| جميع الحقوق محفوظة © |

بنك التسليف او البنوك الاخرى

السلام عليكم

يااخوان مثل ماهو واضح بالعنوان

الموضوع بنك التسليف يقول ما نعطيك قرض لان راتبك اعلى من 8 الاف

ويقولون بنرفع الحد بس متى الله اعلم ويمكن ما يحصل

اجل لازم نروح للبنوك التجارية

طيب البنوك التجارية وش نظامها؟؟

ايها اقل الخسائر؟؟

اقل هامش ربح

واذا كان عليك قرض لدى بنك معين ورحت بنك ثاني

او طلبت اعادة تمويل من نفس البنك وش الحل؟؟

ارجوكم عطونا ارائكم

لاهنتو

الردود (5)
الكل: 5
1.
عضو قديم رقم 147284
11:22:40 2013.11.12 [مكة]
يختلف هامش الربح من بنك لبنك ومن فترة لفترة يسوون عروض على التمويل واحيانا فيه بنوك تقدم نسب مخفضة لموظفي جهات معينة.. اللي عليك انك تاخذ ارقامهم وتتصل عليهم بنك بنك وتشوف وش افضل نسبة فيهم.. نظامها اذا عطاك نسبة معينة مثلا 2% وعلى 5 سنوات يصير هامش الربح 10% من اجمالي المبلغ ولو قالوا 1.5% يصير هامش الربح 7.5% من اجمالي المبلغ وراح يعطونك 18 راتب كحد اقصى وفيه عندهم تمويل اسهم او سلع .. السلع فيه شبهة ربا وبالتالي خذ لك اسهم بحيث : لنفرض انك طلبت تمويل بمبلغ 150 ألف .. راح يطلبون منك تختار شركة ويشترون لك بالمبلغ اسهم وانت بعدين تبيعها وتاخذ المبلغ.. بالنسبة لإعادة التمويل راح يسويها لك البنك (بعض البنوك تشترط ان يكون مضى اكثر من 6 شهور على قرضك الاول) وراح يطلعون لك قرض ويخصمون منه مبلغ القرض الاول وتاخذ الفرق
2.
23:39:14 2013.11.13 [مكة]
الف شكر اخوي تركي الله يسعدك لكن بالنسبة لبنك التسليف ماله حل؟؟؟؟؟؟
3.
عضو قديم رقم 147284
07:56:43 2013.11.14 [مكة]
حالياً دام راتبك فوق ال8000 ما فيه حل
4.
08:18:47 2013.11.14 [مكة]
الله يسهل لك ولجميع اخواننا المسلمين امورهم
5.
10:44:59 2013.11.23 [مكة]
الله لا يهينكم مشكورين جميعا
أضف رداً
نقاشات مشابهة