ولدي استقال من عمله ومحتار

0540419609 مشروع مناسب قائم ومربح

خطاء تقله بعطيك و دورلك مشروع لو انا مكانه و سمعت انك بتعطيني ذا النبلغ بترك العمل و اجلس على ضهرك المفروض تخليه و تلزمه بعمله اثناء المشروع حتى يكون له دخل ثاني ل احتياجات المشروع مو يجيك يقلك نقصني و احتاج و كذا تنمي عنده الكسل يصير يعتمد عل فلوس المشروع او عليك و اي شيء يحصل بيلتفت عليك

وعليكم السلام ورحمة الله وبركاته ,, الله يبارك لك في ابنك ويحفظه لك ويطرح لكم الخير يارب , اخي الفاضل : اقدم لك بعض النصائح من اخوك الصغير .. وان شاءالله تكون في مكانها : 1- عدل الأمر من منح ابنك مبلغ 200 الف ريال ك مساعدة له في مشروعه إلى مشاركة حقيقية بينكم انت بمبلغ 200 الف وهو ب 50 الف ... ويعمل بالمشروع بنفسه . 2- يجب عليه العمل بالمشروع بنفسه من اصغر وظيفة لاكبر وظيفة بالتدرج حتى يتقن الشغلة 3- المشروع المناسب هو المشروع الذي تتقنه انت او يتقنه إبنك .. فلا تحاول تأخذ معلومات عن مشاريع من الناس وانتم لا تعرفون اسرارها . 4- رأس المال المطروح للمشروع هو 250 الف ريال وحسب الحسبة الاقتصادية يجب ان يكون رأس المال الفعلي للمشروع هو : 85 ألف ريال بشكل مبدأي .. لكي تتمكنوا من الصرف على المشروع حتى يقف على رجله وكذلك ك مساندة للمشروع في فترته الاولى . 5- تدوير الربح مع رأس المال .. وهو عدم انتظار اي عوائد من المشروع في الفترة الحالية . 6- جميع المشاريع ناجحة وبأي مكان وبأي زمان .. ولكن تحتاج دراسة عميقة للسوق وكذلك معرفة اسرار المشروع كاملة لكي تتمكن من الاستمرار فيه والله يوفقكم يارب

اذا كان يبي الشغل الحر يفتح سبر ماركت في موقع شغال اوحركة مستمرة على الموقع اذا عندة صبر في الجلوس فيها بيعين خير انشاءالله وجميع طلابات البقالة تجية عند حدة والله الموفق

بارك الله فيك اخوي وسيط كلامك اباخذه بالحسبان

لا اخ امنيات الشغل عليه وانا مساند له واجبني الاخ وسيط بالنقاط اللي وضحها لي الله يجزاه خير

خليه يجيني وابشر بعزك ولا تعطيه الا 100 فقط والباقي انا وانت شراكه تدعي لي باذن الله لكن يحتاج عماله باكستانيه او يمنيه شرط كل موقع من 2--3 نببي 2 في البدايه باذن الله تذكرني بالخير

أخوي الفاضل ... اذا لم تعمل في التجارة من قبل فلا تدخلها إلا ومعك تاجر ذو خبرة بالشراكة ( بالمال والجهد ) لا تروح في شيء منت فاهم فيه وتتورط ..

ليش ترك الوظيفه خله يدور وظيفه ثانيه وشد ظهره مع الرجال

شكرا لك اخي العالم انا عاذرة عمله متعب حتى الاجازة ما فيه وعلى شي ما يحمل والموفق رب العالمين

بارك الله فيك ابو فيصل كلامك بالحسبان

السلام عليكم انصحك يجرب بالغنم مبديا بمبلغ بسيط من فلوسه انا خالي متقاعد وتوه بدء يشتغل فيها صار مايجلس من الشغل اللي شافه وفيها حركه وتنشيط ومكسب وفوق ذلك تخليه يترك السهر وينام بدري معلومه ناس من جماعتنا صار تجار ومعروفين بفضل الله ثم الغنم والبقالات ممتاز بس احرص ع الموقع والعماله الكويسه والله يوفقه بس انصح انه يشتغب بوظيفه اضافه للشغله الحر زي ماقالو الشباب

الروايات القصيره / ويطبع له كتاب بلبنان ويبيعه عندنا بذا فلوس / والقصص كثيره عن الابل عن الغنم عن الظبان والجرابيع وسرعتها لاشافت احد يلحقها

عندي فكره بالدعاية والاعلان

اخوي لاتوهق مع الولد في المبلغ دفعه واحده ترا الشباب ماعليهم مركا يقول ابي اسوي وسوي وكله شهر ومخلي الشغله بضهرك وتبلش فيها انا اقترح عليك ايذا ناسبك المشروع الي تتفق عليه انت وياه بعد استشارت المختصين تشوفله شغل بنفس الاختصاص يشتغل مع صاحب محل براتب او بلاش لين يتعلم او تشوف هو يصمل اولا اسبوع يقولك مايصلحلي الشغل الله يوفقنا وياكم وكل مسلم