وجرب البخاخ اللي في ساكو ورد لك خبر تحياتي لك
8.
00:08:39 2015.12.29 [مكة]
ترا سهل تغييره بس انت عرفت العطلان أي واحد؟ انا يوم خرب علي واحد منهم قلت ياولد مره وحده غيرهم جميع وارتاح والحمد لله غيرتهم بنفسي وما اخذ مني ربع ساعه ذكرت لك بردي السابق كيف تغيرهم وسعر الواحد بحدود 170 او اقل بقليل والحساس أولاً افصل اصبع البطاريه السالب وفكه كله مسمارين وطلعه برا وبخ من بعيد ببخاخ الالكترونيات لا تلمس او تنظف داخله بيدك انا لا لقيت فرصه صورت وشرحت لك ان شاء الله بالتوفيق ان شاء الله تعالى..
9.
00:57:13 2016.01.05 [مكة]
الله يوفقكك ويسعدك والله ي اخ حسين بس اليوم نزل راتب وبروح اشيك بكرا صباح وبعلمك وش يصير
10.
10:23:53 2016.01.16 [مكة]
عندك طرمبة البنزين دفعها ضعيف لهذا السياره فيها تفتفه وتطفي وغالبا مع المكيف افحص ضغط لطرمبه وبتعرف هذا الخلل