استفسار: اي السيارات المفظله في السوق السعودي

قبل 10 سنوات

السلام عليكم ورحمة الله وبركاته

اخوكم مهدي العامري من الامارات ، عازم ومصر ان ادخل السوق السعودي بإذن الله خاصة في بيع السيارات والسبب اعتقد ان السوق السعودي افظل سوق في دول الخليج ، سؤالي
1- ماهي افظل السيارات المرغوبة في السعودية وعليها طلب مستمر وقطع غيارها متوفر الخ ......
اتمنى ان تكون الإجابات بالترتيب مثلا
السيارة المرغوبة رقم 1 تويوتا لاندكروزر من موديل كذا الى كذا.

وشكرا وجزاكم الله خيرا

استفسار: اي السيارات المفظله في السوق السعودي

إعلانات ذات صلة

عندك سيارات ومركبات؟
الكل: 10

الله يوفقك يااخوي
بخصوص اللاندكروزر هذا عندكم ماشاء الله لان حكامكم عازينكم
الله يخليهم لكم
اما بخصوص السيارات بالسوق السعودي
كرولا وكامري وفورد واكسنت والنترا هذي 80% من السيارات اللي نشوفها بالشوارع

ويفيدونك الاخوان وحسبي الله على حكام اسبانيا

تريح وانا اخوك , ملعوب عليك

شكرا على ردودكم يااخواني

اول كان الشباب يشترون السكراب من عندكم 83 و 86 و 90 95 وبعد ماحدوهم ما يشترون من برا اقدم من 5 سنوات علشان ينجبرون على الوكالات الي يملكها س من الناس
فيشترون اليارس والكورلا والافيو والان الصيني واذا كلش كشخ فورد استخدام امريكي

اما الرنج والتاهو و الاودي والجاكوار والبي نشوفها في التلفزيون او عندكم ..؟

باختصار السيارات المفظله في السوق الياريس والاكسنت وتاتا و ديير وجيلي الصينيه

عضو قديم رقم 162038
قبل 10 سنوات و5 أشهر
5

لاتجي السوق السعودي الا اذا بتبيع تاجير منتهي بالتمليك او اقساط هذا اذا عندك واسطه علشان الترخيص

غيرها لاتجي الشعب مطفر وتقريبا محد يشتري كاش الا نص في الميه

نص في المئة
يقصد اقل من واحد في المئة
مو 50%

واشوفه بالغ بعد

تعــــــــــال قلي كم راس مالك ؟؟
لين نعرف ندلك زين !!

اللي يرد يتكلم عن نفسه ، الرجال يبي نصيحه من منطلق تعاونو على البر والتقوى .
اللي قاعدين يردون مدري وش يبون بالضبط !
اذا احد منهم محتقر نفسه ولاقدر ينفعها بشي رجاء لا تردون باسم احد غيركم والظاهر (البعض) اصلا من اللي يدسون السم فالعسل.
عزيزي صاحب الموضوع الله يحييك في بلدك الثاني اول شي لازم تعرف ان مايدخل السعوديه في السيارات الخصوصية الا آخر 5 موديلات.
الشي الثاني السوق السعودي بحر على المستوى العام وعلى مستوى المناطق تقدر تقول اللي مايمشي في الشرقيه اللي هي اقرب لك يمشي الجنوبية .
أنصحك تتخصص بسيارت العوائل سواء جيوب التويوتا والنسيان او الامريكي او غيره.
حط في بالك الشريطيه يهمهم البدي سليم واوحو للعامه ان اهم شي البدي حتى لو على حساب المحركات.
زي ماقلت لك حاول تخصص في نوع معين افضل او نوع واذا بالك وسيع فالسعودية بحر وأسواقها كثيره .
موفق خير اخوي ومرحبا فيك و اذا تبي نتواصل اكثر الله يحييك.

الهونداي والكيا تقريباً الآن متربعة على عرش المبيعات حسب وجهة نظري ثم الأمريكي ثم تويوتا هذا بالنسبة للأفراد ، بخصوص الشركات أتوقع تويوتا لها الحظ الأوفر في مبيعاتها ، بخصوص الموديلات السوق السعودية لا تقبل دخول موديلات أقدم من خمس سنوات ، بالتوفيق .

مشكورين ياخواني. الله يعطيكم العافيه.

أضف رداً جديداً..