كم تكلفة انشاء سوبر ماركت كبير

اقل شي 600 الف ريال

اهم الشي يكون الايجار مناسب قبل أي شي وبالنسبه للموقع اختار أي موقع في وسط الاحياء السكنيه المكتضه وأكرر عليك الايجار هو الطامه الكبرى وهو الي بخسر المشروع ويربحه لا تروح تضرب موقع يكون راعيه مايرحم حاول تأخذ ارض من البلديه او اذا تقدر تأخذ ارض تستثمرها وتبني لو دور واحد مايكلفك ايجار 4 سنوات عشان تريد مشروع مستقبل اما الايجار فيكون عادتا مشروع مهدد..اذا امكانيكاتك محدوده لا تتهور وتاخذ موقع كبير وايجار كبير ستكون مهددد باي لحضه

حياك الله والجميع
الإيجار هو العائق الأكبر.
الموقع مهم
الحركة مهمة
أما الأغراض فلا مشكلة ، قد تأخ من المردين وتعطيهم آخ الشهر وهكذا ويرحبون بذلك.
اليد العاملة أيضاً تكون أمينه وإلا لا فائدة.


انتبه من قاعدة هامة::

الآن أصبح الناس يحبون يكشتون لداخل المدينة للمولات الكبيرة التي بها أيضا أسواق كبيرة تموينية مثل مجمع الرمال مخرج 17 بالرياض ، فيه اكستر .. إيكيا ... هايبر بندة ... ساكو ...فينف الموقع
هناك أيضاً بانوراما ، فيه مئات المحلات ، وفيه الدانوب فيها التموين بالكاملوالكماليات ...فخذ بالك من هذه الناحية ، وهي (((أكرر))) أن الناس يحبون التمشية والتنزه فيهبون للمولات الكبيرة حج وبيع مسابح .. يعني أخاف أن يكن السوق عليك فقط للحاجات الضرورية والطارئة ، أما المقاضي التينية الأسبوعية أو الشهرية فقد يأخذونها من أماكن أخرى سواء كونها أرخص و لكونهم يريدون التمشي والتسدح والتقهوي والتبطح هناك ، وهذا الحاصل فعلاً.

فادرس الأمر مرة أخرى واستخر الله

ماقصرتوا وبيض الله وجيهكم
بالنسبة للموقع عندي ارض على شارع تجاري 1000 م
وناوي ابنيها صاله وافتح المشروع
بس ودي اعرف التكلفه للمشروع

افضل مليون مره من ان تستاجر المبنى دور واحد مايكلف اسئل مقاول ويجيب لك الخبر
عندك ارض تجاريه اذا موقعها جيد افضل من موقع اجار ممتاز

شكراً لكم

اعرف صديق فتح سوبارماركت مكون من 8 عمال
دخل ممتاز بعد اكتشف نهايه السنه انه مسروق من العماله وقفل السوبارماركت

العيوب المحاسب يسرق اذا ماتجي كل يوم تشيك على الفواتير

انا احيان اروم سوبارماركت اشوف المحاسب ما يمرر الاغراض على المكينه وهنا تكون السرقه

يوميا انت تتقضى فيه حاجات ما تجيبها السيارات شغلتها شغله يبيلها واحد متفرغ

الله يعينك من الحين التموينات ارحم تقدر تجرد وتطلع الناقص السوباركت ما يمديك تجرد بتمل

تحتاج الى محاسب سوداني امين وهو الي بيمسكلك الشغل ووقتها ما يقدر اي عامل يلف ويدور بالتوفيق