راس مالي 60 الف واحتاج لمشروع يدخل لي 1000 ريال باليوم - افكاركم ياشباب -

متأكد 1000 ريال في اليوم؟؟

60 الف ودخل 1000 ريال يوميا
وش هالمشروع !!!!

( الله كريم يجيب خبز ياعقيلي ) مثل قديم
الله كريم والله التجاره والعمل الحر فيه خير مع توفيق الله

ب 60 الف وتبي 1000 ريال يومي عندي
تلحف بالبطانيه واحلم ببلاش الحلم

تجارة المخدرات طال عمرك

يعني اكبر مخدتي يالربع

لا تكبر مخدتك يبه
60 الف تسويلك مطعم ياطويل العمر
ومدخول المطعم اذا نضيف وكل شيء تمام مايقل عن 2500 ريال يوميا

والله حطموني يالخووووووي
بغيت اعدل العنوان وخلي بدل 1000 ريال 100 ريال باليوم

اذا فكرت تفتحلك مشروع مثل ماقلتلك مطعم
الناس ماهمهم الا بطونهم اغلب العوائل الحين مايطبخون كثير كل اكلهم من المطاعم
وروح اطلع للمطاعم وتشوف بعيينك كيف الشغل حامي

طيب اخوي لك تجربه بالمطعم انت

لا والله مالي تجربه لكن كنت بفتح مطعم قبل شهر لكن حصلتلي ظروف ووقفت

اهم شيء بالمطعم الشيف يكون يعرف يشتغل زي الناس وتعطيه نسبه ترضيه لاتقول بتجيبلك بنغالي وبتعطيه راتب
ولو فكرت تفتح المطعم حاول انك تتخصص بشيء يعني همبرقل وشوارما او شوارما وكباب بس

لك رساله عالخاص

اذا تقبل نصيحتي ...

اغلب الشباب يعملون مشاريع وتفشل ... بنسبة 90%
وهذا طبيعي لان الواحد فيني يفكر نفس تفكيرك بالضبط ...
مع رأس مال ويبي مشروع ناجح ودخل ممتاز ... = طبيعي جداً كل واحد يفكر كذا ..
ولكن
النجاح في التجارة لها شرط واحد .. مهم جداً
وهو معرفة اسرار المهنة ... معرفة اسرار الصنعة اللي بتعملها ....
اسرار المحل اللي تبي تفتحه ...
طبعاً هذه الاسرار والمعلومات ماراح تاخذها من النت ولا من استشارة الاعضاء او الاصحاب ..
بشكل عام
كل المشاريع مربحة .. مافي مشروع يخسر ..
لإنه ببساطة كل فوله ولها كيال .. وكل سلعة ولها زبونها .. كل صنعه ولها محتاجها ..
يعني ماراح تخسر شي ..
شفت اكرمك الله " الزبايل " بالشارع لو تلمها مانت خسران ...
الكراتين والبقايا المرمية في الشارع مثل الكراسي والدولايب منت خسران
شايف المسامير المكسرة المرمية في الارض ... لو تلمها مانت خسران

ولا ماكان لقيت حجه تلم علب الببسي في الشوارع ..



ولكن ... ايش سبب الخسارة اللي تطيح على غالبية الشباب .. وليش ...
الخسارة تجي اول شئ بسبب اننا مانعرف سر المهنة ...
ادق تفاصيلها .. الاشياء الصغيرة قبل الكبيرة ..
لذلك اللي يبي يفتح مشروع وينجح .. لازم يكون شغال فيه وعارف كل تفاصيله وادق اسراره ..
لذلك لو تبي مشروعك ينجح مهماً كان .. ف لازم انك تفرغ نفسك وتشتغل عامل في مشروع مشابهه لمشروعك وتجلس فترة طويلة لحد ماتتمكن منه ... بعدها توكل على الله ... وافتح مشروعك الخاص ... او شي راح تعرفه انك بدال ما تستخدم 60 الف راس المال راح تستخدم نصفهم فقط ... وهذا هو سر المهنة ..

