| جميع الحقوق محفوظة © |

لكم عندي مشروع رهيب

السلام عليكم

لكم عندي مشروع رهيب وفيه مخاطره بس محسوبه

المشروع هوا تجاره بطاقات شحن الجوال

مشروع رهيب ودخل عالى

تكلفه المشروع اقل شي خمسميه الف ريال مبدئيا

عدد الموضفين اثنين مندوبين مبيعات موثوق فيهم

تشتري كروت الشحن من شركات الاتصالات بالجمله وتوزع على السوبر ماركتات بالاجل وفي اليوم الثاني تحصل المبلغ المباع وتعيد توريد المحلات بالكروت بالاجل وتمشي عجلت المشروع بهذي الطريقه

نتكلم عن الدخل

بالحسابات البسيطه الميه الف تكسب في خلال يومين خمسميه ريال علي اساس المكسب هوا نصف في المئه وهذا هوا المبلغ المعقول لربح والمتداول بين الناس في هذا النوع من التجاره وراس المال موجود ويعاد تدويره مره اخرى

يعني كل يومين ونت كسبان خمسميه ريال صافي يعني الخمسميه الف ريال تكسب الفين وخمسميه ريال صافي كل يومين ورأس المال يسترد كل يومين ويعاد تدويره

مبلغ النصف مليون ريال تقريبا يغطي احتياجات خمسه وعشرين سوبر ماركت من كروت الشحن
يعني السوق مفتوح امامك للتوسع في التجاره من هذا النوع

اذا حسبنا الدخل في الشهر يكون (( سبعه وثلاثين الف وخمسميه ريال))

اذا حسبنا الدخل في السنه يكون (( اربعميه وخمسين الف ريال ))

