شخص كتب لي شيك بدون رصيد والبنك رفض

نعم كلام الموظف صحيح 100%
لان الشيك غير مفتوح التاريخ ولذلك الشيك مكتوب بتاريخ معين
ممكن الان مافيه رصيد بالبنك الان لكن عند الموعد اكيد بيكون متوفر المبلغ ....
عموما لا تسبق الاحداث ممكن الرجال معه عذر وثلاث شهور مده طويله ....
مافيه احد يصرفلك الشيك ولا النظام يسمح بصرف الشيك لان الشيك مكتوب بتاريخ معين .........
في حاله اذا تم صرف المبلغ بالبنك بالموعد المحدد
واذا ماصار فيه رصيد ترفع عليه قضيه في المحكمه الجزئيه بالمطالبه او السجن ....
انتظر لا تسبق الاحداث
موفق خير ان شاء الله
.

الأيام ذي ما ينفع إلا الكااااااااااااااااش

أو التحويل المباشر لحسابك

وريح نفسك .... لو تروح مقر الإدارة الإقليمية لنفس البنك وتشتكي

الاخ ماجد ابو عبدالله
اسف جدا ولاكن الشيك يعتبر اداة صرف فوري حتى لو كان تاريخ الشيك مؤخر لعتبار الشيك اداة صرف وليس سند مؤجل ويمكن التاكد من ذلك عبر اكثر من جهه ماليه ومنها الاداره الاقليميه للبنك المعني او مؤسسة النقد وهذا كلام مؤكد
وكلام موظف البنك خاطئ ويمكن لصاحب الشيك الصرف في حال توفر المبلغ مباشره
وفي حال عدم وجود رصيد يمكن طلب اعتراض والرفع به

اخي لا يمكن للبنك اعطاءك ما تطلب الا بعد حلول موعد صرف الشيك حسب الاتفاق والمدون على الشيك

اخي الكريم بما انك اتفقت مع صاحب الشيك على الصرف بعد ثلاثة اشهر وانت عارف ان الشيك مؤجل.

ليش تبي تصرفه الحين ؟


ليش تبي تشتكيه الحين وانت عندك علم ان موعد الصرف بعد ثلاثه شهور ؟

المؤمنون على وعودهم.

مادامك مستعجل على الصرف او الشكوى ليه تقبل بتاريخ مؤجل اصبر ويسر على المسكين فان الله مع الصابرين

اخي ابوعبدالاله كلام الأخ ماجد صحيح البنك مايعطيك ورقة اعتراض الا بتاريخ الشيك وبعدين ترى الشيك مشكلة حتى عليك انت الآن لأن مجرد اخذك للشيك وانت تدري ماله رصيد يعاقب عليها القانون ومادامك وافقت تاخذ الشيك بهالتاريخ مالك الا الصبر ويمكن الرجل صادق إن شاءالله أحسن الظن

انتبه من الشيك اللي بدون رصيد ولاتاخذ اعتراض ولاتقدمه للشرطة لان هذا الشيك يعتبر شيك ضمان والدليل تاريخه بعد ثلاث شهور والله يعوضك خير لانك لوقدمته محرر الشيك يمسكونه الشرطه وانت يستدعونك وياخذون اقوالك ويتحقق معاك واذا ثبت ان الشيك ضمان ترا فيها عقوبه عليك لان الشيك بدون رصيد يعتبر جريمه حالياعلى المحرر والمستفيد والعقوبه تختلف بين السجن والغرامه وبصمات والى اخره وانا اقولك الكلام هذا من واقع تجربه والله المستعان عموما اي استفسار انا حاضر

ابو عبد الاله اتقي الله الرجال تطمن لك وعطاك شيك مؤجل حسب اتفاقكم وانت تروح تبي تصرفه قبل موعده لا وتبي تعرف شلون تشتكي وتسجن الرجال ما اقول الا الله يعطيك على قد نيتك

إذغ أنت تعرف الشخص

ووافقت على صرفه في تاريخه

فلماذا تشتكي؟؟!!