الشي الثاني اللي نخسر بسببه .. عدم المتابعة .. يعني الواحد يفتح مشروع ويتكي .. ويصير راعي الحلال ... ولا يدري عنه ... يبي بس دخل ممتاز يجيه وخلاص ...
وهذا سبب رئيسي لاغلب الخسائر ....
وهذا اللي حاصل الان بعد حملة الحكومة على الاجانب ... ورطوا اصحاب المحلات
لدرجة انه حتى عامل واحد ما يقدر يدبر ... ليش .. ؟؟؟ لانه مايعرف عنهم شي ... بس كان يجيه الدخل لين عنده وهو باشا جالس ....


لذلك نصيحتي لك .. لا ترمي فلوسك ..
الشي اللي تفهم فيه مرررررررة .. اشتغل فيه .. وكل شي ترى ماشي ..
يعني لو انت تفهم في الجوالات مررررررة في برامج وتطبيقات واصلاح ... فك لك مشروع .. ماراح تخسر .. اذا تفهم في المطابخ والطبخ .. واسرار المهنة توكل على الله

اما انك تبي ترمي الستين الف في الهوا وتبغاها تجيب لك الف في اليوم ....
انسى الموضوع ...
خلي فلوسك عندك ....

والله من وراء القصد

. بقلم: وسيط2007
والله كلامك عين العقل
والله كلامك عين العقل
والله كلامك عين العقل

اخوي وسيط كلامك عين العقل والمنطق
انا مابعد وصلت لمرحلة السذاجه اني اسلم فلوسي لكل من هب ودب
انا فكرت بالموضوع هذا لعل وعسى احصل فكره جديده
وبالفعل اغلب الاخوان نصائحهم مثل نصيحتك اخي العزيز
انا رجل متمكن جدا في مجال التقنية والحاسب الالي والأجهزة الذكية
متمكن لدرجة الاحترافيه التامة وفكرت بالمشروع لكن مشروعي يحتاج الى عمالة
والعمالة لا اعرف لها اي طرق او كيفيه استقدامها
الف الف الف شكر اخوي على ردك الثمين وكلامك المنطقي

رزقك الله من حيث لا تحتسب

أحد أركان التجارة التي يتجاهلها الكثير(( خليك على رأس حلالك )) يعني أتعب وأجتهد

وجرب ولا تسلم شغلك لأحد .... أنت وعيالك أو جيب لك عامل وخليك معاه ليل نهار

وترى التجارة مثل كورة القدم تكتيك ومناورة وشهر أنت فايز وشهر أنت خسران

عليك بالصبر .. الصبر .. الصبر وتوكل على الله ... طبعا ما أقدر أقلك وش المشروع الناجح

المشاريع كلها ناجحه .. بس كل مشروع له وقته ومكانه ورأس ماله (ولا تنسى دراسة الجدوى )


......

وخليك متصدر ولا تكلمني

nokia2005

بارك الله فيك اخوي وكلامك يدل على وزن وثقل عقلك

اخوي اذا قدرت بشكل مبدأي تفتح بوفيه وتكون بجنب تجمع العمالة اعتقد انك بتجني 800 ريال باليوم

انا عندي فكرة مشروع بس ابغى رايكم فيه

غسيل سيارات بوقت قياسي في اقل من عشر دقائق ولو انت وزوجتك بالسياره مايحتاج تنزل ابداً

الغسيل من برا فقط ب اجهزه الضخ السريع وبالمويه فقط ، صحيح ماهو زي غسيل السياره العادي اللي بالصابون ، بس فيه ميزة السرعه والنظافة بنسبة 60 % ان حسبنا الخارج فقط

وخط سير ، طش بالماء سريع الضخ جداً ومروراً بدفع هواء قوي ينزل الماء من السياره
وبعدها توكل بنسبة نضافه اقل مع كسب سرعه ووقت

انا عن نفسي اشتريت ألة ضخ ماء قوي جداً واستخدمها لغسيل سياراتي في دقائق بسيطه واغنتني عن وقت الانتظار الطويل عند المغسله

خاصة ان بصراحه الان يصعب تجد وقت للانتظار اكثر من نصف ساعه لغسيل سيارتك

وبعدين أفكر ان أشارك الموظفين في الربح والخساره
الربح بدفع العميل المال ان نجحنا في وقت اقل من عشر دقائق
وان لم نستطع يكون الغسيل مجاناً

وش رايكم ؟