طبعا مبلغ كبير مقارنه بالتجاره في شراء العمائر وتأجيرها والتكلفه اقل


ان شاء الله اكون قدمت افاده في مشروع مخفي وغير واضح لبعض الناس


اخوكم ابو خالد

الردود
نقاشات مشابهة
الكل: 12
1.
04:41:06 2011.06.13 [مكة]
يعطيك العافية من اين نأخذ البطائق وكم تحسب سعر الشراء من المصدر " اقل سعر " وسعر البيع للسوبر ماركت نبغى ارقام وامثله الله لا يهينك
2.
عضو قديم رقم 244342
09:16:48 2011.06.13 [مكة]
ياخي المكسب في البطاقة هي عشر هلالات فقط في بطاقة فئة عشرة ريال جميع انواع الاتصالات . والي يقهر بالواحد انك لو اشتريت بعشرة الف بطاقات والا مئة الف نفس المكسب يعطيك عشر هلالات . وبعدين منهو صاحب البقالة الي تبغى تدينه مئة الف والله بتجلس تردد الين يرجع لك فلوسك . وشكرا
3.
10:11:27 2011.06.13 [مكة]
المعروف ان اصحاب البطاقات يعطونك خصم 10 المئه لاصحاب البقالات وهذا عن تجربه لكن الدفع فوري للمندوب
4.
11:22:46 2011.06.13 [مكة]
هلا يالغالي جابها ابو فيصل 1383 المندوب يعطي 10% من قيمة البطاقه اذن انت خسران بهذه الحاله راتب وطلع وندر وخسران من راس مالك اسال كيف تستخرج البطاقه وكم سعر الشراء 10 % هذا لي ولك بس غيرنا يعرف من وين ياكل لحم الكتف
5.
عضو قديم رقم 219224
14:42:26 2011.06.13 [مكة]
يا شباب انتبهو قد صارت قضايا نصب كثيره من حقين بطاقات سوا وابحثو بقوقل وشوفو انا ما اشكك بالرجال ولا اعرفه اساسا بس اقوله لكم للحذر فقط
6.
14:56:39 2011.06.13 [مكة]
بالنسبه للبيع فهو نقدا وليس اجل لانها منتجات سريعه الاستهلاك ومرغوبه الاخوه من يعرف من اين نحصل على البطائق ياليت لايبخل علينا ويفيدنا والارزاق على الله
7.
03:21:07 2011.06.16 [مكة]
السلام عليكم اشكر الاخوان على الردود والنقاش في الموضوع انا أطرح موضوع فيه تجاره قائمه ومكاسبها ممتازه .. عشره في المئه مبلغ جيد جيدا انا طرحت في الموضوع خمسه بالمئه مكسب كل يومين وبنسبه الى الخمسه في المئه والعشره في المئه ممتازه الاخوان الى يسئلو عن مراكز بيع البطاقات اكيد عند الوكيل بالجمله ياليت احد عنده خبره في هذا الموضوع .. يعطينا التفاصيل اكثر .. انا ما اشتغل فيها لاكن فيها مكاسب كثيره وممتازه وحبيت اطرح الموضوع لكم في المنتدي للنقاش
8.
عضو قديم رقم 296512
03:48:55 2012.03.13 [مكة]
موضوع فعلا يكسبذهب وعن تجربه انا كنت اشتر بطايق موبيلي من شخص يشتر يهم جمله ويبعهم لي جمله اوكي يعني ارقام كنت اخذهم عشر بطايق هي بقيمه 100 ريال بس هو يبعهم لي ب 95ريال حتى لو اخذ الف بطاقه نفس الشئ بس انا كسبانه لاني ابيعهم بالكليه ب 11 ريال المهم هذا راعي البقاله يوزع لاغلب المحلات يجوى عندها وبنفس السعر وكاش مافي اجل المهم انا سئلت وكان نفس اعرف بكم يشريهم عرفت انها عنطريق كفيلها ماخذهم من الوكيل واتوقع ان ياخذ العشر البطايق ب 90 والله واعلم بصراحه ومن خبر متواضعه مكاسب البطايق روعه وخاصه فئه الميه
9.
06:16:28 2012.03.13 [مكة]
ياجماعه انا اشتغل فيها والموضوع سهل يعطوك قيمة الف ريال بطايق اي نوع وفئه بتسعمائه وخمسين ريال يعني معاك في الالف خمسين ريال وانت وراس مالك فمثلا انا اشتري بعشرة الف ريال بطايق متنوعه حسب رغبة السوق وفي كل الف معاي خمسين ريال فائده اخذ البطايق واوزعها على عملائي واعطيهم عشيرين ريال فائده في كل الف يبيعها ويبقى لي 30 ريال فائده صافي يعني اطلع 300ريال في العشرة الالف بس ان البيع يتاخر اكثر من اربع ايام وانا انزل لعملائي اجل وهنا مخاطره فلو ضاعت علي 3بطايق ابو ميه صرت خسران من راس المال وهنا المشكله حبيت اوضخ لكم بالتفصيل وادعو لي
10.
عضو قديم رقم 257975
07:15:59 2012.03.13 [مكة]
حط في بالك نقطة مهمه لو انت سعودي ماراح يشتري منك الا اذا لقيت سعودي شغال في سوبر ماركت الهندي له مندوب هندي مخصص للبطاقات وهم الجنسية الاغلب في السوق في قطاع السوبر ماركت ومن سابع المستحيلات يشتري لامن سعودي ولا من غيره اساسا حط في بالك كل محل سوبر ماركت لهم مندوب خاص يتعاملون معاه بعدين وين العمارة اللي قيمتها 450 الف ؟ ابيها : ) مابي منها عوائد ماليه
11.
14:05:40 2013.02.14 [مكة]
اذا حسبنا الدخل في الشهر يكون (( سبعه وثلاثين الف وخمسميه ريال)) من وين على حسبتك جبت 30 الف بحالها المكسب على حسبتك 7500 بالشهر وهنا اضرب 500 ريال كل يومين × 15 يوم بالشهر = 7500 ريال بالشهر
12.
14:08:27 2013.02.14 [مكة]
بالنسبه للي يسالون عن البطايق من وين تجيبها تجيبها من القسم التجاري بالشركه على ان يكون لديك سجل مؤسسه ولا زم تاخذ ما لا يقل عن 2000 بطافه تدفع رسومها كاش يعطونك 10% خصم وهكذ