| جميع الحقوق محفوظة © |

قرضي من وين اطلعه

السلام عليكم
اخواني علي قرض من الراجحي
وابي اسدده
واستخرج قرض ثاني

جات في بالي

الانماء
الامارات

الامارات
يسددون بدون اي فوائد نهائيا على التسديد
ويعطون الى 22 راتب تقريبا

والانماء نسبتهم الاقل بين البنوك
لكن لا اعلم كم راتب يعطون وهل يسددون
القرض السابق

اللي له علم يجاوب سلمكم ربي

الردود
نقاشات مشابهة
الكل: 9
1.
22:44:21 2013.04.10 [مكة]
الانماء مصيده النسبه تزيد تدريجيا
2.
عضو قديم رقم 94884
23:14:18 2013.04.10 [مكة]
الله يسهل امورك
3.
00:04:27 2013.04.11 [مكة]
بنك الاستثمار النسبة 1،79 وخدماتهم راقية جداً وبنك الجزيرة حلو ودائم خدماته حلوة وعلا مدار الساعة ويردون بسرعة ولا فية زحمة والايداع شغال علا طول والأخير وأنا أخوك كمل أقساطك لين تخلص ويتحرر راتبك ،، اللة يفك دينك الفلوس لو مليون تروح بسرعة فكر بلاقساط وكم يأخذون وإنتبة للقسط المتزايد كل ماجتك زيادة خذوها
4.
01:06:21 2013.04.11 [مكة]
الله يغنيك عنهم كلهم والله ياخوي لي 20 سنه قرض ورا قرض وكلها مع الغبار بدون فائده جرب راتبك كامل فترة وشف كيف يتغير حالك انشاء الله تراها عامل نفسي اخوي المستفيد الاول البنك ولا اعتقد تحصل فائده من القرض ابد حتى لو شريت عقار ولا بيت خسران واحسبها حسبه محاسبيه علميه وغير هذا حرامها الله اعلم اكثر من الحلال فيها موفق خير
5.
04:12:51 2013.04.11 [مكة]
المشكله ان عندي كم قسط اضافي ابي اوحدها بقسط واحد يعني شهريا 2400 ريال تروح مني ابي اوحدها بقسط واحد فقط
6.
عضو قديم رقم 326252
04:59:25 2013.04.11 [مكة]
نصيحتي لك أنتبه قرضك لايكون ربا بنك الامارات وغيرها يقول نعطيك السلعه رز أو حديد أو ألمونيوم وهم يكذبون فيعطونك مال بمال وهذا هو الربا
7.
08:15:30 2013.04.11 [مكة]
بشوف سلعتهم وش هي شكلي باخذها اسهم وابيعها بنفسي
8.
عضو قديم رقم 24711
10:21:49 2013.04.11 [مكة]
اخي الكريم شراء المديونية بين البنوك انت الخسران وبنك الامارات يعطيك تمويل بدون تحويل راتب ومشكلته النسبة الكبيرة جدا 5.5 غير تحملك رسوم التحويل الشهري من بنكك الى بنك الامارات ولهم شرط في الراتب انا وجهة نظري دورك واحد من اللي حولك يساعدك على سداد المديونية وخذ تمويل مره ثانية وهذي الطريقة تكون باقل الخساير ( تر فيها خسارة بعد لانك دفعت للبنك ارباحه المستقبلية بسدادك المبكر - طبعا البنك بقول حنا بنتنازل عن جز من الارباح عند السداد المبكر - طيب تنازل عنها كلها اللي اقصده اخذة فايدته والي اسدده مبكر ليه تاخذ فايده عليه - مالك في الطويله وانحش من الشريطية اللي يقولون نسدد مديونيتك انا اتصلت على واحد قال ابي 7000 ريال واسدد مديونيتك وتاخذ تمويل جديد وترد فلوسي وهي شرعية ونبيعك ددسن والله ما شفت الددسن والعملية تتم بنص ساعة ( كلام فاضي ) وللمعلومية مؤسسة النقد وجهة البنوك من بداية الاسبوع الماضي بأن الحدى الاعلى للتمويل 18 راتب فقط وانا اتصلت بالاهلي وبالبلاد والهولندي ونفس النتيجة 18 راتب من بداية الاسبوع الماضي وخذ التلفون وافتح الانترنت وكلم خدمة العملاء بالبنوك المختلفة وحاول انك انت بمساعدة زملاء او اخوانك تسدد المديونية وتطلب من البنك الافضل نسبة تمويل جديد وعط اللي خذة منه فلوسه واستعن بالله ترى الله ييسرها من حيث لا تحتسب
9.
10:43:53 2013.04.11 [مكة]
الراجحي الرحيد اللي يعطيك 22 راتب كاقصى شيء والامارات نسبتهم 2،5 ثابته بدون رسون اداريه واذا بدون تحويل راتب شرطهم الراتب 15000 فاكثر