| جميع الحقوق محفوظة © |

حكايتي مع ترخيص مؤسسات التقسيط الصغيرة (5000 - 20000)

السلام عليكم ورحمة الله وبركاته


مع زيادة مصاريف الحياة وارتفاع الأسعار ، صار الراتب ( ما يوكل عيش ) مهما زاد وارتفع.. فالمصاريف ترتفع مع ارتفاع الراتب بشكل طردي بل وتسبقه في كثير من الأحيان ، مما يضطرك إلى البحث عن سلفة أو دين يسد حاجتك ... إلى حين ميسرة.

فكرت بشكل بديهي كما يفكر غيري أن آخذ قرض وأبدأ بمشروع ذو دخل جيد ، يكون رافد للمرتب..

وكان من ضمن ما فكرت فيه هو مشروع (تقسيط بطاقات سوا) ومشاريع أخرى سقطت بالضربة القاضية أمام فكرة هذا المشروع الذي يحقق لك أكثر من مجرد توازن بين دخلك ومصاريفك ، بل إنه يحملك على أجنحة الأحلام إلى جنة الثراء والغنى .

فكان أول ما فعلته أن أبدأ مباشرة في فتح سجل (مؤسسة بيع وتقسيط أجهزة منزلية) كما فهمت من بعض المواضيع المطروحة في هذا الموقع وغيره ، ليتسنى لي عقد اتفاقية مع البنك لعمل استقطاع لحسابي.. لكن المفاجأة أنني لم أجد في موقع وزارة التجارة ما يدل على هذا النوع من السجلات !!
لم أستلم واتصلت هاتفياً بوزارة التجارة للاستفسار:

- الو ، السلام عليكم
- وعليكم السلام ، كيف نقدر نخدمك؟
- ابغى استفسر عن فتح سجل للبيع بالتقسيط ! ، قلبت موقعكم ولا حصلت شي فيه !!
- عشان تفتح سجل للبيع بالتقسيط تحتاج تاخذ ترخيص من مؤسسة النقد العربي السعودي SAMA .
- !!! ، وش دخل مؤسسة النقد ؟!!
- هذا النظام اخوي ، وبعدما تاخذ الترخيص تزورنا في وزارة التجارة ونطلع لك سجل.
- طيب ، شكراً لك
- مع السلامة ، وتفضل معك التقييم :)
- طوط طوط طوط (قفلت)

ورحت أبحث في موقع مؤسسة النقد العربي السعودي عن بقايا حلمي المفقود.. لم أجد شيء.. أو بالأصح لم أفهم شيء !!
كله كلام ناس هوامير وكما تعلمون فلغتهم تختلف عن لغتنا نحن البسطاء !!
الحقيقة وجدت عندهم شيء يسمونه (المشاريع متناهية الصغر) وجنبها رقم 50,000 !!
50,000 متناهية الصغر؟!!
حسيت انها شتيمة بحقنا احنا البسطاء ، لكن مشيتها لهم ، وقلت في نفسي انا اوريكم إذا صرت مليونير :/

ما فهمت شيء تقريباً من الموقع ، ولكن قلت في نفسي أكيد موظف السنترال في مؤسسة النقد رجل (بسيط ) زي حالاتي وعايش على الراتب.. خلني اتصل واسأله.. لعل وعسى :(

- الو ، السلام عليكم
- وعليكم السلام ، كيف اقدر اخدمك؟
- ابغى استفسر عن ترخيص للبيع بالتقسيط من فضلك
- كم رأس المال؟ وكم ناوي تقسط
- راس المال صغير يعني بحدود خمسين الف
- مممم ، عشان تاخذ ترخيص من هذا النوع لازم يكون رأس المال 100,000,000 مليون على الأقل !!
- وش اللي 100 مليون يابن الحلال انا اتكلم عن مشاريع متناهية الصغر الي كاتبينها في الموقع وراس مالها خمسين الف!!
- اخوي الخمسين ألف هذي رسوم وليست رأس مال !!
- .................. لحظات صمت بفعل الصدمة !!
ثم سألت: - طيب ياخوي والناس اللي شغالين الآن يقسطون سوا ؟
- كلهم بدون ترخيص وراح تتم ملاحقتهم والدعوى فيها غرامات انتبه .


