ارتجاج السيارة في الخط

اللى رصص لك ما رصص لك صح.
يا اما الكفرات فيها انبغاج فى حوانبها او تسطح فى محيطها و هادى لا ترصص و استعمالها خطر عليك و على سائقى المركبات الاخرى.

و فد تكون الجنوط مطعوجه و لو قليلا لا تلاحظه العين.

و هادى لازم تغير لان اصلاحها صعب و لا اظن احدعندنا يعرف او عنده الاجهزه اللازمه.

اسبباب الرجه اتوقع من الجنط نفسه يكون معوج حتى لو عوج بسيط يرج السياره سواء الي قدام او خلف ... السبب الثاني تاكد من الكفرات انها ماهي محبله..
غير جنطين قدام و كفرين جداد وشف الوضع ماتغير رغير الي قدام حطهم وراء وشيل الي ورا
بالنسبه للترصيص مايسوي الرجه الي تقول عليها نهائي الرجه الي تقول عليها مختلفه رجه غير طبيعه رجه قويه والله اعلم

طيب انا مستغرب ان الرجة ما تجي الا اذا اسرعت !
وش السبب؟

الاغلب من الكفرات تكون منفخه ونت ماتشوفه بلعين المجرده التنفيخ يكون في وسط الدعسه
الشي الثاني الرجه ايذا دعست بريك يكون من الهوبات يحتاجن مسح او الكفرات تبي ترصيص او من الاذرعه

ممكن بناية المحرك غير مشدودة تمام يعني حجم المحرك يرتج حسب زيادة السرعة

اما لعيب من اصلها او ممكن في مرة اخذتها مستودع الاصلاح و ما ضبطوها بعدين

و الله اعلم

كل هذي كاشف عليها

بس باقي الاذرعة ودي افحصها

ما اظن من المحرك

لأن الحالة بدأت معي بعد ما غيرت الكفرات ، ونسى العامل يرصص الكفرات ، فبدأت الرجة وتطورت ، فسويت ترصيص وزانت اشوي لكن عند السرعة ما زالت موجودة بقوة

الغالب انها من الكفرات تاكد يمكن تكون مخزنه وقديمه
شوف واحد في الترصيص يكون جيد ويتاكد من الجنوط ايضا
وشيك على عمود الدوران

لالا صارت معي وانهبلت وغيرت وخسرت فوق الالفين
اخر شي طلع الكفر محبل خخخخخخخخ وغيرته بكفر جديد 270 ريال وخلصنا
رح لاقرب بنشري وقوله يفحص الكفرات وسلامتك.

الرجة اذا من الدركسون فقط معناه المشكله من الكفرات او الجنوط تحتاج ترصيص ارضي
اما اذا السياره كلها ترج معناه من كراسي المكينه او عمود الكردان يحتاج ترصيص
خذ العلم الاكيد

ترصيص ارضي وتروح ان شاء الله

بالنسبة لترصيص الكفرات يسبب رجه على سرعة معينة وعند زيادة السرعة تختفي الرجة ...تحبيل الكفرات أو طعج الجنوط يعرفها من قام بالترصيص لو كان فاهم وتوضح معك لو شفت الكفر وهو يدور في مكينة الترصيص .
الأذرعة رجتها في أوضاع معينة مو مثل ماهو حاصل معك ...
عندك كم شغلة شيك عليها أتوقع ما يخرج السبب عنها وكلامي لو سيارتك دفع خلفي أما الدفع الأمامي فكلام ثاني :
أول شغلة والأهم هو عمود الدوران ينفك ويتركب على المخرطة ويدور ويبين .
لو سليم تشيك على الصليبات ولو سليمة تشيك على قطعة يسمونها الفلنجة بين الدفرنس والعمود بس إن شاء الله ما توصل لها وعندك بعد شي يسمونه البنيون داخل الدفرس بس ما أنصح بفكه أبدا لأنه نادر من يعرف يركبه .
بالنسبة للدفع الأمامي فوزن الأذرعة يسبب رجة بعد أكثر من الدفع الخلفي وعندك العكوس والبيرنقات في الدفع الأمامي ...
لو طلع السبب شيء مما ذكرته فلا تنساني من دعوة .

يمكن الكفرات مو اصليه

اكيد الكفرات عن تجربة

اكيد سيارتك افيو ولا يارس

جميع الردود على العين والراس
يا استاذنا العزيز خذ رد الاخ رقم 10 وغير عمود كردان وافحص كراسي المكينه وكرسي القير وتروح باذن الله الرجه ولا تخسر نفسك زياده

اكثر مشاكل الرجه اما ترصيص او خرط هوبات او عمود الكردان وبنسبه لكراسي المكينه مالها دخل برجة السياره لان الكراسي ترج وقت الوقفه وانت معشقها بدي
اما بالخط مراح تاثر بسياره

يجب ان تكون المكينه وعمود الدوران بخط مستقيم واذا تقطعت جلد كراسي المكينه تنحرف المكينه عن موقعها وتسبب ميلان في عمود الدوران واثناء السرعه العاليه التي تبدأ من 80 كم تبدأ الرجه وتشعر فيها في بدي السياره ولا تستطيع تحديد موقع الرجه
ومن اسباب رجة عمود الدوران او كما يسمونه عمود كردان
صليب العمود
كرسي القير
كراسي المكينه
طعج في نفس العمود

المشكله كانت عندي
ف النترا 2010
المشكله تكون ف الاثنين
المقصات او الجنوط
نفس الششيء


اي عفط بصيط ف الجنط يسوي ميلان ف الممشا و اذا زاد السياره تبدا على سرعه 120 تلعب تناقز يمين و يسار

و المقصات شيك عليها ف اكثر من ورشه
و اذا طلع سليمه غير الجنوط
و على قصه التحبيل ف الكفرات مجرد يحيل الكفر تحبيل بسيط و اسرعت فوق 20 ينفجر عليك و يخربلك الاشياء الي حوله و منها الجنط و الصدام و الجلد الي حوله

أخجلتموني بتفاعلكم
الحقيقة اني ارغب بتغيير كراسي الماكينة والكشف على عمود الدوران
ايضاً اكتشفت ان الترصيص الاول تعبان وسويت ترصيص من جديد وزانت الأمور كثير الحمد لله