أصبر إن الله مع الصابرين

وحقك إن شاء الله محفوظ

شف ياعزيزي انت طلبت أرائنا وانا شخصيا بعطيك رايي
اولا كلام موظف البنك صحيح اذا فيه رصيد يصرف لك الشيك بغض النظر عن التاريخ واذا مافيه رصيد مايعطيك ورقه أن الشيك بدون رصيد الا في التاريخ المكتوب
لكن الأهم كيف تبون يكون هناك ثقه في التعاملات الماليه وانتو ماتحترمون كلامكم مع الناس تتفق مع الرجال على شيك بتاريخ مؤجل وتروح اليوم الثاني تحاول تصرفه لا وتحاول تشتكيه اقسم بالله انه شي يحز في النفس اذا كان كلام الرجل مايمسكه عشره متر قدام
ارجو ان تتذكر آيات المنافق الثلاث ومنها واذا واعد اخلف

ياجماعة الخير الرجل الي كتب لي الشيك نصاب ونصب على غيري وسمعت خبر مؤكد أنة راح يقدم إستقالة من عملة بعد ماتقدمو ناس كثير عشان يشكونة وأعتقد ممكن أنا الوحيد الي معي الشيك عشان أدينة وهو قالي قبل شهر إذا جاء موعد صرف الشيك ومالقيت رصيد أشتكي لأنة عارف أنة قبل صرف الشيك راح يهرب ومكن يهرب خارج المملكة

مثل ما قال الاخوان

اذا انت متفق معاه على تاريخ معين لصرف الشيك , فلماذا تريد ان تصرفه بغير وقته ..

انت الغلطان لانك قبلت بهذا الاتفاق لذلك خليك عند كلمتك واصبر الى ان يحين موعد الشيك ..

المسلمون علي شروطهم لم يحل موعد الصرف

بغض النظر عن نيتك ... الله أعلم بالنوايا

كلام موظف البنك صحيح 1000000% دام الشيك مكتوب عليه لايصرف الا بتاريخ كذا
يعني بتاريخه يصرف
لو تقدمت يوم او تاخرت يوم مايصرف ( التاخير اتوقع في مده معينه اذا ماخانتني الذاكره 3 ايام )
غيره لأ .
ولو على الشيك خط من فوق : صرف للمستفيد الاول فقط
ولو على الشيك خطين : هذه نسيت وش معناها بصراحة .

صدقوني لو الرجل ثقة أقسم بالله ماعندي مشكلة لكن الرجل مايرد على إتصالاتي ولاأعرف مكان سكنة وهو قدم إستقالة من عملة ( وش معناها ) ؟؟؟؟؟؟؟؟؟؟
وجميع الناس الي علقو على موضوعي مع إحترامي لهم واقفين معة وكأن الحق معة وأنا الضحية والمظلوم وناس كثير معي
ونظاماً ممنوع تأجيل الشيك ( مؤجل ) وأنا ماأعرف نظام الشيكات على العموم بكرة أقدم إعتراض البنك والشيك للشرطة وبإذن الله أن الحق معي وإذا مااخذت حقي بالدنيا أبأخذة بالآخرة وشكراً للجميع

الشيك بتأريخ معين يصرف في تاريخه

هذا المعروف نظاما وعقلا

والشكر للإخوان الذين وضحوا وأفادوا الله يجعل ذلك في ميزان حسناتهم

وأخص وأنبه على كلام الأخ 7. بقلم: التاجر10

خطير جدا

انتبه

الشيك لايصرف الا بموجب بيانات الاوامر المكتوبة عليه .. عميل البنك له احترام تعليماته خاصة إذا كان هامور ... او مافي حكمه .

التعليق رقم 7 افادك بالشئ الصحيح..

وافيدك من واقع عملي انه لا يحق لك طلب صرف الشيك الا في موعده المكتوب فيه..فإن ثبت وقتها انه لايوجد به رصيد كافي عندها تطلب ورقة اعتراض من البنك في مدة لاتتجاوز (6) أشهر من تاريخ استحقاق صرف الشيك وتقدم اوراقك للشرطة وهم بدورهم يقومون بالقبض عليه وتحويله لهيئة التحقيق والادعاء العام والتي بدورها تحقق معه وتوقفه حتى يتم احد ثلاثة امور:التنازل او الصلح او السداد..

وللمعلومية اذا كنت ماخذ الشيك انت وانت تعلم ان مافيه رصيد تعتبر شريك معه في الجريمة زي ماافادوك الاخوان لأن الشيك ورقة صرف فوري وليست ورقة ضمان فالضمان له الكمبيالات.

عموماً الموضوع فيه الحق الخاص وهو الذي ينتهي بالثلاثة امور التي ذكرتها وفيه حق عام وهي احالة المتهم للجنة في وزارة التجارة لعقوبته بالسجن او الغرامة او بإحداهما..

وعل طاري هروب الشخص للخارج..لاتخاف يجيبونه من الخارج عن طريق القنوات الرسمية وحسب الاتفاقات والمعاهدات بيننا وبين دولته ..

بالعربي تركد لين يجي موعد الصرف ولكل حادث حديث بس تيقن وت\اكد ان حقك محفوظ بس يمكن تطول المعاملة شوي على حسب اجراءاتها..

اعانك الله

اذا خرج خارج المملكة غني ياليل مطولك

السيف الاملح يابو متعب