والآن بيني وبينكم أفكر أسافر بالقرض اللي أخذته من شدة الإحباط اللي أصابني .. على الأقل اوسع صدري شوي :(

في أمان الله ،، وآسف على الإطالة .

الردود (7)
الكل: 7
1.
00:07:04 2015.12.17 [مكة]
كان الله بعونك ، كان يجب عليك التأكد من مشروعك من جميع جوانبه قبل أخذ القرض ، لكن قدّر الله وماشاء فعل ، حاول تشغيل قرضك ولو بمشروع بسيط واسأل الله لك التوفيق .
2.
02:19:03 2015.12.17 [مكة]
خذ لك مغسلة ملابس تطلع لك صافي 3000 ريال شهريا ومضمونه وابرك لك من التقسيط بمبلغك هذا تشري مغسله جاهزه 3 الاف مع راتبك تمشي امورك
3.
04:24:04 2015.12.17 [مكة]
:) ... الله يوسع صدرك ... وسعت صدورنا بموضوعك الجميل ... بخصوص سجل تجاري تقسيط .. للأسف الان لا يوجد سجلات الا كما ذكر بمبالغ كبيرة جداً وموافقات و ضمان مالي وبنكي وامور عدة .. اما اللي موجودين الان بالسوق فعلاً اغلبهم او جلهم ... بدون تصاريح ( ماعدا الشركات الكبيرة ) البقية كلهم معتمدين على محصلين لذلك تلاقي الفائدة المطلوبة كبيرة جداً مقارنة بالمبلغ وتصل أحيانا إلى 60% .. لإنهم بشكل عام داخلين في ( الهاي ريسك ) ومن طبيعتهم يدرسون ملف العميل بشكل دقيق جداً .. عشان كذا اغلب اللي يطلب قرض تترفض أوراقه منهم ... طبعاً من الخبرة هم لهم نظرة في الملفات اللي تقبل واللي ماتقبل ... واما قانونياً ف فعلاً تتم ملاحقتهم وتغريمهم ... لذلك يتجنبوا انهم يشتغلون مباشر .. تلاقيهم تحت مظلة شركات كبيرة .. التقسيط مجال مربح وبنفس الوقت متعب ... وخسارته تقص الظهر اذا كنت من حالتنا على قدك ... لانه لو عميل واحد تأخر ( راحت فلوسك يا صابر ) .. وبما انك خلاص المبلغ معاك ف شوفلك مشروع على قدك والله يرزقك يارب
4.
عضو قديم رقم 403097
14:00:30 2015.12.17 [مكة]
مثل f1f2 على السعوديه (( حلال اهلها لغيرها ما هو لهلها )) الاجانب باسطين في الشوارع لااجار ولا عمال ولا رواتب ولا سعوده ومخلينهم يوقف بالشارع الي يعجبه شفلك مؤسسه توها باديه وطلب شراكتها بعقد سنوي وبمحامي قانوني او اجار اسم المؤسسه بمبلغ كل سنه او بنسبه من الارباح بحيث يعطيك اسم مؤسسته بنسبه ربح او بمبلغ سنوي وبذلك المؤسسه سوف تكلفك مندوبين لتسويق الاجهزه من رواتب ابحث عن مشروع بعامل واحد مثل كوفي شوب او بوفيه وريح بالك لايوجد مصاريف زايده ولا عماله زايده واذا حققت ربح انتقل الى حلمك اسال الله ان يفتح لك ابواب رزقه
5.
06:24:02 2015.12.19 [مكة]
يعني تطفيش للمواطن وارغام له ان يتعامل مع البنوك الربويه وهذا مخالف مخالفه صريحه للشرع وللنظام حيث ان مسألة البيع بالتقسيط جائزه شرعا والجهه الرسميه بالدوله الافتاء افتت بذلك فليش تهميش دور العلماء من جهه واجبار المواطنين يامؤسسة النقد على حرب الله ورسوله ختاما المحتكر ملعوووون حديث شريف
6.
17:22:45 2016.04.12 [مكة]

(تم الحذف بواسطة الإدارة)

7.
18:46:38 2016.04.12 [مكة]
خدوني معاكم اخوكم الصوغير ههههههههههههاي
أضف رداً
نقاشات مشابهة